Kɔ̀losìà 3:8 - Mundani

⁸ Ka bɨ bɔ ndɨ bɨ̀a waꞋa èwuu èghɨ bàagème àfɨ̀Ꞌ yaa la. Èghɨ mbɔŋ wu ntsǒtsə, nè èntɨ̧ɨ̧ nendu̧, nè màmbɔ mèmɨ̀ɨ̀te kàbɔ̀ŋ adù̧ bòt, nè màndaꞋa kàbɔ̀ŋ adù̧ bòt, kò màndaꞋa mèngǎ̧ àtsəa kɔꞋɔ leꞋ. Èwuu mèngà̧ maa ka ndɔ̀Ꞌ ane àlia ndzə a ètsəê wòt kǒ ane yɨ̧.

Kɔ̀losìà 3:8 ပူးပေါင်းရင်းမြစ်များ

Matìù 5:22

Ka e ngua shu awɨ̧ nê wòt tsoa ane wanyɨ vi, ko bɔɔ li saꞋa atò wuê a èlɨ mbɔŋ, èwe tà tsɔ̧̀ wanyɨ vi la bɔ nɨ atò ngà a mbì sàꞋàmèkěm, èwu ewe tà tɔ wanyɨ vi ane àkèghɨ̧̀ la, tà ko nê yea li ghǎ a èwet Satàn.

Ntu̧ Ntsɔ̧̀ MAK 7:22

mànjɨa àbȩ, nè èghoꞋ nè mènəè kàbɔ̀ŋ ègème la. NdàꞋà mèfà̧, ngɨ̀à èbɨꞋte mènəè, ngòꞋnà bòt, ntsòkà tèlente bòt tsa, ŋèꞋa tèkwȩtsə a ègwet, mè ngɨ̧̀ɨ̧̀nà la.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

Gàlashìà 5:15

È wu nê bɨa ndù̧a bɔnyɨ bɨ nkwèla, bɨ me ko awɨ̧, mbɨ̀Ꞌɨ̀ ka bɨ bela ngɨ̀à ndììme awɨ̧ bɨ̀ambɔŋ.

Gàlashìà 5:20

mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.

Gàlashìà 5:26

Bà ka me ŋeꞋe tèkwȩ ta a ègwet è shua nê baa wu àghɨa kà wu yùà, ngwȩ̀ȩ̀tà bɔnyɨ ba, mè ngòꞋnà èghɨ bɔnyɨ ba nkɨà nê è wu tsiꞋi eba.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Efesɔ̀s 4:25

Bà ka tsi ndàꞋà mèfà̧. Waa waa me làꞋa nkûŋ abua wanyɨ vi, nkàà nê, bàagème etsiꞋi bòt mbɨ̧̀ ènyit yemɔ̀Ꞌ ane Yesò.

Efesɔ̀s 4:26

À me tsoo ane wanyɨ wè, à ka mbɨ̧̀ɨ̧̀ne ntsǒ mbɔŋ ŋwèèlè awê à ghɨa kàbɔ̀ŋ. A ka ngɨ̀ ndzěm kwen ane ntsǒ a èntɨ̧ɨ̧ wê. À ka ŋà èlu̧ abua Satàn.

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

Efesɔ̀s 5:4

Bɨ̀ ka me làꞋà mèngǎ̧ àtsəa kɔꞋɔ, nè mèngǎ̧ àkèghɨ̧̀, nè èbɨꞋte mèngǎ̧. Eyaa wu mèngǎ̧ kà kùꞋ. Ka bɨ̀ me kɔ̀ŋka Mbɔ̧ɔ̧mà ane àghɨa tà ghɨ ane yɨ̧ la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

Kɔ̀losìà 3:9

Bɨ̀ ka me fɨte bɔnyɨ bɨ̧ ndɨ̀ wu bɨ te ntsě àghɨa bɨ̀ le wu yùà afɨꞋa mbì la, bɨ̀ ka tsi ngua ngɨ̀à àghɨa bɨ̀ le wua ngɨ̀à la.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Jimsì 2:7

Tè è ntsě bɔ̀ɔ̀ba ka bɔ̀ɔ ndàꞋa kàbɔ̀ŋ adù̧ èlen Yesò Klistò lu bòt àa ntɔ awɨ̧ ane lùà la à?

1 Pità 2:1

Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

2 Pità 2:7

Tà li ngɨ̀ Lɔ̂t wu tà li ngu wòt ntsɔ̧̀ la pem. Lɔ̂t waa li nguê tàa ngɨ̀ tà ye èbɨꞋte ènəê bu bòt kàbɔ̀ŋ baa àa ngɨ̀à la, a taꞋa saa atò.

Jûd 1:13

Bòt baa e mè ngu mbɨ̀Ꞌɨ̀ èfuu *èdzî èkekweelè, nè mènəè àtsəa kɔꞋɔ mɔb nkɔ̀Ꞌa mbɨꞋɨ̀ àlejuu èfuu *èdzî. Bɔ fəə těnto̧ tu tèa ngà̧aã kà nɔŋe àtsə la. Mbɔ̧ɔ̧mà è taŋke àdziꞋ abua yɔb a èbem kèbìꞋà àa wu ane àlia nè àlia la.

Jûd 1:8

Eyaa wu ndɨ bènyɨꞋtà àfɨte bàà àa ngɨ̀à la. Bɔɔ shua nê, ndzò̧tsə tea shua wɔb mènəè, nɨa mbɨ̧te ènyit tɔb ngɨa kàbɔ̀ŋ, ntù̧a enyi a èten Mbɔ̧ɔ̧mà mè ndàꞋa kàbɔ̀ŋ adù̧ èghɨ bu a ègwet la.

Ètsə 16:9

Àtaãnyèm yu a tò̧ò̧tè àwɔb ale, bɔ tsiꞋi me tsàà tèntsɔ̧̀ɔ̧̀mètsə adù̧ èlen Mbɔ̧ɔ̧mà wu tà bɔ mètàŋ a ègwet ngoꞋte mbɔŋ la. Ngɨ̀ ale ntu̧ kubte ane mènəè kàbɔ̀ŋ mɔb e ŋa mèngùꞋte abua Mbɔ̧ɔ̧mà.