Ebùlù 1:1 - Mundani

¹ È li ngu tê àfɨꞋa mbì, Mbɔ̧ɔ̧mà me tsàà bɔntu̧ bi bɔ me làꞋa èngǎ̧ tò abua bètǎt nyaꞋ ba a ngo̧ a ngò̧ ane balu̧ nyaŋ.

Ebùlù 1:1 ပူးပေါင်းရင်းမြစ်များ

Lûk 1:55

Tà ku̧u̧tè enyɨꞋte tèsȩ ti ane Abàlàghâm e ghǎ dzəâ ane àndǎ̧ tò àgème kà ye ndìa.”

Lûk 1:72

Tà lè laꞋnê, yea li ku tèsȩte bètǎt nyaꞋ ba elɔ̀Ꞌɔ ku̧u̧te mènkàꞋa kèkweelè mu zìambɔŋ ye kàꞋà la.

Lûk 24:27

Yesò ghɨ̀ ale, ngàꞋte mènəè mu bɔ̀ le shɨ a èbem àkata Mbɔ̧ɔ̧mà ane zi la, è shu awɔb, e buꞋa ane àghɨa Musì lè shɨ la, eghǎ dzəâ ane ayea bèndàꞋàtɔŋ Mbɔ̧ɔ̧mà bàgème e li shuê la.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Jɔ̌n 16:13

Fo Mbɔ̧ɔ̧mà yu nàa nyɨ̀Ꞌta nkûŋ la naa me ghɨ̀ tê nkɨ̀Ꞌɨ̂, ngɨ̀ bɨ ko nkûŋ ègème è dzə abua Mbɔ̧ɔ̧mà la, nkàà nê tà kà gha elàꞋa ànəa zi zìambɔŋ. Taa làꞋà wuê ànəa ye zə la, mè shu awɨ̧ mènəè nàa li ghɨ̀ la.

Jɔ̌n 7:22

Mbɔ̂ bɨ̀ambɔŋ e me fàꞋa ane àliapfəè. Musì li nê bɨ̀ me naŋe bɔ̧ bɨ̧, ka mbɔ̂ me ghɨ̀ ale à ka lem ndzə a èbem tò zìambɔŋ, wu àghɨa bètǎt nyaꞋ bɨ̧ e li mbùꞋ la. Ale, bɨ me naŋe bɔ̧ mbâ̧ fɔ̀ɔ̀le àliapfəè.

Jɔ̌n 9:29

Ba ko nê Mbɔ̧ɔ̧mà li ndaꞋa abua Musì, ka è me wua mbê waa ko ba bakà ko àdziꞋa tà dzəè la.”

ÀfaꞋa 13:32

“Ba wu a si ŋàa e tsɔ̀te Ntu̧ Ntsɔ̧̀ e laꞋ ànəê yu Mbɔ̧ɔ̧mà li shu abua bètǎt nyaꞋ ba nê yea ghɨ̀ la.

ÀfaꞋa 2:30

Tà li ngu ndàꞋàtɔŋ Mbɔ̧ɔ̧mà mè nko àghɨa Mbɔ̧ɔ̧mà wu e kâꞋ nê yea ghɨ̌ abua zi la. Mbɔ̧ɔ̧mà li ndzì nkà̧ nê yea li yɔꞋɔ wòt àndǎ̧ Dàbid kǒ ane fɔ̧̀, taa wu mbɨ̀Ꞌɨ̀ Dàbid li nguê la.

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

ÀfaꞋa 3:21

Tà bɔ̂ ndɨ tàa tseke ègwet tè Mbɔ̧ɔ̧mà naa gheble èghɨ ègème aa tsiꞋi be fi mbɨ̀Ꞌɨ̀ tà li ngɨ̀ ngule bèndàꞋàtɔŋ tò be làꞋ, tê àfɨꞋa mbì la.

Ebùlù 11:18

wu Mbɔ̧ɔ̧mà li nkàꞋ atò nê, “Asàk ka tàa li ghɨ̌ aa bɔ àndǎ̧ yê la.”

Ebùlù 11:2

Wu èntɨ̧ɨ̧ wu baliambì e li ndzi ane Mbɔ̧ɔ̧mà la ka e li ngɨ̀ èntɨ̧ɨ̧ tò e me bɔ̌ ane yɔb la.

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 2:2

Èngà̧ wu bɔntu̧ Mbɔ̧ɔ̧mà e li ndàꞋ tê àfɨꞋa Musì la, e li ndâ ngua nkwèèla tè wòt ègème tà tu̧u̧ e ghɨ̀ àghɨa e shua la bɔ ngoꞋ è kuꞋu ane àghɨa tà ghɨ̀ la.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

Ebùlù 3:5

Musì li ngua ngɨ̀à àghɨa Mbɔ̧ɔ̧mà è shu nê tà ghɨa la a èbem lob tò, nɨa nyɨ̀Ꞌta àghɨa Mbɔ̧ɔ̧mà nàa li lɔ̀Ꞌɔ e shu la.

Ebùlù 4:8

Joshùà li ngɨ̀ ale ngɨ̀ bɔ yètè a èlɨ̀ wu Mbɔ̧ɔ̧mà li nkàꞋ nê yea ghɨ̀ la, ko Mbɔ̧ɔ̧mà li tà meè ndàꞋ ànəa àli ako tsa.

Ebùlù 5:5

Wu wuê a èlɨ mbɔŋ Yesò Klistò li tà kà kukte àvi zìambɔŋ, e ghɨ̀ àvi ane àtsəa bèntsìà mèpɨ̧̀ Mbɔ̧ɔ̧mà la. Wu Mbɔ̧ɔ̧mà ka tà li shu abua tò nê, “À wu Waã am; E ntsiꞋi Tǎt wè laane.”

Ebùlù 9:19

Musì li tà ghɨ̀ tà shu ànəa àgème mbɨ̧te mènkàꞋa kèkweelè mu bòt e bɔ ndɨ bɔ̀ɔ me nɔ̀ŋè la, abua bòt bu bàgème, tà nɨ̀ àlo̧ mpɔ̀ŋtsə nè àyea dzətsə fȩ̀ȩ̀tè nè mèleb, mbɔ̂ nɨ èntaãaã ayɨ̌t kǒ bɔ̀ɔ ntɔ ane Isɔ̀b bɔ tsela àdziꞋa ndǐ a mèmbaŋ àtsə la, me nɨa nchɨꞋa adù̧ miita ane àkatè mbɨ̧ tu nè bòt mbɔŋ bàgème.