Ebùlù 1:2 - Mundani

² Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Ebùlù 1:2 ပူးပေါင်းရင်းမြစ်များ

Matìù 13:39

Tà wu wòt wu tà sà afəèꞋ kàbɔ̀ŋ wu la, nkàà nè tà wu wɔ̀mbù̧ tǎt mbȩ yu. Àlia màfuꞋa yu wu àlia ngɔ̀ŋ nàa li lìà la, bòt màfuꞋa bu wu bɔntu̧ Mbɔ̧ɔ̧mà.

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Matìù 21:38

“Mbɨ̀Ꞌɨ̀ bɔ ye atò la bɔ nê ‘Ye njɨlob mbê wu, bɨ̀ kɨꞋɨ bà bùŋa tò mbɨ̀Ꞌɨ̀ ejɨ èbaꞋa tǎt tò.’

Matìù 26:63

Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

Ntu̧ Ntsɔ̧̀ MAK 1:1

Eyaa wu Ntu̧ Ntsɔ̧̀ ane ànəa Yesò Klistò Waã Mbɔ̧ɔ̧mà.

Ntu̧ Ntsɔ̧̀ MAK 12:6

“NdàꞋ wòt mbê wu li ngu tsiꞋi tsà la le wu waã èkɔŋ tò. A me lìa tà tsà waã vi abua yɔb nê, ‘A ghɨ̀ nà leꞋ ko bɔɔ baãaãte ngule waã am ntsɔ̧̀’.

Ntu̧ Ntsɔ̧̀ MAK 12:7

“Ka bòt bu e làꞋ a kètsìà wɔb nê, ‘Eyaa wu waã tǎt èbàꞋ lu. Bɨ̀ kɨꞋɨ bà bùŋe atò mbɨ̀Ꞌɨ̀ jɨ èbàꞋ mbɔŋ.’

Jɔ̌n 1:10

Tòà wu, tà wu èngǎ̧ Mbɔ̧ɔ̧mà la, li ngu a sitsǎꞋ ka bòt sitsǎꞋ è ka ko atò, Mbɔ̧ɔ̧mà tsè ane tò ka ngɨ̀ sitsǎꞋ.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:3

Mbɔ̧ɔ̧mà li ntsè ane tò ka ngɨ̀ èghɨ ègème. Àghɨa ko a mbê ntsě bɔ ghɨ̀ ka wu tòà tà li ngɨ̀ la.

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Jɔ̌n 13:32

Bɔ wu etsě ane tò eye ènɨ̧ Mbɔ̧ɔ̧mà, ko Mbɔ̧ɔ̧mà wu naa ghɨ̌ bɔɔ ye ènɨ̧ Waã Wòt ane zi zìambɔŋ, mbɔ̂ mbê ngu ghɨ̀ wuê kwàꞋ àfɨꞋa ngaa.

Jɔ̌n 15:15

È nka tsi tɔ awɨ̧ ane bɔ̧ àfàꞋ bɔ̧a, nkàà nê wafàꞋ nàà kà ko ntsèmte tǎt àfàꞋ vi, ka mâ tsiꞋa ntɔ awɨ̧ ane bèshu̧ bɔ̧ nkàà nê, mâ shua wɨ̧ ànəa àgème mâ zə abua Tǎt am la.

Jɔ̌n 16:15

Àghɨ àgème Tǎt am bɔ la wu àyaã. Eyaa wu lə yu mâ laꞋ nê taa zə ànəa mâ shu la, e shu awɨ̧ la.

Jɔ̌n 17:2

Ghɨ̀ ale nkàà nê, à ŋa atò mètàŋ a ègwet bòt bàgème, nê tà ŋa mèmpème kàlìà abua bòt bu bàgème à ŋa abua tò la.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Jɔ̌n 3:25

AdzìꞋ tseke tê me wù̧ù̧ne, èngà̧ ko e dzə a kètsìà bɔkatè Jɔ̌n nè wòt Juê kǒ, ane ànəa mànshua ènyit mbɨ̀Ꞌɨ̀ ekùꞋu e mbì Mbɔ̧ɔ̧mà.

Jɔ̌n 5:26

KwàꞋ ane ndɨ Mbɔ̧ɔ̧mà nàa ngɨ̀a bòt e bɔ mèmpème la, wu wuê a èlɨ mbɔŋ tà ghɨ̂ Waã tò me ŋa mèmpème la.

Jɔ̌n 5:27

Tà ŋa tò àtɔŋ ane ndɨ tàa saꞋa mènəè bòt te lià la, nkàà nê, tà wu Waã Wòt.

Jɔ̌n 9:29

Ba ko nê Mbɔ̧ɔ̧mà li ndaꞋa abua Musì, ka è me wua mbê waa ko ba bakà ko àdziꞋa tà dzəè la.”

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

ÀfaꞋa 2:17

‘Mbɔ̧ɔ̧mà laꞋnê, eyaa àghɨa màa li ghɨ̌ ane èli mèndìa la. Maa li zǐ Fo yaã adù̧ waa waa, bɔ̧ bɨ̧ aa me làꞋà mèngǎ̧ ane àtɔŋ Mbɔ̧ɔ̧mà, bɔngwàꞋ bɨ̧ e ye ètsə, ndente bòt tɨ̧ te mè ndzě ndzò̧tsə.

Lûm 1:4

Enɨ nyɨꞋte nê tà wu Waã Mbɔ̧ɔ̧mà, Mbɔ̧ɔ̧mà nɨ mètàŋ mi è ghe la, njù̧ù̧me atò a èbem èvə. Waã tò mbɔŋ wu Tǎt wa Yesò Klistò.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Efesɔ̀s 1:10

Tà li ngua ntàŋka nê àfɨꞋa ngaa aa ghɨ̌ nkùꞋ ye fète èghɨ ègème è wu a ègwet nè sitsǎꞋ la ndzi a èten Yesò Klistò.

