Ebùlù 1:14 - Mundani

¹⁴ Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 1:14 ပူးပေါင်းရင်းမြစ်များ

Matìù 1:20

Tà bela nkwàꞋtà ale, wantu̧ Mbɔ̧ɔ̧mà kɨ̀Ꞌɨ̂ a ndzò̧ shu abua to nê, “Jòsêb wòt àndà̧ Dàbid, ko mbɨ̀Ꞌɨ̀ a bɔ̀ɔ enɨ a Màlià ane vi wè, nkàà nê wu Fo Kèfə ka è ghɨ̂ tà bɔ̌ èbêm la.

Matìù 13:41

Waã Wòt naa li tsà bɔntu̧ bi, bea kɨꞋɨ etsǐ èghɨ ègème àa ngɨ̀a kàbɔ̀ŋ la, nè bòt bàgème bɔ̀ɔ ngɨa kàbɔ̀ŋ la a èbem kèfɔ̧̀ vi.

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 2:13

ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 4:11

AfɨꞋa mbɔŋ, Satàn sa atò, bɔntu̧ Mbɔ̧ɔ̧mà e kɨꞋɨ̀, me taŋke atò.

Ntu̧ Ntsɔ̧̀ MAK 10:17

Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”

Lûk 1:19

Wantu̧ Mbɔ̧ɔ̧mà wu nê, “E ngu Ngableyà wu tàa ntɨ̧̀ɨ̧̀ a mbì Mbɔ̧ɔ̧mà la. Wu tòà zìambɔŋ ka tà tu̧u̧ am nê è nkɨꞋɨ ndàꞋà abua yê mè shù awê Ntu̧ Ntsɔ̧̀ yaa la.

Lûk 1:23

Tà tseke tê mpàâ àfàꞋ àzi a èbem lob nɨ̧ Mbɔ̧ɔ̧mà ane àfɨ̀Ꞌ yu bɔ loo la, nkua akwèn ngà àpfəè azi.

Lûk 16:22

“Àfɨ̀Ꞌ a me wu, wòt ntseb wu pfə, bɔntu̧ Mbɔ̧ɔ̧mà e kɨꞋɨ̀ ŋèꞋe atò nɨŋ ngà a ngèt Abàlàghâm. Wòt èkab wu tseke tè mpfəè àzi mɨ̧̂, bɔ tu atò.

Lûk 2:13

AdzìꞋ me wù̧ù̧ne àlaã bɔntu̧ Mbɔ̧ɔ̧mà a dzə a kèfɔ̧̀ wu a ègwet la, a saꞋa a mbì lɔb, nkwene ane e we mbì wu, bɔ̂ tò ba e me kɔ̧ɔ̧ mèkù̧ nguꞋta Mbɔ̧ɔ̧mà, shua nê:

Lûk 2:9

Wantu̧ tǎt wɔb Mbɔ̧ɔ̧mà è saꞋa a mbì lɔb. ÈkaꞋà Lefɨ̀Ꞌ e kaꞋà a ègwet lɔb, bɔ taꞋa bente.

ÀfaꞋa 11:22

AfɨꞋa chɔsì wu a Jèlusalèm la e zə ànəê yaa la, bɔ tsɔꞋɔ a Bànabasì ntu̧ a Antìɔ̀k.

ÀfaꞋa 12:23

KwàꞋ àfɨꞋa mbɔŋ, wantu̧ Mbɔ̧ɔ̧mà kǒ ghɨ̀ àghɔ̧ a baãaã atò nkàà nê, tòà zìambɔŋ è nɨ mèngùꞋte è wu ghà ne abua Mbɔ̧ɔ̧mà la. Bèwâm be kwele atò tè tà pfə.

ÀfaꞋa 12:7

KwàꞋ àfɨꞋa mbɔŋ, wantu̧ Lefɨ̀Ꞌ saꞋ abot, èkaꞋà ko e bùꞋ me beꞋe a lob tèfȩ yu. Wantu̧ wu nyiꞋtè a Pità ane èkwȩ tò, ndɔ̀ke atò, mbɔ̂ è shu abua tò nê, “Lɔ̀Ꞌɔ a si kwàla.” Fȩ tu bɔ nɨŋ nkùùle èbu Pità la, te bê ndòòtê.

