Kɔ̀losìà 3:24 - Mundani

²⁴ Bɨ̀ me ghɨ ale ndɨ̀ wu bɨ ko nê, Tè Yesò naa li eŋa wɨ̧ àghɨa tà paŋe abua bòt bi la ane àbȩ̀ a yɨ̧, nkàà nê wu Tè Yesò Klistò ka tà wu ngule wòt bɨ faꞋa abua tò la.

Kɔ̀losìà 3:24 ပူးပေါင်းရင်းမြစ်များ

Matìù 10:41

Wòt tà sèe ndàꞋàtɔŋ Mbɔ̧ɔ̧mà, nkàà nê ŋut wu ndàꞋàtɔŋ Mbɔ̧ɔ̧mà la, naa li bɔ àbȩ̀ bɔɔ ŋa abua ndàꞋàtɔŋ Mbɔ̧ɔ̧mà la. Wòt tà sèe wòt ntsɔ̧̀ ambo àfaꞋa ntsɔ̧̀ ŋut la, naa li bɔ àghɨa Mbɔ̧ɔ̧mà naa ŋǎ abua bòt ntsɔ̧̀ la.

Matìù 5:12

Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.

Matìù 5:46

Bɨ me kɔ̀ŋkè wuê bòt bu bɔ̀ɔ nkɔ̀ŋkà àwɨ̧ la, ko àbȩ̀ yɨ̧ wu ghà à? Ka wuê bòt bu bɔ̀ɔ nɨ̀a èkab taksì la a ngɨ̀à wuê a èlɨ mbɔŋ à?

Matìù 6:16

“Bɨ me kɨ etseke kà jɨ àghɨ mbɨ̀Ꞌɨ̀ etsàꞋte a Mbɔ̧ɔ̧mà, bɨ̀ ka màꞋà tèsȩtsə ane yɨ̧ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà la àa ngɨ̀à la. Bɔ̀ɔ ngɨ̀ bɔ màꞋà ngɨ̧̀ɨ̧̀nè ane yɔb mbɨ̀Ꞌɨ̀ bòt aa ko nê bɔ wua ntsèka kà jɨ àghɨ. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 6:5

“Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Lûk 14:14

ko aa bɔ èlɔ̂t ngu ndɨ bèŋût e ka li ko evəâ èsiꞋ ngaa la. Mbɔ̧ɔ̧mà naa li tsɔꞋɔ àfàꞋ àyê, ane àli yu tàa li yu̧u̧me bòt bu bɔ li ntɨ̧ɨ̧ ndɨŋndɨ̀ŋ a mbì tò ka mpfəèꞋte la.”

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

1 Kɔlìn 11:23

E ndi nyɨ̀Ꞌte awɨ̧ àghɨa Lefɨ̀Ꞌ li nyɨ̀Ꞌte am la nê, è li ngu a nyèmtèsi wu bɔ fɨ̧̀ɨ̧̀na Yesò Lefɨ̀Ꞌ la, tà nɨ̀ a bled,

1 Kɔlìn 3:8

Wòt wu tà nyɔ̀Ꞌ la, nè wòt tà zì mèleb la e wua ngɨ̀à wuê àfàꞋ yeamɔꞋ, Mbɔ̧ɔ̧mà na li ŋa àbȩ̀ waa waa mbɨ̀Ꞌɨ̀ tà ghɨ àfàꞋ àzi la.

1 Kɔlìn 7:22

Bɨ̀ ko nê Mbɔ̧ɔ̧mà me tɔ wòt tà wua àbùꞋ, ko Yesò Klistò yaa tò tè sàŋ. We Mbɔ̧ɔ̧mà me tɔ atò tà kà wu àbùꞋ la è tsìꞋi àbùꞋ a Yesò.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

Efesɔ̀s 6:6

Bɨ̀ ka me fàꞋa abua yɔb wuê àfɨꞋa bɔ̀ɔ ndzea wɨ̧ la, nɨa nkɨà nê bɔ̀ me kɔ̀ŋkè àwɨ̧. Bɨ̀ me fàꞋà abua yɔb mbɨ̀Ꞌɨ̀ bɔfàꞋ Yesò Klistò, ngɨ̀à àghɨa Mbɔ̧ɔ̧mà nàa nkɨà la nè èntɨ̧ɨ̧ wɨ̧ wemɔꞋ.

Efesɔ̀s 6:8

Kò wòt wu àbùꞋ kò tà ntse àbùꞋ leꞋ, ko bɨa me ghɨ̌ bɨ ko nê Tè Yesò naa li eŋa àbȩ̀ a waa waa wuê mbɨ̀Ꞌɨ̀ àfaꞋa ntsɔ̧̀ atò a nyɨꞋte la.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Ebùlù 10:35

Ale, bɨ̀ ka ntsì èntɨ̧ɨ̧ wɨ̧ nkàà nê, bɨa nga bɔ taꞋà àbȩ̀.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

1 Pità 1:4

Mbɨ̀Ꞌɨ̀ àa ale la, ba tsiꞋa anè nchɨ̀Ꞌà èghɨ bu Mbɔ̧ɔ̧mà nɔ̀ŋe a ègwet abua bòt bi la. BetsiꞋa èghɨ mbɔŋ è ka bɨ, àghɨ à ka wuê etsòke, è ka meè ngu efəa.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.