Ebùlù 11:16 - Mundani

¹⁶ Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ebùlù 11:16 ပူးပေါင်းရင်းမြစ်များ

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Ntu̧ Ntsɔ̧̀ MAK 12:26

È me wu ànəa mànju̧u̧ma, ko bɨ bakà li mè tɔ a èbem àkatè Musì ànəa abàꞋ wu è li ngua nkòòla la à? Bɔ shɨ a èbèm nê Mbɔ̧ɔ̧mà li shu abua Musì nê, ‘E ngu Mbɔ̧ɔ̧mà Abàlàghâm, ngu Mbɔ̧ɔ̧mà Asàk, mè ngu Mbɔ̧ɔ̧mà Jàkɔ̂b’.

Ntu̧ Ntsɔ̧̀ MAK 8:38

Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

Lûk 20:37

Musì li nyɨ̀Ꞌte nê, bèmpfəà beà njù̧ù̧mâ mbɔ mèmpème. A èbem adzìꞋ yu tà làꞋa ànəa èwet wu è li ngua nkòòlâ ane abàꞋ wu la tà shu nê, Mbɔ̧ɔ̧mà wu ‘Mbɔ̧ɔ̧mà Abàlàghâm, Mbɔ̧ɔ̧mà Asàk nè Mbɔ̧ɔ̧mà Jàkɔ̂b.’

Jɔ̌n 14:2

Lob Tǎt am taꞋa bɔ mèntàŋ. E tsiꞋa nga anè etaŋke àdziꞋ abua yɨ̧. A ghɨ̂ à ka wu anè ko e mbakà shu awɨ̧ ale.

ÀfaꞋa 7:32

‘E ngu Mbɔ̧ɔ̧mà wu bètǎt nyaꞋ bê Abàlàghâm bɔ̂ Asàk nè Jàkɔ̂b e li ngùa ntsàꞋtà la.’ Kèbɔɔ ke baãaã a Musì, ènyit tò e bentè, tè tà kà lem ntsi ndɨ̀ŋkè abot.

Filìpȩ 3:20

Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

2 Tɔ̀màtià 4:18

Mâ ko nê, Mbɔ̧ɔ̧mà wu naa tsì am a èbem èghɨ kàbɔ̀ŋ ègème, e mě mbaabe am tè maa ghǎ enyi a èbem kèfɔ̧̀ tò a ègwet. TsiꞋ mèngùꞋte wu abua tò àfɨ̀Ꞌ àgème! Àmèn.

Ebùlù 10:34

Bɨ li ndzě ngoꞋ nè bòt bu bɔ zì àwɔb a tèfȩ la, bɔ mè fà èghɨ bɨ̧ ègème, ka àyea ngaa à ka ye awɨ̧, bɨ me wùꞋtè wuê awɨ̧ nkàà nê, bɨ li nko nê bɨ bela mbɔ̌ ngule èghɨ ntsɔ̧̀ bu Mbɔ̧ɔ̧mà li nkàꞋ la, è wù èghɨ àa tèꞋa ane àlia nè àlia la.

Ebùlù 11:10

Tà li ngua nchɨ̀Ꞌà e ghɨ̌ tseke a èbem àpfəèà nɨ̧ yu Mbɔ̧ɔ̧mà fɨ̀Ꞌtè mbɔ̧̀ɔ̧ zìambɔŋ la, è wu àpfəa àa wu ane àlia nè àlia la.

Ebùlù 11:14

Bòt àa ngɨ̀ bɔ me laꞋ nê bɔ wu bègɨ̧̀ àdzìꞋ àko, bɔ wua shua nê bɔ wua nchɨ̀Ꞌà e li tseke a èbem àlaꞋ a tsa è wu ndaŋa ayɔb la.

Ebùlù 11:40

A li ngu ale nkàà nê Mbɔ̧ɔ̧mà taŋkè àghɨa ntsɔ̧̀ àko abua ya, mbɨ̀Ꞌɨ̀ bɔɔ fɔte ba tò ba ka ebɔ, è wù àghɨa bɔ bɔ ndɨ bɔ̀ɔ wu yùà la.

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.

Ebùlù 13:14

Bà ghɨ̀ ale, nkàà nê ba bakà bɔ àlaꞋ ako a sitsǎꞋ ŋàa àa li ewu aya ane àlia nè àlia la, ba wua nchɨ̀Ꞌà àpfəè yu nga ekɨꞋɨ la.

Ebùlù 2:11

Tàa shùà mènəè kàbɔ̀ŋ bòt. Tòà wa bɔ̂ bòt bu bɔ shùù mènəè kàbɔ̀ŋ mɔb la e bɔ a tǎt wɔb wemɔ̀Ꞌ. Ale, eyaa wu àghɨa a ghɨ̂ ka Yesò kà wua mbɔ̌ àtsəa kɔꞋɔ a màntɔ awɔb ane bɔnyɨ bi la.

Ètsə 21:2

E ndze àpfəèà nɨ̧ a Mbɔ̧ɔ̧mà yu, è wu Jèlusalèm fi la, a lɔ̀Ꞌa abua Mbɔ̧ɔ̧mà a ègwet me chu a si. Bɔ nèètè yùà a tsiꞋi mbɨ̀Ꞌɨ̀ ndzà bɔ wèa tò tà me chɨ̀Ꞌɨ̀ lu̧ vi la.