Ebùlù 11:40 - Mundani

⁴⁰ A li ngu ale nkàà nê Mbɔ̧ɔ̧mà taŋkè àghɨa ntsɔ̧̀ àko abua ya, mbɨ̀Ꞌɨ̀ bɔɔ fɔte ba tò ba ka ebɔ, è wù àghɨa bɔ bɔ ndɨ bɔ̀ɔ wu yùà la.

Ebùlù 11:40 ပူးပေါင်းရင်းမြစ်များ

Ebùlù 11:16

Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ebùlù 7:19

Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.

Ebùlù 7:22

Nkà̧ yaa ghɨ̂ Yesò tsiꞋi wòt tà tɨ̧ɨ̧ a mbì, ngɨ̀ mènkàꞋa kèkweelè Mbɔ̧ɔ̧mà mu è wu me ntsɔ̧̀ la.

Ebùlù 8:6

Ka mbɨ̀Ꞌɨ̀ ndɨ àa la, àfaꞋa Mbɔ̧ɔ̧mà ŋa abua Yesò Klistò la a taꞋa tsè àyɔb, wuê mbɨ̀Ꞌɨ̀ mènkàꞋa kèkweelè mu Yesò tɨ̧ɨ̧ a kètsìà adù̧ la è tsě e me nyǎꞋ la. MènkàꞋa màà wu adù̧ ngule èghɨ ntsɔ̧̀ bu bɔbȩ àa li bɔ bùà la.

Ebùlù 9:23

A li mbɔ̀ŋ nê bɔ̀ nɨ àlo̧ èghɨ bàa shùù èghɨ bu è wù àfəa bu a ègwet la è fə. Aà nyɨ̀Ꞌta nê bɔ̀ nɨ àlo̧ èghɨ e tsè baa la ka nɨŋ shùù èghɨ bu a ègwet la.

Ètsə 6:11

Bɔ mè ŋǎ èmà̧ kèfə abua wòt ègème ane yɔb. Bɔ ŋa ale mbɔ̂ shu abua yɔb nê bɔ̀ mě ntsèke ane àfɨ̀Ꞌ àko, tè kèmpà̧ bɔnyɨ bɔb bu bɔ̀ wu bɔfàꞋ Mbɔ̧ɔ̧mà mɨ̧̂ la ghɨa nkùꞋ. Eyaa wu bòt bɔ li mbɔ ndɨ bɔ̀ɔ bùŋe mbɨ̀Ꞌɨ̀ bɔ li mbùŋè èbaa nè bòt la.