Kɔ̀losìà 3:3 - Mundani

³ Bɨ li mpfəèꞋte mèntsèke mbì mu è lìà, tè mèntsèke mɨ̧ tsiꞋi a tèkitebu Yesò Klistò mbɨ̀Ꞌɨ̀ Mbɔ̧ɔ̧mà nɔ̀ŋè la.

Kɔ̀losìà 3:3 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Jɔ̌n 5:40

ka bɨ bɔ̂ ntu̧ ekɨꞋɨ abua am mbɨ̀Ꞌɨ̀ e la peme.

Lûm 5:10

Baa li mbèle bɔmbù̧ Mbɔ̧ɔ̧mà, tà ghɨ̀ baa tsiꞋi ane àlàŋkè nè tò, nkàà èvə waã tò. Àyaa a wua mpàa nyɨ̀Ꞌta nê ndɨ̀ waa bàà tsiꞋi ane àlàŋkè nè tò la, taa li ghɨ̌ baa peme nkàà nê waã tò wu yu̧.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Lûm 6:11

Bɨ̀ nɨ àwɨ̧ mɨ̧̂ mbɨ̀Ꞌɨ̀ bèmpfəà ane màngɨa kàbɔ̀ŋ, mè nɨ àwɨ̧ mbɨ̀Ꞌɨ̀ bòt yu̧ a màngɨa àghɨa Mbɔ̧ɔ̧mà kɨa la, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la.

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

Lûm 8:2

Mbɨ̧ Fo Mbɔ̧ɔ̧mà yu nàa ngɨ̀à wòt bɔ̌ mèntsèke fi, ndɨ̀ wu tà tsìꞋi àghɨ yeamɔꞋ nè Yesò Klistò la, è tsì mbɨ̧ yu a ègwet laã nàa ngɨ̀à e ngɨa kàbɔ̀ŋ, è mè nɨa èvə nkɨ̀Ꞌa adù̧ yaã la.

1 Kɔlìn 15:45

Àkata Mbɔ̧ɔ̧mà a laꞋnê, “Mbɔ̧ɔ̧mà li ngɨ a Adàm mbì tà tsìꞋi wòt yû̧.” Ka Adàm kwèn tsìꞋi Fo nàa ŋǎ mèmpème la.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

2 Kɔlìn 5:7

Ba tseka nkàà mèntɨ̧ɨ̧ ma mu baa zi ane Mbɔ̧ɔ̧mà la, è ntsě ane èghɨ bàa ndzea la.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Efesɔ̀s 3:9

ÀfàꞋ am li mè ngu a màngɨa bòt bàgème aa ye ndɨ Mbɔ̧ɔ̧mà nàa ghɨ̌ ànəa ndò̧ àzi ya aa wu la. Mbɔ̧ɔ̧mà wu tà ghɨ àghɨ àgème la li ndò̧ ànəê yaa abua bòt tê àfɨꞋa mbì.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

Kɔ̀losìà 2:20

Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,

Kɔ̀losìà 2:3

Wu Yesò waa ka tà ghɨ̂ bòt e ko èyǐ Mbɔ̧ɔ̧mà, nè àghɨa àa àtsəa tò la, è wù èghɨ ntsɔ̧̀ bu e li ndò̧ò̧tè la.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

1 Pità 3:4

Bɨ̀ tsiꞋ è wu mèntɨ̧ɨ̧ mɨ̧ ka nàa ndâ nyɨ̀Ꞌta nê bɨa mbɔ̀ la. Bɨ̀ me bɔɔle ènyit, mè njùa ane mènəè mɨ̧. Eyaa wu kèbɔ̂ŋ fu kèa ka lɔ̀Ꞌ mbɨ mè me bɔ̌ a Mbɔ̧ɔ̧mà la.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.