Kɔ̀losìà 3:5 - Mundani

⁵ Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

Kɔ̀losìà 3:5 ပူးပေါင်းရင်းမြစ်များ

Matìù 15:19

Ngu nê èghɨ àa ndzəa èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màmbuŋa wɔ̀bȩ̂, mànjɨa àbȩ, màpaꞋte wòt kà bɨ tò eyɔꞋ, màntsɔa, màndzia mèfà̧ àtsəa bòt, mè nè màntsoke èlen wòt.

Lûm 1:26

Àyaa a ghɨ̀ Mbɔ̧ɔ̧mà sà àwɔb nè bɔ̀ me ghɨ̀ wuê èbɨꞋte èghɨ bu àa ŋa àtsəa kɔꞋɔ bɔ zì mèntɨ̧ɨ̧ mɔb adù̧ la. Bèzi bɔb e sà mbâ̧tsə ntsìꞋa nɔ̀ŋkà nè bèzi ko.

Lûm 1:29

Ale, mèntɨ̧ɨ̧ mɔb lu̧u̧ ne tèwuute èbɨꞋte ènəê ègème, kàbɔ̀ŋ nè mànkɨa nè èghɨ bòt tsa e wu tsiꞋi bɔb, mè nè màmɨɨta wuê a kàbɔ̀ŋ ane bòt ko. Mèntɨ̧ɨ̧ mɔb è lu̧u̧ ne ghòꞋnà, bɔ mè ngu bèlɨ̧̀, me tseka nùà bòt, fɨ̀ta bòt, mɨ̀ɨ̀tà wua kàbɔ̀ŋ ane bòt, ndàꞋa kàbɔ̀ŋ ane tèlente bòt.

Lûm 6:13

Bɨ̀ ka sa èdziꞋ ènyit bɨ̧ abua kàbɔ̀ŋ, e ghɨ̀ bɨ me ghɨ èbɨꞋte èghɨ. Bɨ̀ ŋa wɨ̧ wuê abua Mbɔ̧ɔ̧mà, mbɨ̀Ꞌɨ̀ bòt bɔ dzəè a èbem èvə ntsiꞋi a èbem mèmpème la, mè ŋa mbɨ̧̀ tɨ̧ nènkèm abua Mbɔ̧ɔ̧mà mbɨ̀Ꞌɨ̀ tea me ghɨ̀ èghɨ àa mbɔ̀ la.

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

Lûm 7:23

Ka e mbɔ̂ me ye mbɨ̧ ko tsa a mbɨ̧̀ yaã nàa nùà nê è ka ngɨ̀ àghɨa mbɨ̧ yu èntɨ̧ɨ̧ am la nàa nkɔ̀ŋkà e ghɨ̀ la. Mbɨ̧ mbɔŋ a mbɨ̧̀ yaã la è ghɨ̌ e ntsiꞋi àbùꞋ abua kàbɔ̀ŋ wu ane yaã la.

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

1 Kɔlìn 5:1

Bɔ shu am èwuu ànəa ko nê bòt ko aa mpàꞋta àbɨ̧ a kètsìà wɨ̧, tè ngɨ̀ fɔɔle ane ndɨ bòt kà ko a Mbɔ̧ɔ̧mà àa ka ghɨ̀ la. Bɔ shu am nê wòt kǒ paꞋte vi tǎt vi.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

1 Kɔlìn 6:13

Bɨa shua nê, “Èghɨjɨ e wu abua èbêm, èbêm e mê ngu abua èghɨjɨ,” Ka Mbɔ̧ɔ̧mà bɔ̂ ngu ghɨ̀ èghɨ mbɔŋ ègème aa baka tsi ngu àghɨ. Bɨ̀ ka me nɨ mbɨ̧te ènyit tɨ̧ mpàꞋta àbɨ̧, ka bɨ̀ me nɨa nkùkta Tè Yesò. Wu Tè Yesò ka tà bɔ mbɨ̧̀ ènyit la.

1 Kɔlìn 6:18

Wòt ka njɨ̀ àbȩ. Kàbɔ̀ŋ ègème wòt nàa ngɨ̀à la nàà kà baãaãte mbɨ̧̀ ènyit wòt, ka mànjɨa àbȩ nàà tsòkà mbɨ̧̀ ènyit wòt.