ÀfaꞋa 13:2

Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”

ÀfaꞋa 16:26

AdzìꞋ bê me wù̧ù̧ne, sitsǎꞋ ben ane ètɨ̧̂ fɔ̀te lob tèfȩ yu bɔ̂ àtetsi nyìꞋ. KwàꞋ àfɨꞋa mbɔŋ, mètsələèꞋ mu tsɔꞋtè, fȩ tu bɔ nɨŋ kùùle bɔtefȩ bu bàgème la, te lootè.

ÀfaꞋa 27:23

Aa wu ale nkàà nê, nàà wu ètsəꞋ Mbɔ̧ɔ̧mà wu è ngu waã tò mè me wùꞋte atò la, tsàà wantu̧ vi tà kɨ̀Ꞌɨ̂ èshu abua am nê,

ÀfaꞋa 5:19

ÈtsəꞋ ngaa wantu̧ kǒ Mbɔ̧ɔ̧mà tsàà la kɨ̀Ꞌɨ̂ ntsɔ̀Ꞌɔ ètsələèꞋ lob tèfȩ yu, ngɨ̀ bɔntu̧ bu e dzəè nga àbȩ. Mbɔ̂ shu abua yɔb nê,

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 13:6

Eyaa wu lə yu bɨ̀a ŋa èkab taksì la mɨ̧̂, nkàà nê bòt bu mbà̧aã àlaꞋ la wu bɔfàꞋ Mbɔ̧ɔ̧mà mbɨ̀Ꞌɨ̀ bɔ̀ɔ ngɨ̀à àfaꞋa mbɔŋ la.

Lûm 15:16

tà nɨŋ ngɨ̀ e ntsiꞋi wafàꞋ Yesò Klistò la. Maà ntsɔ̀tà Ntu̧ Ntsɔ̧̀ Mbɔ̧ɔ̧mà abua bòt kà wu Bèjuê ale, àfàꞋ am a wu mbɨ̀Ꞌɨ̀ àfaꞋa ntsìà mèpɨ̧̀, e ghɨ̌ Mbɔ̧ɔ̧mà naa nɨ awɔb mbɨ̀Ꞌɨ̀ àghɨa èpɨ̧̀ a kuꞋ, nkàà ndɨ Fo Kèfə ghɨ awɔb ane bòt Mbɔ̧ɔ̧mà la.

Lûm 15:27

Bɔ li ngɨ̀ àyaa ane mènkɔ̀ŋke mɔb. Ane nkûŋ, bɔ bɔ ndɨ bɔ̀ɔ tɨŋe bòt ntseb bàa la. Bòt kà wu Bèjuê e jɨ àbȩ̂ èghɨ ntsɔ̧̀ bu Mbɔ̧ɔ̧mà ghɨ̂ abua Bèjuê la. Ale, bɔ bɔ ndɨ bɔ̀ɔ tɨŋe Bèjuê mɨ̧̂, nè èghɨ bu Mbɔ̧ɔ̧mà lɔ̀ɔ̀le àwɔb adù̧ la.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

2 Kɔlìn 9:12

Bɨ ŋa èghɨ bàa bɨ kɨ eŋa la ko aa tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la. Àyea mbɔŋ a wuê ghɨ̌ bòt aa mě taꞋa ekɔ̀ŋke a Mbɔ̧ɔ̧mà.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Gàlashìà 3:7

Bɨ̀ ko na bòt bɔ bɨ̧ɨ̧ne èngǎ̧ Mbɔ̧ɔ̧mà la, ka bɔ̀ wu bɔ̧ Abàlàghâm la.

Gàlashìà 3:9

Mbɨ̀Ꞌɨ̀ Abàlàghâm li ndzì èntɨ̧ɨ̧ vi ane Mbɔ̧ɔ̧mà mbɔ̌ èlɔ̂t mbɨ̀Ꞌɨ̀ wòt tò la, wu wuê a èlɨ mbɔŋ wòt ègème tà zi èntɨ̧ɨ̧ vi ane Mbɔ̧ɔ̧mà la nàa bɔ èlɔ̂t la.