Efesɔ̀s 3:9

ÀfàꞋ am li mè ngu a màngɨa bòt bàgème aa ye ndɨ Mbɔ̧ɔ̧mà nàa ghɨ̌ ànəa ndò̧ àzi ya aa wu la. Mbɔ̧ɔ̧mà wu tà ghɨ àghɨ àgème la li ndò̧ ànəê yaa abua bòt tê àfɨꞋa mbì.

Ebùlù 1:5

Mbɔ̧ɔ̧mà bakà li mè shu abua wantu̧ vi kǒ nê, “À wu waã am; Laane e ngu Tǎt wè.” Tà kà li te mè shu abua wekǒ nê, “Maa nga wu tǎt tò, taa wu waã am.”

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

Ebùlù 11:3

Èntɨ̧ɨ̧ wu ba zi ane Mbɔ̧ɔ̧mà la e ghɨ̂ ba bɨ̧ɨ̧nè nê tà li nɨ èngǎ̧ vi ka nɨŋ ngɨ̀ ngɔ̀ŋ yaa, nko nê ye nɨ àghɨa bɔ̀ɔ ka ye la nɨŋ ngɨ̀ àghɨa bɔ̀ɔ ndzèa la.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 4:14

Yesò Waã Mbɔ̧ɔ̧mà wu àtsəa bèntsìà mèpɨ̧̀ a Mbɔ̧ɔ̧mà àya, tà kɔꞋ ngà tè ntsè ègwet la. È wu ale, bà baãaã ànəa mèntɨ̧ɨ̧ ma mu ba zi ane Yesò la ntsɔ̧̀ me nɨa ngà nè mbì.

Ebùlù 5:8

Tà li mbàte ngu Waã Mbɔ̧ɔ̧mà ale, ka ngoꞋ yu tà li ndze la ghɨ̀ tà lànê me zəa Tǎt vi.

Ebùlù 7:28

Mbɨ̧ Musì li ngua ntsia bòt kà kùꞋ ane ètsə bèntsìà mèpɨ̧̀ Mbɔ̧ɔ̧mà, ka mènkàꞋa Mbɔ̧ɔ̧mà mu è li ntsìꞋi e kɨꞋɨ akwene mbɨ̧ nè nkà̧ adù̧ la, li ngɨ̀ Waã tò wu tà kùꞋù la ane àtsəa bèntsìà mèpɨ̧̀ Mbɔ̧ɔ̧mà ane àlia nè àlia.

Ebùlù 7:3

Mèkizedèk waa li tà kà bɔ a tàt, tà kà bɔ nyɨ̌, bɔ̀ ka meè nko ka wuê bètǎt nyaꞋ tò. Bɔ bakà ko àlia bɔ li mbi atò la, bɔ̀ ka ko àyea tà li mpfə la. Tàà mbɨ̀Ꞌɨ̀ Waã Mbɔ̧ɔ̧mà. Tà wu ntsìà mèpɨ̧̀ Mbɔ̧ɔ̧mà ane àlia nè àlia.

Ebùlù 9:26

Tà li me wu ale ngɨ̀ ale, ko tà li mbɔ̌ ndɨ tàa ye ngoꞋ a ngo̧ a ngò̧ ebuꞋu àfɨ̀Ꞌ yu Mbɔ̧ɔ̧mà li ngɨ̀ ngɔ̀ŋ la. Ka mbɨ̀Ꞌɨ̀ àa la, tà bê nkɨ̀Ꞌɨ̂ ngò̧ yemɔ̀Ꞌ, àfɨ̀Ꞌ yaa ngɔ̀ŋ tsìꞋa ndìà lìa la, ŋà àtsəa zi mbɨ̀Ꞌɨ̀ eyòò mènəè kàbɔ̀ŋ mu bòt àa ngɨ̀à la.

1 Pità 1:20

Mbɔ̧ɔ̧mà li me laꞋnê yea ngɨ̀à ngɔ̀ŋ, ndaa Yesò mbɨ̀Ꞌɨ̀ wòt tàa li kɨꞋɨ e ghɨ̌ bɨa bɔ mèmpème la. Tà li ngua nkɨ̀Ꞌa mbɨ̀Ꞌɨ̀ e ghɨ̌ bɨa bɔ mèmpème àfɨ̀Ꞌ yaa ngɔ̀ŋ tsiꞋa ndìà lìa la.

2 Pità 3:3

Bɨ̀ bɨa ndzì àyaa a mèntɨ̧ɨ̧ mɨ̧ nê, naa li ngu àfɨꞋa ngɔ̀ŋ tsìꞋa ndɨ̀à lìa la, bòt bɔ̀ɔ nkɨ me ghɨ̀ wuê èghɨ mbɨ̧te ènyit tèa nkɨà la aa kɨꞋɨ e me wȩ̀ȩ̀tè àwɨ̧.

Jûd 1:18

Bɔ li shu abua yɨ̧ nê, “Naa li ngu ane èli bu ngɔ̀ŋ tsìꞋa nkɨ elìà la, bòt ko e bùꞋ me wȩ̀ȩ̀tè ànəê àgème è wù àyea Mbɔ̧ɔ̧mà la, mè nkùŋà wuê èghɨ mèntɨ̧ɨ̧ mɔb nàa nkɨà, è wù èghɨ àa mbɨ̀a Mbɔ̧ɔ̧mà la.”