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Efesɔ̀s 4:19

Àghɨa ko a te ntsě àa mè ngɨ̀à bɔ bɔ àtsəa kɔꞋɔ la. Bɔɔ ngɨ̀à wuê èghɨ mbɨ̧te ènyit tɔb tèa nkɨà la, nè èwuu èbɨꞋte ènəê ègème, tè àghɨa ko à ka tsi nguê àa nkèla wɔb la.

Kɔ̀losìà 2:11

Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.

1 Tèsàlonikà 4:3

Àghɨa Mbɔ̧ɔ̧mà nàa nkɨà la wu nê bɨ̀ bɔ èntɨ̧ɨ̧ kèfə mbɨ̀Ꞌɨ̀ zìa, wòt ka nɔ̀ŋkè nè àvi kà wu ewe tò.

1 Tèsàlonikà 4:5

Ko mbɨ̀Ꞌɨ̀ wòt me ghɔ̀Ꞌɔ akwen bèzi mbɨ̀Ꞌɨ̀ mbɨ̧̀ ènyit tò nàa nkɨà la. Bòt kà ko a Mbɔ̧ɔ̧mà ka bɔ̀ɔ ngɨ̀à ale la.

1 Tɔ̀màtià 6:10

Aa ale nkàà nê, èkɔŋ èkab ka àa nɨ̀a mènəè kàbɔ̀ŋ ègème nkɨ̀Ꞌa sitsǎꞋ ŋàa la. Àtɔŋ bòt ko a kɨ èkab nyaŋ, tè bɔ tu̧ alu̧ Yesò, ngoꞋtsə te ghɨ̀ mèntɨ̧ɨ̧ mɔb lootè.

Ebùlù 12:16

Bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ me jɨ ngò̧ò̧tètsə, kò ntsìà èntɨ̧ɨ̧ vi ane mènəè Mbɔ̧ɔ̧mà leꞋ. Wòt ghɨ̀ ale, ko taa tsiꞋi mbɨ̀Ꞌɨ̀ Esaɔ̀ wu tà li ŋà àdziꞋa zi mbɨ̀Ꞌɨ̀ waã mbì abua wanyɨ vi ambo apfəèꞋ èghɨjɨ la.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.

Ebùlù 13:5

Bɨ̀ ka ndzì èntɨ̧ɨ̧ wɨ̧ nyaŋ ane ànəa èkab. Àghɨa wòt bɔ la à kùꞋa abua tò, nkàà nê, Mbɔ̧ɔ̧mà zìambɔŋ laꞋnê, “È nka waꞋa awɨ̧ a, è nka wu elèènè àwɨ̧.”

Jimsì 4:1

Àghɨ yu àa ngɨ̀à bɨ nùà mèbet mè ndzɔ̀à a kètsìà wɨ̧ la wu ghà à? Ka wu mèmɨ̀ɨ̀te kàbɔ̀ŋ mu nàa ŋǎ wɨ̧ ngoꞋ a èbem mèntɨ̧ɨ̧ mɨ̧ la à?

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.

Ètsə 21:8

Ka è me wu bòt bu kà bɔ èntɨ̧ɨ̧ kekweelè la, nè bòt bu kà zi mèntɨ̧ɨ̧ mɔb ane Yesò la, nè bòt bu bɔ̀ɔ ngɨ̀à èbɨꞋte mènəè la, nè bòt bu bɔ̀ɔ mbùŋà bòt la, nè bòt bu bɔɔ njɨ̀a ngò̧ò̧tètsə la, nè bɔtebə, nè bòt bu bɔ̀ɔ ngùꞋtà bènàmbəa la, ndɔ̀Ꞌ nè bòt mèfà̧ bàgème, ko bɔɔ li màꞋà àwɔb a èbem èlemè wu èwet àa nkòòla adù̧ nè èkem la. Eyaa wu èvə lu wòt nàa mpfəa mè mpfəa la.”

Ètsə 22:15

Bòt bu kà wu li nyi a èbem àpfəèà nɨ̧ yu la, wu bòt bu bɔ̀ɔ ngɨ̀à mbɨ̀Ꞌɨ̀ babə la, nè bɔtebə, nè bòt bɔ̀ɔ njɨ̀a ngò̧ò̧tètsə la, nè bòt bu bɔ̀ɔ mbùŋà bòt la, nè bòt bɔ̀ɔ ngùꞋtà bènàmbəa la, ndɔ̀Ꞌ nè bòt bu bàgème bɔ̀ɔ nkɔ̀ŋkà àfɨte mè ndàꞋà àyùà la.