Ebùlù 1:9 - Mundani

⁹ Àà nkɔ̀ŋkà mènəè ntsɔ̧̀, mpààbà mènəè kàbɔ̀ŋ, eyaa wu àghɨa a ghɨ̂ ka Mmɔ̌ wu e ngu Mbɔ̧ɔ̧mà wê la e ndɔ̀ɔ̀lè àwê, ŋà àwê mèngùꞋte è tsě me bèshu̧ bè la.”

Ebùlù 1:9 ပူးပေါင်းရင်းမြစ်များ

Lûk 4:18

“Fo Tǎt wa Mbɔ̧ɔ̧mà wu ane yaã, nkàà nê tà yɔꞋɔ am nê e nga ntsɔ̀tè Ntu̧ Ntsɔ̧̀ abua bòt mbuŋ. Tà tu̧u̧ am nê, è ntsɔ̀ta nê bòt mènəè è kuule awɔb la, è dzəa, mè ngɨ̀ bòt àghɨ àleme è me ye èdziꞋ. Tà tu̧u̧ am nê, è ntsì bòt ngoꞋ a èbem ngoꞋtsə,

Jɔ̌n 1:41

Ale, tà bê ngà nkɨ wanyɨ vi Simùn shu abua tò nê, “Ba yea Klistò, Fɔ̧̀ wu Mbɔ̧ɔ̧mà li ndzɔꞋ etsàà la.”

Jɔ̌n 10:17

Ale, Tǎt am Mbɔ̧ɔ̧mà nàà nkɔ̀ŋkè am nkàà nê, mâ bɨ̧ɨ̧ne eŋa àtsə am epfə, ka elɔ̀Ꞌɔ e mě yu̧u̧me.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Jɔ̌n 3:34

Wòt wu Mbɔ̧ɔ̧mà tsàà la, nàà ndàꞋà wuê mèngǎ̧ Mbɔ̧ɔ̧mà nkàà nê, Mbɔ̧ɔ̧mà zǐ Fo zi ane tò nènkèm.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 4:26

Bèfɔ̧̀ ngɔ̀ŋ ŋaa nè bòt bɔ̀ɔ mbà̧aã èlaꞋ la e li ntàŋkê mbù̧ù̧tè a si, nê bɔ kɨ tsɔꞋɔ a Tǎt wa Mbɔ̧ɔ̧mà bɔ̂ Fɔ̧̀ tò wu tà li ndzɔꞋ etsàà la.’

ÀfaꞋa 4:27

Ane nkûŋ, Fɔ̧̀ Elɔ̀d bɔ̂ Pontìùs Pȩlèt nè bòt kà wu Bèjuê e li ngɨ̀ tè mbù̧ù̧tè àpfəèà nɨ̧ ŋàa, bɔ̂ bòt Izəèlȩê nê, bɔ kɨ etsɔꞋɔ Ngule Waã wè wu è wu Fɔ̧̀ wu à li ndzɔꞋ ntsà la.

Lûm 12:9

Bɨ̀ me kɔ̀ŋkè bòt nè nkûŋ, mpààbà àghɨa àa kàbɔ̀ŋ la, mbà̧aã àghɨa àa mbɔ̀ la ntsɔ̧̀.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

1 Kɔlìn 1:9

Mbɔ̧ɔ̧mà naa lâ ghɨ̀ àyaa ane yɨ̧ nkàà nê tàà ngɨ̀à àghɨa tà shu la àfɨ̀Ꞌ àgème. Wu tòà tà tɔ àwɨ̧ nê bɨ̀ kɨꞋɨ ngu a èbem mèntsèke ntsɔ̧̀ nè waã vi Tǎt wa Yesò Klistò Lefɨ̀Ꞌ wa la.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

Filìpȩ 2:9

Mbɨ̀Ꞌɨ̀ tà ghɨ̀ ale la, Mbɔ̧ɔ̧mà è lɔke atò ntsàà àdziꞋa a tsě èdziꞋ ègème la, ŋǎ atò èlen e tsè tèlen tègème la.

Ebùlù 2:11

Tàa shùà mènəè kàbɔ̀ŋ bòt. Tòà wa bɔ̂ bòt bu bɔ shùù mènəè kàbɔ̀ŋ mɔb la e bɔ a tǎt wɔb wemɔ̀Ꞌ. Ale, eyaa wu àghɨa a ghɨ̂ ka Yesò kà wua mbɔ̌ àtsəa kɔꞋɔ a màntɔ awɔb ane bɔnyɨ bi la.

Ebùlù 2:9

Mbɔ̂ baa ndzèa Yesò wu Mbɔ̧ɔ̧mà li shùke atò a si ane àtem àfɨ̀Ꞌ àko tè ntsè bɔntu̧ bi la. Tà bɔ ènɨ̧ àfɨ̀Ꞌ yaa bɔ mè ŋa kènuke abua tò nkàà èlɨ tà li ndze ngoꞋ mpfə la. Mbɔ̧ɔ̧mà li nkɔ̀ŋkè bòt ngɨ̀ Yesò pfə ambo waa waa.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

1 Pità 1:3

Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

1 Jɔ̌n 1:3

Ba wua mè ndàꞋà ànəa ba ye mè ndzə la, mbɨ̀Ꞌɨ̀ bɨa fɔta wa ba nɨ̧̀ ba nè Tǎt wa Mbɔ̧ɔ̧mà bɔ̂ Waã vi Yesò Klistò baa tsiꞋi àghɨ yeamɔꞋ.

Ètsə 2:15

Bɨ bɔ bòt ko ayɔɔ yɨ̧ mɨ̧̂ bɔ̀ɔ ngɨ̀à èbɨꞋte èghɨ bu Nìkòlatàn nàa nyɨ̀Ꞌta la.