Ebùlù 10:24 - Mundani

²⁴ Bà bɔ èntɨ̧ɨ̧ ane bɔnyɨ ba, me tɨŋe awɔb nyɨ̀Ꞌta èkɔŋ, ngɨ̀a ntsɔ̧̀ ane yɔb.

Ebùlù 10:24 ပူးပေါင်းရင်းမြစ်များ

ÀfaꞋa 11:29

Bɔkatè Yesò bu e làŋkè nê waa waa ane yɔb chùbtè àghɨa ye bɔ la, bɔ tsaa nɨŋ ntɨ̀ŋe bɔnyɨ bɔb bu a Jùdià la.

Lûm 11:4

Mbɔ̧ɔ̧mà li ŋa àbɨ̀t nê ghàà? Tà li nê, “Mâ nɔ̀ŋe bòt abua am bètɔsì basà̧à̧mbe bɔ̀ baka wùꞋte a Baàl la.”

Lûm 12:15

Bɨ̀ me wùꞋtè àwɨ̧ nè bòt bu bɔ̀ɔ ngùꞋtà àwɔb la, mè ndɨ̀à nè bu bɔ̀ɔ ndɨ̀à la.

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

2 Kɔlìn 8:8

E ntsea ŋwèèlà wɨ̧ nê bɨ̀ ghɨa. Ka e ngua nkɨ enɨ àghɨa bòt ko àa ngɨa la enyɔ̀Ꞌtè àwɨ̧ eye nê ko ane nkûŋ bɨa nkɔ̀ŋkà bòt ko mɨ̧̂ leꞋ.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 5:11

È wu ale, waa waa ane yɨ̧ me zǐ èntɨ̧ɨ̧ wanyɨ vi mè ntɨ̀ŋe atò wuê mbɨ̀Ꞌɨ̀ bɨ̀a ngɨ̀à àfɨ̀Ꞌ yaa la.

2 Tèsàlonikà 3:9

È li ngu àdziꞋa ya e shu nê bɨ̀ me tɨŋe awa, ka ba li bà ka ghɨ ale. Ba li ngua ntsèka fàꞋà àfɨ̀Ꞌ àgème mbɨ̀Ꞌɨ̀ bɨa ye ndɨ ba ghɨa la e me ghɨ̀ àyɨ̧ a èlɨ mbɔŋ.

1 Tɔ̀màtià 6:18

Shu awɔb nê, bɔ̀ me ghɨ̀ mènəè ntsɔ̧̀, mè me nyɨꞋte ènɨ̧ wɔb ane àfàꞋa ntsɔ̧̀ yu bɔ̀ɔ ngɨ̀à la. Nê, bɔ̀ ka me kuꞋte àbu, bɔ̀ me ghàbtè èghɨ bɔb ŋǎ èbe bòt bu bɔ̀ɔ nkɨ̀ŋkà la.

Tȩtɔ̀s 2:4

mbɨ̀Ꞌɨ̀ elɔ̀ke bèzi techɨɨle bɔɔ ko ndɨ bɔ̀ɔ me kɔ̀ŋkè bèlu̧ bɔb nè bɔ̧ bɔb la.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 13:1

Bɨ̀ me kɔ̀ŋkè bɔnyɨ bɨ̧ bu è wu bòt Yesò la nɨa ngà wuê nè mbì.

Ebùlù 13:3

Bɨ̀ me ku̧u̧te bòt bu bɔ̀ wu a tèfȩ la, mbɨ̀Ꞌɨ̀ bɨ wu a fȩ bɨ tò ba, mè nkù̧ù̧ta bòt bu bɔ̀ɔ ngɨ̧̀ɨ̧̀nà wɔb la nkàà nê wu ànəa betsiꞋa a ye awɨ̧ la mɨ̧̂.

Ebùlù 3:13

Ka bɨ̀ me tɨŋe bɔnyɨ bɨ̧ àlia àgème, mbɨ̀Ꞌɨ̀ bɨ̀ bela ndzəa èngà̧ wu nê “Laane” la, mbɨ̀Ꞌɨ̀ ka wòt kǒ ghɨ a kàbɔ̀ŋ è kubte èntɨ̧ɨ̧ tò tà tsiꞋi me kweelè àtsəa abua Mbɔ̧ɔ̧mà.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.