Efesɔ̀s 3:6

Ànəa ndò̧ mbɔŋ wu nê Ntu̧ Ntsɔ̧̀ Mbɔ̧ɔ̧mà è ghɨ̀ bòt kà wu Bèjuê e wu li bɔ èghɨ ntsɔ̧̀ bu Mbɔ̧ɔ̧mà nàa ngɨa ane bòt Izəèlȩê la mɨ̧̂. Bɔ tsiꞋi mbɨ̧̀ ènyit yemɔꞋ, mè mbɔ̀ è wɔb ne èghàb ane èghɨ ntsɔ̧̀ bu Mbɔ̧ɔ̧mà kàꞋa bòt bi la, ndɨ̀ wu bɔ̀ tsiꞋi àghɨ yeamɔꞋ nè Yesò Klistò la.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

Filìpȩ 2:25

Mâ kwaꞋtè nê, a wu ntsɔ̧̀ nê, è mvəèəè wanyɨ wa Èpaflɔ̀ditùs tà kɨꞋɨ ndzè àwɨ̧ mɨ̧̂. Ba tò aa fàꞋà nɔ̂ mè me fɔta nùà ànəa Yesò nɔ̂. Wu tòà wu bɨ li ntsà nê, tà kɨꞋɨ me tɨŋe am la.

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

Ebùlù 10:11

Ntsìà mèpɨ̧̀ Mbɔ̧ɔ̧mà ègème li ngua ngɨ̀à àfàꞋ àzi àli àgème, nkɨ̧̀ɨ̧̀ma banyà̧ ŋǎ abua Mbɔ̧ɔ̧mà a ngo̧ a ngò̧, ka banyà̧ mbɔŋ bè ka wua nkoà ngɨ̀à Mbɔ̧ɔ̧mà waꞋa bèkàbɔ̀ŋ bòt.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Ebùlù 6:17

Mbɔ̧ɔ̧mà li me kɨ e ghɨ̌ bòt bu bɔ li mbɔ̌ ndɨ bɔ̀ɔ bɔ àghɨa tà li nkàꞋ la, aa la ko nê tà ka lɔ̀Ꞌ àlia ekubte èntɨ̧ɨ̧ vi a, tà zǐ nkà̧ nɨŋ sèntè ànəê yu ye kàꞋà la.

Ebùlù 8:6

Ka mbɨ̀Ꞌɨ̀ ndɨ àa la, àfaꞋa Mbɔ̧ɔ̧mà ŋa abua Yesò Klistò la a taꞋa tsè àyɔb, wuê mbɨ̀Ꞌɨ̀ mènkàꞋa kèkweelè mu Yesò tɨ̧ɨ̧ a kètsìà adù̧ la è tsě e me nyǎꞋ la. MènkàꞋa màà wu adù̧ ngule èghɨ ntsɔ̧̀ bu bɔbȩ àa li bɔ bùà la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

1 Pità 1:4

Mbɨ̀Ꞌɨ̀ àa ale la, ba tsiꞋa anè nchɨ̀Ꞌà èghɨ bu Mbɔ̧ɔ̧mà nɔ̀ŋe a ègwet abua bòt bi la. BetsiꞋa èghɨ mbɔŋ è ka bɨ, àghɨ à ka wuê etsòke, è ka meè ngu efəa.

1 Pità 3:7

Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.

Jûd 1:14

Enɔ̀k wu ngute bòt te li ntse akwene Adàm tentùa ka bɔ bi atò la li shu ànəa Mbɔ̧ɔ̧mà nyɨꞋte atò ane ànəa àa li lɔ̀Ꞌɔ eye bòt baa la. Tà li nê, “Bɨ̀ ye a Mbɔ̧ɔ̧mà nkɨ̀Ꞌa nè bɔntu̧ bi ànyaꞋne ànyaꞋne.

Ètsə 5:6

ÀfɨꞋa mbɔŋ e ndze Wanjɨ̀ tà tɨ̧ɨ̧ a mbì àtɨ̧a kèfɔ̧̀ yu la. Èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la e ghaale Wanjɨ̀ wu ndzì a kètsìà. Wanjɨ̀ mbɔŋ tɨ̧ ale nɔ̀ŋkè mbɨ̀Ꞌɨ̀ bɔ le lɔ̀Ꞌ mbùŋè atò. Tà li mbɔ ndɔŋtsə tesà̧à̧mbe àtsə azi, nè àghɨ yea sà̧à̧mbe, è wu fote Mbɔ̧ɔ̧mà tu tesà̧à̧mbe bɔ tsàà àdziꞋ ègème a sitsǎꞋ ŋaa la.