Ebùlù 10:22 - Mundani

²² Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 10:22 ပူးပေါင်းရင်းမြစ်များ

Matìù 3:11

“Maà ndzìà wɨ̧ a èdzî nɨ̀a nyɨ̀Ꞌta nê bɨ waꞋa mènəè kàbɔ̀ŋ mɨ̧. Ka tòa wu nkɨ̀Ꞌa akwèn yaã la e taꞋa tsě am nyaŋ. E mbakà lem nkùꞋ èwe màa ŋeꞋe gubte tò la. Taa tsiꞋi me zǐ Fo Kèfə ane yɨ̧ nè èwet.

Lûk 1:1

Wòt èkɔŋ am Tìofilɔ̀s, bòt nyaŋ e nyɔꞋtè shɨ ànəa èghɨ bu bɔ ko nê e ghɨ̌ a kètsìà wa la.

Jɔ̌n 3:5

Yesò bɨ̀ɨ̀lè nê, “TsiꞋ è shu awê ane nkûŋ nê, bɔ bakà mè mbǐ wòt ane mèleb, Fo Mbɔ̧ɔ̧mà naa mě bi atò, tà kà nyi a kèfɔ̧̀ Mbɔ̧ɔ̧mà.

Jɔ̌n 8:9

Bɔ zə ànəê yaa ale, mbùꞋ ane bɔɔjuŋ me ghà wemɔ̀Ꞌ wemɔ̀Ꞌ tè ntsìꞋi sa Yesò zia ndziꞋne bɔ̂ àvi wu tà tɨ̧ɨ̧ a mbì tò la.

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

ÀfaꞋa 8:21

À bakà bɔ ànəê ane àfàꞋ yaa, nkàà nê èntɨ̧ɨ̧ wê e ntsě ndɨŋndɨ̀ŋ e mbì Mbɔ̧ɔ̧mà.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

2 Kɔlìn 7:1

Bɔnyɨ ba, ndɨ̀ wu Mbɔ̧ɔ̧mà kàꞋà wa èghɨ ba la, bà ka mbà̧à̧te àghɨa àa tsòkè àwa a èbèm nè àbȩ̂ a mbì Mbɔ̧ɔ̧mà la. Bà ŋa awa nènkèm abua Mbɔ̧ɔ̧mà me ŋa kènuke abua tò ntsèka mbɨ̀Ꞌɨ̀ tàa nkɨà la.

Efesɔ̀s 3:12

Ndɨ̀ wu ba tsiꞋi àghɨ yeamɔꞋ nè Yesò Klistò mè ndzì mèntɨ̧ɨ̧ ma ane tò la, baa ko eghǎ a mbì Mbɔ̧ɔ̧mà elàꞋà ba tò ba kà ye kèbɔɔ.

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

Efesɔ̀s 6:5

ÈbùꞋ, bɨ̀ me zə bòt bu bɔ bɔ awɨ̧ a sitsǎꞋ ŋàa la nè kèbɔɔ, mèntɨ̧ɨ̧ mɨ̧ mèe me bente. Bɨ̀ me ghɨ̀ ne èntɨ̧ɨ̧ kèfə mbɨ̀Ꞌɨ̀ bɨ wua ngɨa abua Yesò Klistò.

1 Tɔ̀màtià 4:2

Bòt bu bɔ̀ɔ me nyɨꞋte èwuu mènəè maa la, wu bòt bu bɔ̀ɔ fɨta nê bɔ wu bòt Mbɔ̧ɔ̧mà la. Bɔ bakà tsi nko a ntsɔ̧̀, ngu nê Satàn ghɨ̂ mèntɨ̧ɨ̧ mɔb fene tê è kà tsi ngua fèèlè àwɔb.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

Ebùlù 10:1

Mbɨ̧ Musì ndâ ntsě ngule èghɨ ntsɔ̧̀ bu nga ekɨꞋɨ la, wu wuê àfəa èghɨ mbɔŋ. Mbɨ̀Ꞌɨ̀ àa ale la, banyà̧ bu bòt e li ngua nɨa nkɨ̀Ꞌa a ngo̧ a ngò̧ èngùꞋebȩ ègème nkɨ̧̀ɨ̧̀ma mbɨ̀Ꞌɨ̀ mbɨ̧tsə tèa nkɨà la be li be ka lâ ngua ngɨ̀à bòt e wua àghɨa bɔ bɔ ndɨ bɔ̀ɔ wu yùà la a mbì Mbɔ̧ɔ̧mà.

