Kɔ̀losìà 3:2 - Mundani

² Bɨ̀ me mɨ̀ɨ̀te mè nkɨ̀a wuê èghɨ bu a ègwet la, bɨ̀ ka ndzì mèntɨ̧ɨ̧ mɨ̧ ane èghɨ ba a sitsǎꞋ ŋàa la.

Kɔ̀losìà 3:2 ပူးပေါင်းရင်းမြစ်များ

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 6:19

“Bɨ̀ ka nɔ̀ŋè èghɨ èkab bɨ̧ a sitsǎꞋ, adzìꞋa èsoꞋo e bakà kwet ko àwèlàka aa baãaã, mbə bètsɔŋ e bəꞋə lob nyi nɨŋ la.

Lûk 12:15

Tà ghɨ̀ ale, shu abua yɔb bàgème nê, “Bɨ̀ nɨ àfɨ̀Ꞌ, mbɔ̂ me nko mbɨ̀Ꞌɨ̀ èghoꞋ e wu a kètsìà wɨ̧. Mèmpème wòt nè mèntsèke ntsɔ̧̀ tò ntsě ane èghɨ tà bɔ la, ka tà màà mbɔ èghɨ wu nà leꞋ.”

Lûk 16:11

Ale, tè bɨ bakà ko mbà̧à̧te èghɨ sitsǎꞋ yàa ndɨŋndɨ̀ŋ, ko wàà naa li lɔ̀Ꞌɔ evi àghɨa ko eŋa abua yɨ̧ nê wu àyɨ̧ à?

Filìpȩ 1:23

A baãaã am ebà bebe. Maa nchɨ̀ɨ̀ma nkɨ esǎ ngɔ̀ŋ yaa eghǎ kwene ane Yesò Klistò è wû kwàꞋ ànəa ntsɔ̧̀ la.

Kɔ̀losìà 3:1

Mbɔ̧ɔ̧mà li njù̧ù̧me awɨ̧ nè Yesò, è wu ale bɨ̀ nɔ̀ŋè mèntɨ̧ɨ̧ mɨ̧ ane èghɨ è wu a ègwet adzìꞋa Yesò Klistò è tseke adù̧ àtɨ̧a kèfɔ̧̀ vi, àbâ àbualu̧ a Tǎt vi Mbɔ̧ɔ̧mà la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.