Ebùlù 10:39 - Mundani

³⁹ Ba ntsě èwuu bòt bu bɔ̀ɔ ntsìà èntɨ̧ɨ̧ wɔb ane Mbɔ̧ɔ̧mà ndema la. Ka ba wu èwuu bòt bu bɔ̀ɔ ndzìà mèntɨ̧ɨ̧ mɔb ane Mbɔ̧ɔ̧mà mbɔ̌ mèmpème la.

Ebùlù 10:39 ပူးပေါင်းရင်းမြစ်များ

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Lûk 11:26

è mè ngà nɨ fote kàbɔ̀ŋ ko tesà̧à̧mbe te bɨɨte ntsè yùà la, nɨŋ kɨ̀Ꞌɨ̂ bɔ tseke a èbèm. À gha a me lìa, ŋut bê bɨɨ tê ntsè ndɨ tà ghɨ̂ ndzaã ngu la.”

Jɔ̌n 17:12

Mâ nɨ mètàŋ mu à ŋa abua am la mbààbe awɔb ane àfɨ̀Ꞌ yu maa wu ba tò ba la. Maa bà̧à̧ wɔb ntsɔ̧̀ tè wòt ane yɔb ka nyɔ̂, tè è bəa wòt wu tà bɔ ndɨ tàa nyɔ la, mbɨ̀Ꞌɨ̀ e ghɨ̌ ànəa bɔ shɨ a èbem Àkata Mbɔ̧ɔ̧mà la aa te.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

1 Tèsàlonikà 5:9

Mbɔ̧ɔ̧mà li tà kà wua ndàà wa nê ntsǒ zi li nɔ̀ŋke àtsəa ya bà ye ngoꞋ. Tà li ngua ndàà wa mbɨ̀Ꞌɨ̀ e ghɨ̌ Yesò Klistò Lefɨ̀Ꞌ wa naa ŋa awa mèmpème kàlìà.

2 Tèsàlonikà 2:3

Bɨ̀ ka mbɨ̧̀ɨ̧̀ne wòt kǒ fɨte awɨ̧ ka wuê ane alu̧ kǒ, ngu nê betsiꞋa àlia ngaa à ka kɨꞋɨ̀ tè àfɨ̀Ꞌ yu bòt nyaŋ àa me səèꞋtè àwɔb ane Mbɔ̧ɔ̧mà nè mènəè tò la a kùꞋ. Eyaa wu àfɨ̀Ꞌ yu wòt wu tàa ka bê nkɨ ezə ànəa Mbɔ̧ɔ̧mà ko tsa la nàa pùùlà la. Tà wu wòt wu Mbɔ̧ɔ̧mà nàa li e nyɔŋe atò a èbem èwet la.

1 Tɔ̀màtià 6:9

Ka, wòt nàa ngɨ̀ tà bela nkɨ̀a èghɨ nyaŋ, tà kwene a èbem àtaã Satàn, ntsìꞋi me kɔ̀ŋkè èkèghɨ̧̀ èghɨ bu àa ntsòkà wòt ndììma tò nènkèm la.

Ebùlù 10:26

Ba ko nkûŋ tè ndɔ̀Ꞌ, mbɔ̂ mè me ghɨ̀ wuê a kàbɔ̀ŋ, ko àghɨa ko a te ntsě bɔ̀ɔ mèe kɨ̧ɨ̧me ane mènəè kàbɔ̀ŋ ma la.

Ebùlù 10:38

Mbɔ̂ bòt bɔ̧ bu bɔ̀ɔ ngɨ̀à mènəè ndɨŋndɨ̀ŋ la aa peme nkàà èntɨ̧ɨ̧ wu bɔ zi ane yaã la. Ka wòt tà tsǐ èntɨ̧ɨ̧ vi ane yaã la, ba tò è ka tsi wu ane ntsɔ̧̀ a.”

Ebùlù 11:1

Ba zìà èntɨ̧ɨ̧ wa ane Mbɔ̧ɔ̧mà, è wu mànkoa nkûŋ nkûŋ nê baa bɔ èghɨ bu ba chɨ̀Ꞌà la, mè nko nkûŋ nkûŋ nê èghɨ bu bàa ka ye la aà və.

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.

1 Jɔ̌n 5:16

Wòt yea wanyɨ vi ngɨa kàbɔ̀ŋ kà wu ewe betsiꞋa è ghɨ̀ tà pfə la, tà tsaꞋte a Mbɔ̧ɔ̧mà àtsəa tò, ko Mbɔ̧ɔ̧mà naa ŋa atò mèmpème. E shua bòt bu bɔ̀ bakà ghɨ mènəè kàbɔ̀ŋ è wu me betsiꞋa è ghɨ̀ bɔ pfəꞋtè la. Ka mènəè kàbɔ̀ŋ kǒ nàà və betsiꞋa è ghɨ̀ wòt pfə la. E ntsea shua nê bɨ̀ tsaꞋte a Mbɔ̧ɔ̧mà ane èwuu kàbɔ̀ŋ mbɔŋ.

1 Jɔ̌n 5:5

Wòt betsiꞋa tà tsè ngɔ̀ŋ yaa la wu ndàꞋà wòt tà bɨ̧ɨ̧nè nê Yesò wu Waã Mbɔ̧ɔ̧mà la.

Ètsə 17:11

È me wu nyà̧mɔ̀Ꞌ yu è li ndzaã ngu yu̧, ka è kà tsi ngu yu̧ la, ko wu we bafà̧aã ane bèfɔ̧̀ bu, mbɔ̂ ngu ayɔɔ bèfɔ̧̀ bu basà̧à̧mbe la, mbɔ̂ ngu ghǎ adzìꞋa bɔ̀ɔ bùŋè atò àyea tò aa mì la.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.