Ebùlù 10:19

Bɔnyɨ bɔ̧, ale betsiꞋa ba ko nyi àdziꞋa ntsèm a mbì a Mbɔ̧ɔ̧mà kà bɔ̀a nkàà àlo̧ a Yesò.

Ebùlù 11:28

Èntɨ̧ɨ̧ wàa Musì li ndzi ane Mbɔ̧ɔ̧mà la e li ngɨ̀ tà ghɨ̀ bòt Izəèlȩê e bùꞋ me jɨ èpǎ̧ Màntsea a ègwet, mè ngɨ̀ bɔ nɨ̀ àlo̧ mììte a mètsələèꞋ mɔb, mbɨ̀Ꞌɨ̀ wantu̧ Mbɔ̧ɔ̧mà wu nkɨ̀Ꞌa bùŋe bɔ̧ mbì, è wu bɔmbâ̧ la kɨꞋɨ tà ye, tà kà baãaãtè bɔ̧ bɔb.

Ebùlù 12:24

Bɨ kɨꞋɨ abua Yesò wu tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi mi la. Wu tòà wu àlo̧ atò yu bɔ li mìì la a tɨ̧ɨ̧ ane ànəa èghɨ ntsɔ̧̀ tè tsè àyea Abèl la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Ebùlù 6:11

Baa nkɨà nê, wòt ègème ane yɨ̧ baãaã wuê a èlɨ̀ waa tè ngà ndìà, mbɨ̀Ꞌɨ̀ ebɔ àghɨa tà kuule èntɨ̧ɨ̧ vi me chɨ̀Ꞌɨ la.

Ebùlù 7:19

Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

Ebùlù 9:19

Musì li tà ghɨ̀ tà shu ànəa àgème mbɨ̧te mènkàꞋa kèkweelè mu bòt e bɔ ndɨ bɔ̀ɔ me nɔ̀ŋè la, abua bòt bu bàgème, tà nɨ̀ àlo̧ mpɔ̀ŋtsə nè àyea dzətsə fȩ̀ȩ̀tè nè mèleb, mbɔ̂ nɨ èntaãaã ayɨ̌t kǒ bɔ̀ɔ ntɔ ane Isɔ̀b bɔ tsela àdziꞋa ndǐ a mèmbaŋ àtsə la, me nɨa nchɨꞋa adù̧ miita ane àkatè mbɨ̧ tu nè bòt mbɔŋ bàgème.

Jimsì 1:6

Ka ŋut me lo̧o̧ tà bɨ̧̀ɨ̧̀ne a èntɨ̧ɨ̧ vi nê Mbɔ̧ɔ̧mà naa ŋa, tà ka me màkè, nkàà nê wòt wu tàa màkà la wu mbɨ̀Ꞌɨ̀ àtsə àyɨt àfeme àa mpàà maꞋa aba abà la.

Jimsì 4:8

Bɨ̀ tente awɨ̧ nga a mbɨ̧̀ Mbɔ̧ɔ̧mà, ko taa səèꞋtè àvi kɨꞋɨ a mbɨ̧̀ yɨ̧. Bɨ̀a bòt mènəè kàbɔ̀ŋ, bɨ̀ tsì èbu bɨ̧ a èbem mènəè kàbɔ̀ŋ. Bɨ̀a bòt èntɨ̧ɨ̧ tebe è shùù mèntɨ̧ɨ̧ mɨ̧.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.