Ebùlù 12:11 - Mundani

¹¹ Bɔ̀ɔ ngɨ̀ bɔ̀ me baãaãte wòt ane èbu kekweelè à ka wua mbɔ̀ ŋut àfɨꞋa mbɔŋ, a me saa tò, ka àfɨ̀Ꞌ à tseke tê à me wu, bòt bu bɔ baãaãte awɔb èlɨ mbɔŋ la e bɔ àbȩ̀ àlàŋkè, me ghɨ̀ àghɨa Mbɔ̧ɔ̧mà nàa nkɨꞋa la.

Ebùlù 12:11 ပူးပေါင်းရင်းမြစ်များ

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Ebùlù 12:10

Bètǎt ba mbɔŋ e li ngua mbà̧à̧te awa ane èbu kekweelè mbɨ̀Ꞌɨ̀ bɔ kɔ̀ŋkè la. Ka Mbɔ̧ɔ̧mà nàa ngɨ̀ tà me baãaãte awa èlɨ mbɔŋ, tà wua nkɨà mbɨ̀Ꞌɨ̀ baa wu ane ntsɔ̧̀, etsiꞋi mbɨꞋɨ̀ tòà.

Ebùlù 5:14

Wu ndàꞋ bòt bɔ tsə la ka bɔ̀ɔ njɨ̀a èghɨjɨ kekweelè la. Bòt ngaa wu bòt bɔ ghɨ̀ mènəè tè èyì e nyi àtsəa yɔb ndɨ bɔ̀ɔ ko a ntsɔ̧̀ nè kàbɔ̀ŋ la.

1 Pità 1:6

Ànəa ngoꞋ tu bɨ̀a ndzea àfɨ̀Ꞌ yaa la a màà ngu me saa wɨ̧ ane àtem àfɨ̀Ꞌ àko, bɨ̀ me wùꞋtè wuê awɨ̧.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.