25 Waa Waa tàa ngɨa kàbɔ̀ŋ la naa li ye ngoꞋ nkàà kàbɔ̀ŋ vi, ka ŋut màà ngu wu wà leꞋ, nkàà nê Mbɔ̧ɔ̧mà nàà sàꞋa bòt kà lȩ mèsi.
Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.
Bòt bu e biite a Yesò nê, “NyɨꞋtà, ba ko nê èghɨ àa shua mè nyɨ̀Ꞌta la wu nkûŋ. À kà wua njùta ànəa bòt àa ndàꞋà la, ka mbɔ̂ me nyɨꞋte bòt nkûŋ ndɨ Mbɔ̧ɔ̧mà nàa nkɨà nê bòt è wu la.
Pità bùꞋ me làꞋà nê, “Maà ndzèa àfɨ̀Ꞌ yaa nê, wu nkûŋ nê Mbɔ̧ɔ̧mà nàà mbà̧à̧tâ wòt ègème kà lȩ èsi.
Mbɔ̧ɔ̧mà naa ghɨ̀ anè nkàà nê tàà saꞋa bòt kà lȩ mèsi.
Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.
Kò wòt wu àbùꞋ kò tà ntse àbùꞋ leꞋ, ko bɨa me ghɨ̌ bɨ ko nê Tè Yesò naa li eŋa àbȩ̀ a waa waa wuê mbɨ̀Ꞌɨ̀ àfaꞋa ntsɔ̧̀ atò a nyɨꞋte la.
Bɨ̀a wu bɨ bɔ èbùꞋ la, bɨ̀ me baãaã wɔb ntsɔ̧̀ mɨ̧̂, bɨ̀ ka me kàà wɔb, nko nê tǎt wu tà bɔ awɨ̧ bàgème la wu a ègwet. Tàà saꞋa bòt kà lȩ mèsi.
Bɨ̀a wu bɨ̀ wu bètǎt a ègwet èbùꞋ la, bɨ̀ me baãaãte èbùꞋ bɨ̧ ntsɔ̧̀. Bɨ̀ ka ndèènè nê bɨ bɔ a Tǎt a ègwet mɨ̧̂.
Wòt ane yɨ̧ ka fìble wanyɨ vi ngɨ a kàbɔ̀ŋ ane tò, nkàà nê bòt bu bɔ̀ɔ ngɨa kàbɔ̀ŋ la aa li ye ngoꞋ a tèkitebu Mbɔ̧ɔ̧mà mbɨ̀Ꞌɨ̀ ba li ndzaŋe shu awɨ̧ la.
Mbɔ̧ɔ̧mà naa bê ghɨ̀ àghɨa a kùꞋù la. Taa ghɨ bòt bu bɔ̀ɔ ngɨ̧̀ɨ̧̀nà wɨ̧ la aa ye ngoꞋ mɨ̧̂,
È wu nê tà fǎ̧ ànəê abua yê, kò mbɔ̌ njû yè leꞋ, à zi ane èlen laã ko maa tsə.
Èngà̧ wu bɔntu̧ Mbɔ̧ɔ̧mà e li ndàꞋ tê àfɨꞋa Musì la, e li ndâ ngua nkwèèla tè wòt ègème tà tu̧u̧ e ghɨ̀ àghɨa e shua la bɔ ngoꞋ è kuꞋu ane àghɨa tà ghɨ̀ la.
Ndɨ̀ wu bɨ̀a ntɔa Mbɔ̧ɔ̧mà ane Tǎt wɨ̧ la, e wu tàa saꞋa wòt ègème kà lȩ mèsi mbɨ̀Ꞌɨ̀ mènəè tò nyɨꞋte la, bɨ̀ me ŋa kènuke abua tò, ndzəa tò ane mèntsèke mɨ̧ adzìꞋ yaa mbɨ̀Ꞌɨ̀ bègɨ̧̀.
Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.