Ebùlù 10:32 - Mundani

³² Bɨ̀ ku̧u̧te èli mbì bu bɨ li mbɨ̀ nko nê èngǎ̧ Mbɔ̧ɔ̧mà wu nkûŋ la. Bɨ li ntàꞋa ye ngoꞋ ka bɨ̀ ka tsi mèntɨ̧ɨ̧ mɨ̧ ane Mbɔ̧ɔ̧mà.

Ebùlù 10:32 ပူးပေါင်းရင်းမြစ်များ

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Filìpȩ 3:16

A màà ngu wuê nà leꞋ, ko bɨ̀ tsiꞋ bà ghȩ̀ȩ̀nè wuê ane alu̧ wu baa wua ndzìà ngȩ̀ȩ̀nà te kɨꞋɨ ewu àfɨ̀Ꞌ yaa la.

Kɔ̀losìà 2:1

Maà nkɨà bɨa ko ndɨ màa ndèbà ènyit yaã mbɨ̀Ꞌɨ̀ è ngu etɨŋe awɨ̧ nè bòt Làoêdisìà, nè bòt ko bu bàgème kà li tè mè ye am la.

Ebùlù 12:4

Èbet wu bɨ̀a ntsèka nùà ane ànəa mènəè kàbɔ̀ŋ la e bakà ziꞋ nga te wu àdziꞋa àlo̧ wòt kǒ àa chɨ̧ɨ̧te a si la.

Ebùlù 5:12

Bɨ ghɨ̂ mbɔ̌ ndɨ nàa me wu àfɨ̀Ꞌ yaa bɨa tsiꞋi bènyɨꞋtà la, ka wòt kǒ bɔ ndɨ̀ tàa mèe enyɨꞋte awɨ̧ èghɨ leyu bu wòt bɔ ndɨ tàa bɨ̌ ko ane èngǎ̧ Mbɔ̧ɔ̧mà la. Bɨ bele mbɨ̀Ꞌɨ̀ bòt bɔ̀ɔ me nyɔŋe awɔb la, bɨ bakà zìꞋ nkùꞋ bòt bɔ̀ɔ me jɨ èghɨjɨ kekweelè la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

Ebùlù 6:4

Bòt bu bɔ sa èngǎ̧ Mbɔ̧ɔ̧mà la, bɔ̀ɔ ghɨ̀ na ka ekubte e mě kɨꞋɨ abua tò à? Bɔ li ngua ngȩ̀ȩ̀na a èbem èkaꞋà Mbɔ̧ɔ̧mà. Bɔ li njùte èghab wu àa ndzəa a ègwet la, mè mbɔ̌ Fo Kèfə mbɨ̀Ꞌɨ̀ bòt ko.

2 Jɔ̌n 1:8

È wu ale, bɨ̀ me ko awɨ̧ mbɨ̀Ꞌɨ̀ bɨ bi àghɨa bɨ fàꞋà tê mbɔŋ la. Bɨ bɔ ndɨ bɨ̀a bɔ àghɨ àgème Mbɔ̧ɔ̧mà taŋke abua yɨ̧ la.

Ètsə 2:5

È wu ale, bɨ̀ ku̧u̧te àdziꞋa èkɔŋ wɨ̧ è le wu ane yaã la, nkùbte mèntɨ̧ɨ̧ mɨ̧, mè me ghɨ mbɨ̀Ꞌɨ̀ bɨ li ndzaãaã ngùa ngɨ̀à la. Bɨ̀ baka kubte, ko ma kɨꞋɨ e tsì àyɨ̧ ne àghɨ yu bɔɔ ntsia èkaꞋà adù̧ la adzìꞋa zi.

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.