Ebùlù 11:4 - Mundani

⁴ Èntɨ̧ɨ̧ wu Abèl li ndzi ane Mbɔ̧ɔ̧mà la e li ngɨ̀ tà ŋà èghɨ e bɔ̂ŋ ntsè èbe Kên la abua Mbɔ̧ɔ̧mà. Èntɨ̧ɨ̧ mbɔŋ tà li ndzi ane Mbɔ̧ɔ̧mà la, e li ngɨ̀ Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Ba ko anè nkàà nê Mbɔ̧ɔ̧mà li mbɨ̧̀ɨ̧̀ne nɨ èghɨ bu tà ŋa abua tò la. Abèl li mbàte mpfə ale ka ba bɔ̂ mbèla ndzəa ànəa àghɨa tà li ngɨ̀ la, nkàà èntɨ̧ɨ̧ wu tà li ndzi ane Mbɔ̧ɔ̧mà la.

Ebùlù 11:4 ပူးပေါင်းရင်းမြစ်များ

Matìù 23:35

A èlɨ̀ waa, ànyem a bòt bu bàgème bɔ li mbùŋè àwɔb a sitsǎꞋ kà bɔ ko ànəê la aa li nɔ̀ŋke akedû̧tsə fɨ̧. Ànyem a mbɔŋ aa li buꞋu ane ànəa Abèl wòt mènəè ntsɔ̧̀ eghǎ wu ane Zàkàleyà waã Bàlachìà wu bɨ li mbuŋe tò a kètsìà lob nɨ̧ Mbɔ̧ɔ̧mà nè àdzìꞋ yu bɔ̀ɔ ŋa èghɨ abua Mbɔ̧ɔ̧mà la.

Lûk 11:51

E bùꞋu ane èvə Abèl eghǎ wu ane èvə Zàkàleyà wu bɔ li mbùŋè atò a kètsìà lob nɨ̧ Mbɔ̧ɔ̧mà nè àdzìꞋ yu bɔ̀ɔ ŋǎ èghɨ abua Mbɔ̧ɔ̧mà la. Ane nkûŋ, tsiꞋ è shu awɨ̧ nê Mbɔ̧ɔ̧mà naa li zi bòt laane a èbem ngoꞋ nkàà wɔb bàgème.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Ebùlù 11:2

Wu èntɨ̧ɨ̧ wu baliambì e li ndzi ane Mbɔ̧ɔ̧mà la ka e li ngɨ̀ èntɨ̧ɨ̧ tò e me bɔ̌ ane yɔb la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 12:24

Bɨ kɨꞋɨ abua Yesò wu tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi mi la. Wu tòà wu àlo̧ atò yu bɔ li mìì la a tɨ̧ɨ̧ ane ànəa èghɨ ntsɔ̧̀ tè tsè àyea Abèl la.

Ebùlù 5:1

Mbɔ̧ɔ̧mà nàa ngɨ̀ tà lȩ̂ wòt ayɔɔ bòt, bɔ̀ zia tò ane àtsəa bèntsìà mèpɨ̧̀, bɔ wua nkɨà taa me fàꞋa abua Mbɔ̧ɔ̧mà ane èlen bòt ngaa, ŋǎ èghɨ mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà mbɨ̀Ꞌɨ̀ e ghɨ̌ taa waꞋa bèkàbɔ̀ŋ bɔb.

Ebùlù 9:22

Ane nkûŋ, mbɨ̧tsə te nyɨꞋtè nê bɔɔ nɨa àlo̧ ka nɨa ngɨ̀à èghɨ nyaŋ e kuꞋa a mbì Mbɔ̧ɔ̧mà, tè àlo̧ a bakà chɨ̧ɨ̧te a si Mbɔ̧ɔ̧mà kà waꞋa mènəè kàbɔ̀ŋ bòt.

2 Pità 2:8

Wòt ntsɔ̧̀ waa li ngua ntsèka ayɔɔ yɔb àli àgème, ndzəa mè ndzea èbɨꞋte ènəê baa, e sɔ̀ɔ̀bà èntɨ̧ɨ̧ tò.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.