Ebùlù 11:1 - Mundani

¹ Ba zìà èntɨ̧ɨ̧ wa ane Mbɔ̧ɔ̧mà, è wu mànkoa nkûŋ nkûŋ nê baa bɔ èghɨ bu ba chɨ̀Ꞌà la, mè nko nkûŋ nkûŋ nê èghɨ bu bàa ka ye la aà və.

Ebùlù 11:1 ပူးပေါင်းရင်းမြစ်များ

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

2 Kɔlìn 11:17

Ànəê ya e ndàꞋà la ntsě ànəa Yesò Klistò shu abua am nê è ndaꞋa la. Maà ngàꞋtà am a èlɨ̀ wa ale a tsiꞋi ngaa mbɨ̀Ꞌɨ̀ e ngu àkèghɨ̧̀.

2 Kɔlìn 4:18

Eyaa wu lə ba bakà nɔŋe mèntɨ̧ɨ̧ ma ane èghɨ bɔ̀ɔ ndzea la, ba nɔ̀ŋe ane èghɨ bɔ̀ɔ ka ye la. Èghɨ bɔ̀ɔ ndzea la e wu wuê ane kètem àfɨ̀Ꞌ, ka èghɨ bɔ̀ɔ ka ye la e wu ane àlia nè àlia.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

2 Kɔlìn 5:7

Ba tseka nkàà mèntɨ̧ɨ̧ ma mu baa zi ane Mbɔ̧ɔ̧mà la, è ntsě ane èghɨ bàa ndzea la.

2 Kɔlìn 9:4

Bɨ bakà ghɨ anè e me kɨꞋɨ bòt Màsèdonìà ko e kɨꞋɨ ba tò ba me ye bɨ bakà taŋke tê e lɔ̀Ꞌɔ ko bɨa ghɨ̌ baa bɔ àtsəa kɔꞋɔ, nkàà nê ba li ndzaŋe shu nê bɨa ghɨ̌. Mâ mɨ̀ɨ̀tè nê àyea mbɔŋ aa ghɨ̌ bɨa bɔ àtsəa kɔꞋɔ mɨ̧̂.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 10:39

Ba ntsě èwuu bòt bu bɔ̀ɔ ntsìà èntɨ̧ɨ̧ wɔb ane Mbɔ̧ɔ̧mà ndema la. Ka ba wu èwuu bòt bu bɔ̀ɔ ndzìà mèntɨ̧ɨ̧ mɔb ane Mbɔ̧ɔ̧mà mbɔ̌ mèmpème la.

Ebùlù 11:13

Bòt baa bàgème bɔ tɨ̧ɨ̧ tèlen tɔb la e li me pfəꞋte mèntɨ̧ɨ̧ mɔb bele wuê ane Mbɔ̧ɔ̧mà, mbɔ̂ me pfəꞋte ale èghɨ bu Mbɔ̧ɔ̧mà li nkàꞋ la e bele kà ko àfɨꞋa àa li lɔ̀Ꞌɔ̀ ewu la. Ka bɔ li ndzaŋe eye bùà tea a endɨ̌ sèè. Mbɨ̀Ꞌɨ̀ bɔ ye ale la, bɔ bɨ̧ɨ̧nè nê bɔ wu bègɨ̧̀, mè ngu bòt ntsèa tsě a sitsǎꞋ ŋàa la.

Ebùlù 11:27

Èntɨ̧ɨ̧ wu tà li ndzi ane Mbɔ̧ɔ̧mà la e li ngɨ̀ tà dzə a Ejìb kà bɔ̀a laꞋnê fɔ̧̀ naa me tsoo ane zi. Tà li nkùùle èntɨ̧ɨ̧ vi ngà, mbɨ̀Ꞌɨ̀ wòt tà ye a Mbɔ̧ɔ̧mà wu kà bɔ wua ndzea tò la.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.