Ebùlù 10:1 - Mundani

¹ Mbɨ̧ Musì ndâ ntsě ngule èghɨ ntsɔ̧̀ bu nga ekɨꞋɨ la, wu wuê àfəa èghɨ mbɔŋ. Mbɨ̀Ꞌɨ̀ àa ale la, banyà̧ bu bòt e li ngua nɨa nkɨ̀Ꞌa a ngo̧ a ngò̧ èngùꞋebȩ ègème nkɨ̧̀ɨ̧̀ma mbɨ̀Ꞌɨ̀ mbɨ̧tsə tèa nkɨà la be li be ka lâ ngua ngɨ̀à bòt e wua àghɨa bɔ bɔ ndɨ bɔ̀ɔ wu yùà la a mbì Mbɔ̧ɔ̧mà.

Ebùlù 10:1 ပူးပေါင်းရင်းမြစ်များ

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Kɔ̀losìà 2:17

Èwuu èghɨ mbɔŋ li ngu wuê àlɨ̀ŋka èghɨ nga li ekɨꞋɨ la. Nkûŋ yu ane èghɨ mbɔŋ la wu Yesò Klistò à.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 7:11

Mbɔ̧ɔ̧mà li ŋa mbɨ̧tsə abua bòt Izəèlȩê ane ndɨ tèa nkùꞋu ane àfaꞋa tà ŋa abua bèntsìà mèpɨ̧̀ Mbɔ̧ɔ̧mà bu be dzə a èbem àndǎ̧ Levì la. Ale, àfaꞋa bèntsìà mèpɨ̧̀ Mbɔ̧ɔ̧mà bu bɔ dzə àndǎ̧ Levì la a li ngɨ̀ ale ngu ko e ghɨ̌ bòt aa wu mbɨ̀Ꞌɨ̀ bɔ wuê ewu la a mbì Mbɔ̧ɔ̧mà, ko Mbɔ̧ɔ̧mà li tà kà tsi ntsàà ntsìà mèpɨ̧̀ ko tsa, tà wù mbɨꞋɨ̀ Mèkizedèk kà wu mbɨꞋɨ̀ Alɔ̀n la.

Ebùlù 8:5

ÀfàꞋ yu bèntsìà mèpɨ̧̀ Mbɔ̧ɔ̧mà ba àa ngɨ̀à la, wu àfəa àghɨa à wu a ègwet la. Àa mbɨ̀Ꞌɨ̀ a li ngu ane Musì la. È li ngu àfɨꞋa tàa nkɨ e ghɨ̀ àdziꞋa ntsèm yu a èbem lob Mbɔ̧ɔ̧mà la, Mbɔ̧ɔ̧mà səèŋkè àtû̧ atò nê, “Ye nê, à ghɨ̌ àghɨ àgème wuê mbɨ̀Ꞌɨ̀ e ndi nyɨ̀Ꞌte awê a ègwet èbȩ la.”

Ebùlù 9:11

Ka Yesò Klistò li nkɨ̀Ꞌɨ̂ mbɨ̀Ꞌɨ̀ wòt tà wu àtsəa bèntsìà mèpɨ̧̀ Mbɔ̧ɔ̧mà ane èghɨ ntsɔ̧̀ bu adzìꞋ yaa la. Àyò yu tàa faꞋa a èbèm la wu àyea a ghe mè ndâ ngu wu mbɨ̀Ꞌɨ̀ a wu ewu la. Àyò mbɔŋ ka ghɨa wɔ̀bȩ̂, è kà mèe ngu àghɨa bɔ ghɨ̀ mbɨꞋɨ̀ bɔ ghɨ̀ èghɨ ko a sitsǎꞋ la.

Ebùlù 9:23

A li mbɔ̀ŋ nê bɔ̀ nɨ àlo̧ èghɨ bàa shùù èghɨ bu è wù àfəa bu a ègwet la è fə. Aà nyɨ̀Ꞌta nê bɔ̀ nɨ àlo̧ èghɨ e tsè baa la ka nɨŋ shùù èghɨ bu a ègwet la.

Ebùlù 9:25

Tà li tà ka bɔ ndɨ tàa me ŋà àtsəa zi a ngo̧ a ngò̧, mbɨ̀Ꞌɨ̀ àtsəa bèntsìà mèpɨ̧̀ Mbɔ̧ɔ̧mà a li ngua nyia nkɨ̧̀ɨ̧̀ma banyà̧ èngùꞋ ègème nyia a èbem àtsəalob ntsèm a mbì a Mbɔ̧ɔ̧mà nè àlo̧ kà wu azi la.