Kɔ̀losìà 3:4 - Mundani

⁴ Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

Kɔ̀losìà 3:4 ပူးပေါင်းရင်းမြစ်များ

Matìù 13:43

Ka bòt bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la e wu li me kàꞋà mbɨꞋɨ̀ àtaãnyèm àdziꞋa ngɔ̀ŋ fi tǎt wɔb Mbɔ̧ɔ̧mà. Wòt bɔ ètû̧, tà yute èngà̧ waa.

Lûk 17:30

“Eyaa wu ndɨ àa li wu àfɨꞋa Waã Wòt nàa li pùùla ayaã la.

Jɔ̌n 11:25

Yesò shu abua tò nê, “E ngu wòt tàa njù̧ù̧ma bòt ngɨa bɔ pema la. Wòt màà mpfəà ko tà bele yû̧ na tà zìà èntɨ̧ɨ̧ vi ane yaã la,

Jɔ̌n 14:3

Maa me ghɨ̀ tê ngà ntàŋke àdziꞋ abua yɨ̧, mbɔ̂ nkua akwèn nkɨ̀Ꞌɨ̂ nɨa wɨ̧ ba ghà nɔ̂, mbɨ̀Ꞌɨ̀ bɨa tseke ayɨ̧ àdziꞋa e ngu la mɨ̧̂.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

1 Kɔlìn 1:7

bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

1 Kɔlìn 15:43

Bɔ̀ɔ me zǐ a si è kà wua mbɔ̀, è me dzəâ a si è me bɔ̌. Bɔ̀ɔ ngɨ̀ bɔ̀ me zǐ a si è me yu, è me dzəâ, è tsìꞋi àghɨa àa nkwèèla la.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

1 Tèsàlonikà 4:17

AfɨꞋa mbɔŋ Mbɔ̧ɔ̧mà ŋèꞋe awa wu bà bele ka pfəèꞋte la, ba bòt ngaa e bu̧u̧te a kètsìà mbàꞋ è ngu nè Tè Yesò a ègwet. Ba tò ba aa me tseke nɔ̂ àfɨ̀Ꞌ àgème.

1 Tɔ̀màtià 6:14

Mâ shu awê nê, ghɨ àghɨ àgème e shua nê à ghɨa la kà ŋɔꞋte ànəê adù̧. Ko mbɨ̀Ꞌɨ̀ à ghɨ̀ ànəê àko ndɨ bòt àa fèèlè awê la, tè ndɨ Yesò Klistò Lefɨ̀Ꞌ wa nàa li e mě kɨꞋɨ la.

2 Tɔ̀màtià 1:1

Letà Pɔ̂l wantu̧ Yesò Klistò, Mbɔ̧ɔ̧mà lè zì ane mènkɔ̀ŋke mi nê tà laꞋa ànəa mèmpème mu ye kàꞋa abua bòt bu bɔɔ fɔtè ntsìꞋi àghɨ yeamɔꞋ bɔ̀ Yesò Klistò ba la,

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 5:4

Bɨ me ghɨ̀ ale, ko naa li ngu àfɨꞋa Yesò Klistò wu tà wù àtsəa bèmbaabà njɨ̀ la è kɨꞋɨ la, tà tsɔ̀Ꞌɔ àfàꞋ àyɨ̧ nè ènɨ̧ vi wu kà wu li elìa la.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Jɔ̌n 5:12

Waa waa tà zǐ èntɨ̧ɨ̧ vi ane Waã tò wu la ko nê ye bɔ mèmpème, ka wòt kà zi èntɨ̧ɨ̧ vi ane Waã Mbɔ̧ɔ̧mà kà bɔ mèmpème.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

Ètsə 22:1

Wantu̧ Mbɔ̧ɔ̧mà wu è ghɨ̀ ale, mè nyɨ̀Ꞌte am èdzî ko àa ŋa mèmpème la, e me kàꞋtè mbɨ̀Ꞌɨ̀ àlùgɨ̀lâ. Èdzî mbɔŋ e dzə adù̧ àtɨ̧a kèfɔ̧̀ a Mbɔ̧ɔ̧mà bɔ̂ Wanjɨ̀ wu,

Ètsə 22:14

Ntsɔ̧̀ wu bòt bu bɔ shùu ndǐ tɔb tè te fəətè la. Wu àdziꞋa yɔb bɔ̀ɔ jɨ tètaãaãte àyɨt yu àa ŋa mèmpème la, e mě tse a ètsəêkaã àpfəèà nɨ̧ yu enyi a èbèm.