Kɔ̀losìà 3:11 - Mundani

¹¹ Mbɔ̧ɔ̧mà ghɨ a èlɨ̀ waa ale, Bèjuê è ka tsi ngu tsa, bòt kà wu Bèjuê aa wu tsa. Bòt bɔ naŋè àwɔb la è ka wu tsa, èbe kà bɔ naŋè àwɔb aa wu tsa. Bòt Sintìà è ka mê ngu tsa, bòt tèbemtebàꞋ aa wu tsa, èbùꞋ è ka wu tsa, bòt kà wu èbùꞋ aa wu tsa. Wòt bɔ yea àfɨ̀Ꞌ yaa la wu ndàꞋ Yesò Klistò, è mè ngu tòà tà wu ane yɨ̧ bɨ̀agème la.

Kɔ̀losìà 3:11 ပူးပေါင်းရင်းမြစ်များ

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Jɔ̌n 15:5

“E ngu àyɨt vȩn, bɨ wu mèntaãaã. Wòt tà wu àghɨ yeamɔꞋ nè nà̧, e mè ngu àghɨ yeamɔꞋ nè tò la, wu mbɨ̀Ꞌɨ̀ èntaãaã àyɨt àa nkɔ̀ɔ̀la ntsɔ̧̀ la. Tà bakà wu nè nà̧ tà kà koê ngɨ̀ àghɨ.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

ÀfaꞋa 15:17

A wu ale, mbɨ̀Ꞌɨ̀ bòt sitsǎꞋ ŋàa bàgème aa kùŋè Mbɔ̧ɔ̧mà, bòt kà wu Bèjuê bu mâ tɔ awɔb nê bɔ̀ kɨꞋɨ ngu bòt bɔ̧ la.

ÀfaꞋa 28:2

Bòt àlaꞋ a mbɔŋ e li ntàꞋa baãaã awa ntsɔ̧̀. Ndɨ̀ wu mbɨ̀ŋ li mbùꞋ me lu fo mè me ghɨ̀ la, bɔ tsəꞋtè èwet nɨŋ sèè àwa.

ÀfaꞋa 28:4

Bòt àlaꞋ a Mɔɔltà e ye ndɨ nyà̧kàbɔ̀ŋ yu è tsoŋa ane àbu a Pɔ̂l la, me làꞋa a kètsìà wɔb shua nê, “A ghɨ̀ nà leꞋ, ko mbê waa è li te mè bùŋe wɔ̀bȩ̂. Tà mbatè mpème a *èdzî ale, ka ndɔ̀ yu bela nkuŋa tò.”

Lûm 1:14

Eyaa wu àfaꞋa mâ bɔ ndɨ màa faꞋa abua bòt bàgème la. Abua bòt àghɨ ayɔb a ghaꞋa la, nè èbe kà ayɔb a ghaꞋà, nè bòt bɔ ko àkatè la, nè èbe kà koê.

Lûm 10:12

Bèjuê nè bòt kà wu Bèjuê e wu àghɨ yeamɔꞋ a mbì Mbɔ̧ɔ̧mà, ndɨ̀ wu tà wu Tǎt bòt bàgème, mè me lâ ndɔ̀ɔ̀là bòt bu bàgème bɔ̀ɔ ntɔ atò la.

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

Lûm 3:29

Kò wu nê Mbɔ̧ɔ̧mà wu wuê Mbɔ̧ɔ̧mà Bèjuê le è? Tè tà ntsě Mbɔ̧ɔ̧mà bòt kà wu Bèjuê mɨ̧̂? Tà wu Mbɔ̧ɔ̧mà bòt kà wu Bèjuê mɨ̧̂,

1 Kɔlìn 12:13

Wu wuê ndɨ bàagème, kò ba wu Bèjuê, kò bòt kà wu Bèjuê, kò èbùꞋ, kò bòt kà wu èbùꞋ leꞋ, bɔ zì àwa a èdzî baa bɔ Fo ngaa yemɔ̀Ꞌ ntsìꞋi mbɨ̧̀ ènyit yemɔ̀Ꞌ la. Mbɔ̧ɔ̧mà mè ndzì Fo ngaa a mèntɨ̧ɨ̧ ma bàagème.

