Ebùlù 11:19 - Mundani

¹⁹ Abàlàghâm li nko nê betsiꞋa Mbɔ̧ɔ̧mà ghɨ̀ bòt e yu̧u̧me. Wuê mbɨ̀Ꞌɨ̀ betsiꞋa wòt shu la, Asàk wu ghà tè ndzè èvə, Mbɔ̧ɔ̧mà ghɨ̀ tà mè njù̧ù̧mê nkua akwèn nkɨ̀Ꞌɨ̂ abua tǎt vi.

Ebùlù 11:19 ပူးပေါင်းရင်းမြစ်များ

Matìù 12:36

Ka tsiꞋ è shu awɨ̧ nê naa li ngu àlia èsaꞋa, wòt ègème làꞋ ànəa èngǎ̧ kà kùꞋ ègème e li mè dzəâ a ètsəê tò la abua Mbɔ̧ɔ̧mà.

Matìù 9:28

Mbɨ̀Ꞌɨ̀ tà ghà te nyi a lob la, bòt àghɨ àleme bu e kɨꞋɨ̀ tà bììte wɔb nê, “Tê bɨ bɨ̧ɨ̧nè nê betsiꞋa e nko mbəè àwɨ̧?” Bɔ nê “Oò a Tè.”

Lûm 5:14

Bòt e li ngua mpfəèꞋta ebùꞋu ane Adàm eghǎ dzə ka wuê àfɨꞋa Mbɔ̧ɔ̧mà li ŋa mbɨ̧ abua Musì la. Bɔ li mpfəèꞋte fɔɔle ne bòt bu kàbɔ̀ŋ wɔb li è kà wu mbɨ̀Ꞌɨ̀ wu Adàm li ngɨ̀ la. Adàm li ngà ane abà ako ngu mbɨ̀Ꞌɨ̀ wòt wu nga ekɨꞋɨ la.

Efesɔ̀s 3:20

Bà ŋa mèngùꞋte abua Mbɔ̧ɔ̧mà wu tàa faꞋa ane ya nyaŋ tè ntsè ndɨ betsiꞋa ba mɨ̀ɨ̀tè kò shuê la.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Ebùlù 9:9

Èghɨ baa ègème e nyɨꞋta àlȩê àfɨ̀Ꞌ yaa bà wu adù̧ la. E wua nyɨ̀Ꞌta nê èghɨ bu bɔ̂ banyà̧ baa bɔ wua nkɨ̧̀ɨ̧̀ma ŋǎ abua Mbɔ̧ɔ̧mà la e li è ka koê ngɨ̀ wòt ngùꞋtà Mbɔ̧ɔ̧mà la nàà wu mbɨ̀Ꞌɨ̀ tà wu ewu la, tè èntɨ̧ɨ̧ tò aa bakà tsi fèèlè atò.