Kɔ̀losìà 3:20 - Mundani

²⁰ Bɔ̧, bɨ̀ me zə bètǎt bɨ̧ bɔ̂ bènyɨ̀ bɨ̧ ane àghɨ àgème, nkàà nê wu àghɨa Mbɔ̧ɔ̧mà nàa nkɔ̀ŋkà nê bòt Yesò è me ghɨ̀ la.

Kɔ̀losìà 3:20 ပူးပေါင်းရင်းမြစ်များ

Matìù 19:19

Me zəa tǎt wè bɔ̂ nyɨ̌ wè, mè me kɔ̀ŋkè wanyɨ wè mbɨ̀Ꞌɨ̀, àwɔ̀ mbɔŋ.”

Efesɔ̀s 5:24

Ale, bèzi è me zə bèlu̧ bɔb ane balu̧ bàgème wuê mbɨ̀Ꞌɨ̀ chɔsì nàa ndzəa Yesò Klistò la.

Filìpȩ 4:18

E ngu anè nkɨ eshu awɨ̧ nê, mâ ye èghɨ bu ègème bɨ tsàà Èpaflɔ̀ditùs tà nɨŋ nkɨ̀Ꞌɨ̂ la, e bɔ̂ ndzà̧ tê me bəèꞋtè am. Èghɨ ngaa bu aà mbɨ̀Ꞌɨ̀ àghɨa àa mbɔ̀ bɔ tô̧ a me nəꞋə àghaa ntsɔ̧̀ nkɔꞋɔ nga a ègwet Mbɔ̧ɔ̧mà naa nɨ la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Kɔ̀losìà 3:22

ÈbùꞋ, bɨ̀ me zə bòt bu bɔ bɔ awɨ̧ la ane mènəè ègème. Bɨ̀ ka me fàꞋa abua yɔb wuê àfɨꞋa bɔ̀ɔ ndzèa wɨ̧ la nɨa nkɨà nê bɔ̀ me kɔ̀ŋkè àwɨ̧. Ka bɨ̀ me fàꞋa abua yɔb nè èntɨ̧ɨ̧ kèfə nkàà nê bɨa nkùkta Tè Yesò.

Tȩtɔ̀s 2:9

È me wu èbùꞋ, ko shu abua yɔb nê bɔ̀ me zə bètǎt bɔb, mè ngɨ̀à mènəè nàa bɔ̀ awɔb la ane mènəè ègème. Bɔ̀ ka mvəèəè ànəê a ètsəê bètǎt bɔb,

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.