1 Kɔlìn 14:11

Ka e mbakà ko ndɨ̧ yu bɔ làꞋà la, ko wòt wu ndàꞋà yùà la naa wu mbɨꞋɨ̀ gɨ̧̀ abua am, e mè ngu mbɨ̀Ꞌɨ̀ gɨ̧ abua tò.

1 Kɔlìn 7:19

Kò bɔ naŋe wòt kò bɔ bakà nàŋe leꞋ, ko à yu ntsě ànəa ko. Àyea è wu ànəê la wu mànɔŋe mbɨ̧te Mbɔ̧ɔ̧mà.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 1:23

Chɔsì wu mbɨ̧̀ ènyit Yesò Klistò, ale ngɨ̀ Yesò kùꞋ mbɨ̀Ꞌɨ̀ tà ghɨ̌ èghɨ ègème e kùꞋ àdzìꞋ àgème la.

Efesɔ̀s 2:14

Yesò Klistò è ghɨ̂ àlàŋkè a kètsìà Bèjuê nè bòt kà wu Bèjuê ndɨ̀ wu bɔ̀ tsiꞋi àndà̧ yeamɔꞋ la. Èvə lu tà li mpfə a mbɨ̧̀ mbasa la e li ntsì mbù̧ yu è li ngu a kètsìà wɔb mbɨ̀Ꞌɨ̀ àkaã a ghàbtà wɔb la.

Efesɔ̀s 2:15

Èvə Yesò e li ndzòò èghɨ bu ègème mbɨ̧te Bèjuê te li ngua shua nê bɔ̀ me ghɨ̀ la. Tà li ngɨ̀ anè mbɨ̀Ꞌɨ̀ e ghɨ̌ èndà̧ bebe aa tsiꞋi àndà̧ a fi yeamɔꞋ, ale ngɨ̀ wòt ègème tsiꞋi ane àlàŋkè.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Efesɔ̀s 3:6

Ànəa ndò̧ mbɔŋ wu nê Ntu̧ Ntsɔ̧̀ Mbɔ̧ɔ̧mà è ghɨ̀ bòt kà wu Bèjuê e wu li bɔ èghɨ ntsɔ̧̀ bu Mbɔ̧ɔ̧mà nàa ngɨa ane bòt Izəèlȩê la mɨ̧̂. Bɔ tsiꞋi mbɨ̧̀ ènyit yemɔꞋ, mè mbɔ̀ è wɔb ne èghàb ane èghɨ ntsɔ̧̀ bu Mbɔ̧ɔ̧mà kàꞋa bòt bi la, ndɨ̀ wu bɔ̀ tsiꞋi àghɨ yeamɔꞋ nè Yesò Klistò la.

Efesɔ̀s 6:8

Kò wòt wu àbùꞋ kò tà ntse àbùꞋ leꞋ, ko bɨa me ghɨ̌ bɨ ko nê Tè Yesò naa li eŋa àbȩ̀ a waa waa wuê mbɨ̀Ꞌɨ̀ àfaꞋa ntsɔ̧̀ atò a nyɨꞋte la.

Kɔ̀losìà 2:10

Mbɔ̧ɔ̧mà mè ŋa wɨ̧ ngule mèmpème ndɨ̀ wu bɨ tò ba è tsiꞋi àghɨ yeamɔꞋ la. Tà tsě fo tègème tèa mbà̧aã èlaꞋ mè ntsìta mènəè la.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

2 Jɔ̌n 1:9

Bɨ̀ ko nê, waa waa tàa ka ghɨ mbɨꞋɨ̀ èngǎ̧ Yesò Klistò e shu la, me làꞋa nkwèꞋnà àghɨ la, bakà ko a Mbɔ̧ɔ̧mà. Waa waa tàa ngɨ̀à mbɨ̀Ꞌɨ̀ èngǎ̧ mbɔŋ e shu la, è koê a Tǎt wa Mbɔ̧ɔ̧mà bɔ̂ Waã vi.