Ebùlù 11:32 - Mundani

³² Màa mèe shu nê ghà tsa à? E mbakà tsi mbɔ̌ àfɨꞋa màa mèe me làꞋa ane ànəa Gidìòn nè Balàk nè Samsèn nè Jebtà nè Dàbid bɔ̂ Samùèl ndɔ̀Ꞌ nè bèndàꞋàtɔŋ Mbɔ̧ɔ̧mà la.

Ebùlù 11:32 ပူးပေါင်းရင်းမြစ်များ

Matìù 5:12

Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.

Lûk 13:28

“Bɨa me dɨ̀a nkwèla àsɔŋ yɨ̧ abot àfɨꞋa bɨ̀a ye Abàlàghâm bɔ̂ Asàk nè Jàkɔ̂b, nè bèndàꞋàtɔŋ Mbɔ̧ɔ̧mà bàgème, a èbem kèfɔ̧̀ tò, mbɔ̂ bɨ̀ambɔŋ e wu àbȩ bɔ màꞋà la.

Lûk 16:31

“Abàlàghâm tsɔꞋɔ èngǎ̧ tò nê, ‘Bɔ bakà bɨ̧̀ɨ̧̀ne mènəè Musì bɔ̂ bèndàꞋàtɔŋ Mbɔ̧ɔ̧mà e shu la, ko wòt màà ndɔ̀Ꞌ adzìꞋa bèmpfəà nkɨ̀Ꞌâ è shu ànəê àko abua yɔb, ko bɔ̀ ka bɨ̧ɨ̧ne a.’ ”

Jɔ̌n 21:25

Mbɔ̂ èghɨ ko tsa e taꞋa wu Yesò li ngɨ̀ la. Mâ ye nê bɔ li ngɨ̀ ale shɨ bùà ègème, ko betsiꞋa ngɔ̀ŋ yaa kà bɔ àdziꞋa nàa nɔ̀ŋè èkatè ngaa la.

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 13:20

ane èngùꞋ ènkɨ̀ yekwì nè èghem yetà̧â̧. “Àli a me wu, tà mè me ŋa bèkěm be me baãaã àlaꞋ tè ngà ngu àfɨ̀Ꞌ yu tà lè ŋa awɨ̧ a Samùèl wu tà lè wu ndàꞋàtɔŋ tò la.

ÀfaꞋa 3:24

“TsiꞋ è shu awɨ̧ nê, Mbɔ̧ɔ̧mà li ngɨ̀ bèndàꞋàtɔŋ bi bàgème, fɔɔle nè Samùèl nè èbe be li nkɨ̀Ꞌɨ̂ akwen tò la, bɔ shu mènəè nàa ghɨ̌ ane èli bàa la.

Lûm 3:5

Mbɨ̀Ꞌɨ̀ àa ale la, tè kàbɔ̀ŋ wa me ghɨ̌ bòt e me ye nê Mbɔ̧ɔ̧mà nàà ndɨŋndɨ̀ŋ, ko bàà laꞋ nê ghàà? Kò bàa laꞋnê Mbɔ̧ɔ̧mà me zi àwa a èbem ngoꞋ, ko tà wua ngɨ̀à àghɨa kà kùꞋ à? (E ndàꞋà àyaa mbɨ̀Ꞌɨ̀ wɔ̀bȩ̂.)

Lûm 4:1

Bàà wu ane laꞋ nê ghàà? Nê Abàlàghâm wu tà wû tǎt nyaꞋ bòt ba la li ndze ànəê yaa zìambɔŋ naa?

Lûm 6:1

Bà wu anè e laꞋ nê ghàà? Tè bàa me ghɨa kàbɔ̀ŋ ngà wuê nè mbì mbɨ̀Ꞌɨ̀ Mbɔ̧ɔ̧mà naa me nyɨꞋta ntsɔ̧̀ vi abua ya nɨ̀a ngà nè mbì?

Lûm 7:7

Tè e ngua anè shua nê mbɨ̧ wu àghɨa kàbɔ̀ŋ? ChaꞋ, a ntsě ale. Mbɨ̧ ntsě àghɨa kàbɔ̀ŋ. Mbɨ̧ li ngɨ̀ ale è kà wuê, ko e mbakà ko àghɨa kàbɔ̀ŋ wu yùà la. Mbɨ̧ li ngɨ̀ ale è kà shu laꞋnê, “À ka me kɨ nê àghɨa wòt tsa a wu wu a ye”, ko e mbakà ko laꞋ nê mànkɨa nê àghɨa wòt tsa a wu wu a yaã wu kàbɔ̀ŋ.

Jimsì 5:10

Bɔnyɨ bɔ̧, bɨ̀ ku̧u̧te bèndàꞋàtɔŋ Mbɔ̧ɔ̧mà bu bɔ li ngua ndaꞋa ane èlen tò la, nɨ̀a wɔb mbɨ̀Ꞌɨ̀ àlȩê bòt bu bɔ li nkùùle mèntɨ̧ɨ̧ mɔb, ndzě ngoꞋ la.

2 Pità 1:21

Ànəa ko a ntsě a èbem Àkata Mbɔ̧ɔ̧mà bèndàꞋàtɔŋ Mbɔ̧ɔ̧mà e li ndàꞋ è wû ànəa a dzəè àtsəa wɔ̀bȩ̂ la. Wu Fo Kèfə ka è li ŋwèèlè ngule bòt Mbɔ̧ɔ̧mà bɔ làꞋà mèngǎ̧ è dzə abua Mbɔ̧ɔ̧mà wu la.

2 Pità 3:2

E nkɨa bɨa ku̧u̧te mèngà̧ mu ngule bèndàꞋàtɔŋ Mbɔ̧ɔ̧mà e li ndàꞋ àfɨꞋa mbì la, nè ànəa Lefɨ̀Ꞌ Mpemnà wa li ngɨ̀ bɔntu̧ tò elàꞋ la.