Ebùlù 11:13 - Mundani

¹³ Bòt baa bàgème bɔ tɨ̧ɨ̧ tèlen tɔb la e li me pfəꞋte mèntɨ̧ɨ̧ mɔb bele wuê ane Mbɔ̧ɔ̧mà, mbɔ̂ me pfəꞋte ale èghɨ bu Mbɔ̧ɔ̧mà li nkàꞋ la e bele kà ko àfɨꞋa àa li lɔ̀Ꞌɔ̀ ewu la. Ka bɔ li ndzaŋe eye bùà tea a endɨ̌ sèè. Mbɨ̀Ꞌɨ̀ bɔ ye ale la, bɔ bɨ̧ɨ̧nè nê bɔ wu bègɨ̧̀, mè ngu bòt ntsèa tsě a sitsǎꞋ ŋàa la.

Ebùlù 11:13 ပူးပေါင်းရင်းမြစ်များ

Matìù 13:17

Ane nkûŋ, tsiꞋ è shu awɨ̧ nê, bèndàꞋàtɔŋ Mbɔ̧ɔ̧mà nyaŋ, nè bòt mènəè ntsɔ̧̀ e li ngua ntsènà è nkɨ eye àghɨa bɨ̀a ndzèa la ka bɔ̀ ka ye, mè nkɨ ezə àghɨa bɨ̀a ndzəèa la, ka bɔ̀ ka zə.

Jɔ̌n 12:41

Àsayà me shu ayaa ale ngu ndɨ tà ye ènɨ̧ Yesò ka ndàꞋ ànəa tò la.

Jɔ̌n 8:56

Tǎt wɨ̧ Abàlàghâm li ngùꞋtè àvi e ye àli am, tà li ndze, a mè mbɔ̌ atò.”

Lûm 4:21

Tà li mbê ndâ mbɨ̧̀ɨ̧̀ne nê, Mbɔ̧ɔ̧mà bɔ mètàŋ e ghɨ̀ àghɨa tà kàꞋa tò nê yea ghɨ̀ la.

Lûm 8:24

ÀfɨꞋa baa li pem la, baa li ndzaŋe wua nchɨ̀Ꞌà èghɨ bàa. Wòt bɔ àghɨa tàa nchɨ̀Ꞌà la, lə kǒ tàa mě me chɨ̀Ꞌɨ̀ la ka tsi nguê. Wòt wu tàa nchɨ̀Ꞌà àghɨa tà ye tê ndɔ̀Ꞌ la wu wàà?

2 Kɔlìn 4:18

Eyaa wu lə ba bakà nɔŋe mèntɨ̧ɨ̧ ma ane èghɨ bɔ̀ɔ ndzea la, ba nɔ̀ŋe ane èghɨ bɔ̀ɔ ka ye la. Èghɨ bɔ̀ɔ ndzea la e wu wuê ane kètem àfɨ̀Ꞌ, ka èghɨ bɔ̀ɔ ka ye la e wu ane àlia nè àlia.

2 Kɔlìn 5:6

Bàa bɔ ntɨ̀ àfɨ̀Ꞌ àgème; ba ko nê mbɨ̀Ꞌɨ̀ ba bele a èbem mbɨ̧te ènyit tàà la, bàa wua endɨ̌ ane àpfəa Yesò Klistò.

Efesɔ̀s 2:19

Ale, bɨ te ntsě bègɨ̧̀, bɨ̀ ka mê ngu bòt ntsea tsě la. Bɨ tsiꞋi bòt àlaꞋ yeamɔꞋ nè bòt Mbɔ̧ɔ̧mà, ntsìꞋi àlo̧ yeamɔꞋ nè bòt Mbɔ̧ɔ̧mà.

Ebùlù 11:14

Bòt àa ngɨ̀ bɔ me laꞋ nê bɔ wu bègɨ̧̀ àdzìꞋ àko, bɔ wua shua nê bɔ wua nchɨ̀Ꞌà e li tseke a èbem àlaꞋ a tsa è wu ndaŋa ayɔb la.

Ebùlù 11:17

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la e li ngɨ̀ tà ŋa Asàk afɨꞋa Mbɔ̧ɔ̧mà li nyɔꞋta tò la, tòà wu tà li mbɔ̀ mènkàꞋa mu la tsiꞋa nkɨ kɨ̧ɨ̧me ndàꞋ waã vi,

Ebùlù 11:27

Èntɨ̧ɨ̧ wu tà li ndzi ane Mbɔ̧ɔ̧mà la e li ngɨ̀ tà dzə a Ejìb kà bɔ̀a laꞋnê fɔ̧̀ naa me tsoo ane zi. Tà li nkùùle èntɨ̧ɨ̧ vi ngà, mbɨ̀Ꞌɨ̀ wòt tà ye a Mbɔ̧ɔ̧mà wu kà bɔ wua ndzea tò la.

Ebùlù 11:39

Èntɨ̧ɨ̧ wu bòt baa e li ndzi ane Mbɔ̧ɔ̧mà la e li mbàte ngɨ̀ bɔ bɔ èlen ntsɔ̧̀, ka bɔ̀ ka lem mbɔ̀ àghɨa Mbɔ̧ɔ̧mà li nkàꞋ àwɔb la.

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

1 Pità 1:17

Ndɨ̀ wu bɨ̀a ntɔa Mbɔ̧ɔ̧mà ane Tǎt wɨ̧ la, e wu tàa saꞋa wòt ègème kà lȩ mèsi mbɨ̀Ꞌɨ̀ mènəè tò nyɨꞋte la, bɨ̀ me ŋa kènuke abua tò, ndzəa tò ane mèntsèke mɨ̧ adzìꞋ yaa mbɨ̀Ꞌɨ̀ bègɨ̧̀.

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.

1 Jɔ̌n 3:19

Ba me kɔ̀ŋkè bɔnyɨ ba a èlɨ̀ waa, ko baa ko nê ba wu bòt mènəè nkûŋ. Eyaa mè ngu àghɨa àa ghɨ̌ ka mèntɨ̧ɨ̧ ma naa tseke ka wua mbèntâ a mbì Tǎt wa Mbɔ̧ɔ̧mà la.