Ebùlù 10:25 - Mundani

²⁵ Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.

Ebùlù 10:25 ပူးပေါင်းရင်းမြစ်များ

Matìù 10:15

Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.

Matìù 18:20

Bɨ̀ ko nê bòt babe, kò batat leꞋ e bu̧u̧te àdziꞋ ane èlen laã, ko maa wu a kètsìà wɔb.”

Jɔ̌n 12:48

Àghɨ aa və àa li saꞋa waa waa tà tu̧ am, mè ntu̧ ànəa mâ shu la. Mèngǎ̧ mâ làꞋà la ka nàa li esaꞋa ŋut àlia ngɔ̀ŋ nàa li elìà la.

ÀfaꞋa 16:16

ÈtsəꞋ e li ntsi ane àli ako, ba me ghǎ adzìꞋa màntsaꞋta Mbɔ̧ɔ̧mà, ndzè waàvi kǒ tà wû àbùꞋ la. Fo kàbɔ̀ŋ wu ane tò, nàa ngɨ̀à tà shua mènəè nàa li lɔ̀Ꞌɔ ewu la. Tà ghɨ̀ tà shu mènəè maa, bòt e taꞋa ŋa mèkab abua tò, tà ŋa abua bòt bu bɔ bɔ atò la.

ÀfaꞋa 2:1

Àlia Pentekɔ̀s a li me kɨꞋɨ, bòt bu bɔ zì mèntɨ̧ɨ̧ mɔb ane Yesò la e bu̧u̧te adzìꞋ yeamɔꞋ.

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

ÀfaꞋa 20:7

È li ngu àlia mbì ane nkàb, ba bu̧u̧tè adzìꞋ yeamɔꞋ ejɨ èghɨjɨ Waã Mbɔ̧ɔ̧mà. Pɔ̂l è làꞋa èngǎ̧ Mbɔ̧ɔ̧mà abua bòt bu tè ngà ngu a èntɨ̧ɨ̧ ètsəꞋ, ndɨ̀ wu tà lè wu saꞋa atetsɔꞋ me ghǎ la.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

1 Kɔlìn 11:20

Mbɨ̀Ꞌɨ̀ mâ wua ndàꞋà la, mâ ye nê èghɨjɨ bu bɨ̀a ngɨ̀ bɨ̀ bu̧u̧ta bɨ me jɨ la ntsě èghɨjɨ Lefɨ̀Ꞌ.

1 Kɔlìn 14:23

Tè bòt chɔsì bàgème e bù̧ù̧tà mbùꞋ me làꞋa ane ndɨ̧tsə tsa tsa bàgème, bòt kànəè kò bòt kà zi mèntɨ̧ɨ̧ mɔb ane Yesò Klistò e kɨꞋɨ ayɔɔ yɔb, ko bɔ̀ ka shu laꞋnê bɨ̀agème bɨ be à?

1 Kɔlìn 14:3

Ane àbâ ko, wòt wu tàa ndaꞋa ane àtɔŋ Mbɔ̧ɔ̧mà la laꞋa abua bɔbȩ, ntɨ̀ŋa bɔnyɨ bɔb ngɨ̀à mèntɨ̧ɨ̧ mɔb kweelà, mè ndzìà mèntɨ̧ɨ̧ mɔb.

1 Kɔlìn 3:13

Àghɨa àfaꞋa waa waa à wu yùà la aa li pùùla ayaã ane àli yu Yesò Klistò kɨꞋɨ saꞋa ngɔ̀ŋ la. Èwet aa li ghɨ̀ bɔ yè àfaꞋa waa waa, nkàà nê taa li nɨ èwet e yute àfaꞋa wòt ègème.

1 Kɔlìn 5:4

ane èlen Yesò Lefɨ̀Ꞌ tè ndɔ̀Ꞌ. Bɨa bù̧ù̧te, èntɨ̧ɨ̧ am è wu ne nɨ̧̀, nè mètàŋ Yesò Lefɨ̀Ꞌ wa,

Filìpȩ 4:5

Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.

1 Tèsàlonikà 4:18

Mbɨ̀Ꞌɨ̀ àa anè la, bɨ̀ nɨ mèngà̧ maa nɨŋ ndzì èntɨ̧ɨ̧ waa waa.

1 Tèsàlonikà 5:11

È wu ale, waa waa ane yɨ̧ me zǐ èntɨ̧ɨ̧ wanyɨ vi mè ntɨ̀ŋe atò wuê mbɨ̀Ꞌɨ̀ bɨ̀a ngɨ̀à àfɨ̀Ꞌ yaa la.

Ebùlù 10:24

Bà bɔ èntɨ̧ɨ̧ ane bɔnyɨ ba, me tɨŋe awɔb nyɨ̀Ꞌta èkɔŋ, ngɨ̀a ntsɔ̧̀ ane yɔb.

Ebùlù 10:37

Àkata Mbɔ̧ɔ̧mà a laꞋnê, “AdzìꞋ naa me wù̧ù̧ne, wòt wu nga ekɨꞋɨ la naa kɨꞋɨ, tà ka tsòke àfɨ̀Ꞌ a.

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.

Ebùlù 3:13

Ka bɨ̀ me tɨŋe bɔnyɨ bɨ̧ àlia àgème, mbɨ̀Ꞌɨ̀ bɨ̀ bela ndzəa èngà̧ wu nê “Laane” la, mbɨ̀Ꞌɨ̀ ka wòt kǒ ghɨ a kàbɔ̀ŋ è kubte èntɨ̧ɨ̧ tò tà tsiꞋi me kweelè àtsəa abua Mbɔ̧ɔ̧mà.

Jimsì 5:8

Bɨ̀a mbɔŋ è kuule mèntɨ̧ɨ̧ mɨ̧ mɨ̧̂. Bɨ̀ taŋke mèntɨ̧ɨ̧ mɨ̧ nkàà nê, àfɨꞋa Yesò nàa kɨꞋɨ la aà nkùꞋà.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

2 Pità 3:11

Ndɨ̀ wu Mbɔ̧ɔ̧mà nàa li eliime èghɨ bàagème a èlɨ̀ waa la, bɨ̀a chɨɨme wu kà èwuu bòt à? Bɨ bɔ ndɨ bɨ̀a ŋa awɨ̧ nènkèm abua Mbɔ̧ɔ̧mà, e me ghɨ̀ mbɨꞋɨ̀ tàa nkɨà la,

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

2 Pità 3:9

Mbɔ̧ɔ̧mà nàà kà lȩ̀ȩ̀tè a màngɨa àghɨa tà kàꞋà la mbɨ̀Ꞌɨ̀ bòt ko àa nkwàꞋtà la. Ànəa àa və la wu nê tà kuule èntɨ̧ɨ̧ vi me chɨ̀Ꞌà wɨ̧ nê bɨ̀ waꞋa mènəè kàbɔ̀ŋ mɨ̧, kùŋè àvi, nkàà nê tàa kà kɨ nê wòt kǒ nyɔ.

Jûd 1:19

Bòt mbɔŋ wu bòt bɔ̀ɔ ndzìà àghàbtè a kètsìà bòt la. Bɔɔ ngɨ̀à wuê mbɨ̀Ꞌɨ̀ mbɨ̧te ènyit tɔb te kɨa la, bɔ̀ ka bɔ Fo Kèfə ane yɔb.