Kɔ̀losìà 4:11 - Mundani

¹¹ Yesò wu èlen tò ko wu Justùs la nàà ntsàꞋtà wɨ̧ mɨ̧̂. Ane Bèjuê bu bɔ zì mèntɨ̧ɨ̧ mɔb ane Yesò Klistò la, wu ndàꞋà bòt baa batat ba tò ba àa fàꞋà nɔ̂ mbɨ̀Ꞌɨ̀ e ghɨ̌ Kèfɔ̧̀ Mbɔ̧ɔ̧mà naa kɨꞋɨ la. Bɔ taꞋa tɨŋe am.

Kɔ̀losìà 4:11 ပူးပေါင်းရင်းမြစ်များ

ÀfaꞋa 10:45

Bòt Yesò bu bɔ̀ wu Bèjuê, bɔ li ndzə a Jopà nkɨ̀Ꞌɨ̂ bɔ̂ Pità ba la, e ye ndɨ Mbɔ̧ɔ̧mà zi Fo Kèfə ane bòt kà wu Bèjuê la, a taꞋa tsè àwɔb.

ÀfaꞋa 11:2

AfɨꞋa Pità e kɔꞋ nga a Jèlusalèm la, bòt Yesò bu bɔ̀ɔ ndzìà ètsəê nê bɔ wu me naŋe bòt kà wu Bèjuê la, e fèèle atò nê,

Lûm 16:3

Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 4:12

Tà mè ngu tǎt bòt bu bɔ̀ɔ nàŋe awɔb la, kà wu bòt bu bɔ naŋe awɔb wuê a mànaŋe la. Bɔ̀ɔ̀ba wu bɔ zi mèntɨ̧ɨ̧ mɔb ane Mbɔ̧ɔ̧mà wuê mbɨ̀Ꞌɨ̀ tǎt nyaꞋ wa Abàlàghâm li ndzì vi ka bɔɔ li nàŋe atò la.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

Efesɔ̀s 2:11

Bɨ̀ ku̧u̧te nê bɔ̀ le kaꞋa bi awɨ̧ a èbem àndǎ̧ Bèjuê. Bèjuê aa nàŋa awɔb e nɨ nyɨꞋte nê bɔ wu bòt Mbɔ̧ɔ̧mà. Bɔɔ shua nê bɨ ntsě bòt Mbɔ̧ɔ̧mà ndɨ̀ wu bɔ̀ɔ ka nàŋe awɨ̧ la. Ka e naŋe wòt bɔ̂ ngu wu àghɨa wɔ̀bȩ̂ è nɨ àbu azi ngɨ̀ a mbɨ̧̀ ènyit la.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Kɔ̀losìà 4:7

Tȩ̀kɨkùs, wanyɨ wa wu ba taꞋa wua nkɔ̀ŋkà tò la naa shua wɨ̧ ànəê am àgème. Tà wu ngule wɔ̀fàꞋ ba tò ba àa fɔ̀ta faꞋa abua Tè Yesò la.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

1 Tèsàlonikà 3:7

Bɔnyɨ ba, mbɨ̀Ꞌɨ̀ ba zə àfɨ̀Ꞌ yaa nê mèntɨ̧ɨ̧ mɨ̧ bela nkwèèla ane Yesò la, a taꞋa zì mèntɨ̧ɨ̧ ma a èbem ngoꞋ ta nè ngɨ̧̀ɨ̧̀nè yaa ba yea àdzìꞋ yaa la.

Tȩtɔ̀s 1:10

Bòt ko nyaŋ aà və bɔ̀ɔ ŋàa àtsə àsaa, bɔ̀ ka bê ngùa ndzəèa ànəê, mè me nɨ mèngǎ̧ àkû èfɨ̀ta bòt ko la. Bɔɔ̀ ndzea àya nyaŋ ane Bèjuê bu ayɔɔ yɔb bɔ̀ɔ ŋwèèlà shua wuê nê bɔ naŋe wòt ka tà wu wòt Mbɔ̧ɔ̧mà la.

Fȩlemùn 1:1

Letà Pɔ̂l, wòt tèfȩ ane ànəa Yesò Klistò, bɔ̂ Tɔ̀màtià wanyɨ wa, Abua Fȩlemùn ngule shu̧ ya ba tò àa fàꞋà nɔ̂ la.

Fȩlemùn 1:24

Mak bɔ̂ Àlistakùs nè Demàs, nè Luêk wu ba tò ba àa fàꞋà nɔ̂ la e tsaꞋtè mɨ̧̂.