Ebùlù 12:1 - Mundani

¹ È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 12:1 ပူးပေါင်းရင်းမြစ်များ

Matìù 10:22

Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.

Matìù 24:13

ka wòt tàa li baãaã èntɨ̧ɨ̧ vi te ghǎ ewu a ndìa la, naa li bɔ mèmpème.

Ntu̧ Ntsɔ̧̀ MAK 10:50

Tà màꞋà èmǎ̧ vi a si nkȩ ndɔ̀Ꞌ a si nga a mbì Yesò.

Lûk 12:15

Tà ghɨ̀ ale, shu abua yɔb bàgème nê, “Bɨ̀ nɨ àfɨ̀Ꞌ, mbɔ̂ me nko mbɨ̀Ꞌɨ̀ èghoꞋ e wu a kètsìà wɨ̧. Mèmpème wòt nè mèntsèke ntsɔ̧̀ tò ntsě ane èghɨ tà bɔ la, ka tà màà mbɔ èghɨ wu nà leꞋ.”

Lûk 16:28

na ma bɔ bɔnyɨ bɔ̧ batà̧â̧ la, nkɨ̀ɨ̀te awɔb mbɨ̀Ꞌɨ̀ wòt wɔb kɨꞋɨ̀ àdziꞋa ngoꞋ yàa.’

Lûk 21:34

Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la

Jɔ̌n 3:32

Tàa ngɨ̀ tà shu bòt àghɨa ye ye, mè nko la, ka wòt kà bɨ̧ɨ̧ne èngǎ̧ tò.

Jɔ̌n 4:39

Bòt Sàmalìà nyaŋ a èbem àpfəèà nɨ̧ a mbɔŋ e zì mèntɨ̧ɨ̧ mɔb ane Yesò ndɨ wu àvi wu shu awɔb nê, “Tà shua vi àghɨ àgème ye li mè ghɨ̀ la.”

Jɔ̌n 4:44

Yesò zìambɔŋ shuê nê, “Bɔɔ kà kùkte ndàꞋàtɔŋ Mbɔ̧ɔ̧mà àlaꞋ atò.”

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Gàlashìà 5:7

Bɨa yǎ̧ ngua ngȩ̀ȩ̀nà ane alu̧ ntsɔ̧̀ ale wǎ tseke tè nkèlè àwɨ̧ nê bɨ̀ ka tsi ngɨ̀ mbɨ̀Ꞌɨ̀ nkûŋ nàa shua la à?

Efesɔ̀s 4:25

Bà ka tsi ndàꞋà mèfà̧. Waa waa me làꞋa nkûŋ abua wanyɨ vi, nkàà nê, bàagème etsiꞋi bòt mbɨ̧̀ ènyit yemɔ̀Ꞌ ane Yesò.

Filìpȩ 1:30

Tà ŋǎ èlu̧ wàa mɨ̧̂ nê, bɨ̀ zì àbu ba nɨ̧̀ ba è nù èbet waa àfɨ̀Ꞌ yaa. Eyaa bele wuê èbet wu bɨ li ndzè am nùà la, mbɨ̀Ꞌɨ̀ bɨ ko nê è bèle wùà è ngua nua àfɨ̀Ꞌ yaa la.

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

2 Tɔ̀màtià 2:4

Ko nê, shujà nàa ngɨ̀ tà gha a èbet, tà me nùa nkɨ̀a ndɨ àà me bɔ̀ wòt wu tà wu àtsə ayɔb la. Ale, tà kà wua ndzìà àbu àzi a èbem mènəè bòt kà wu bèshujà.

2 Tɔ̀màtià 4:7

Mâ nù èbet ntsɔ̧̀, mâ lùùlà tê mpàâ,

Ebùlù 6:15

Ale, Abàlàghâm kùùle èntɨ̧ɨ̧ nchɨ̀Ꞌ tè ngɨ̀ mbɔ̀ àghɨa Mbɔ̧ɔ̧mà li nkàꞋ atò la.

Jimsì 1:3

nkàà nê èwuu ngoꞋte mbɔŋ tèa ngɨ̀ tè nyiꞋi èntɨ̧ɨ̧ wu bɨ zi ane Yesò la, à gha à me lìa mèntɨ̧ɨ̧ mɨ̧ kweelè.

1 Pità 2:1

Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

2 Pità 1:6

Bɨ̀ mě me nèèta nkùùla ènyit yɨ̧, nèètà nkùùla mèntɨ̧ɨ̧ mɨ̧, mè ntsèka mbɨ̀Ꞌɨ̀ Mbɔ̧ɔ̧mà nàa nkɨà la,

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

Ètsə 13:10

Wòt a li ngu nê bɔɔ baãaã atò la, bɔɔ bê baãaã atò. Wòt a li ngu nê bɔɔ bùŋe atò ane nyi la, bɔɔ bê bùŋe atò ane nyi. Ale, a nyɨꞋtè nê, bòt Mbɔ̧ɔ̧mà è kuule mèntɨ̧ɨ̧ mɔb, mè me kùŋe atò nè èntɨ̧ɨ̧ wɔb wemɔꞋ.

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Ètsə 3:10

Mâ shu nê ndɨ̀ wu bɨ kuule mèntɨ̧ɨ̧ mɨ̧ ngɨ̀ mbɨ̀Ꞌɨ̀ mâ shu la, maa baaba awɨ̧ àfɨꞋa màa nɨ ngoꞋ enyɔ̀Ꞌte bòt sitsǎꞋ bàgème la.