Kɔ̀losìà 2:9 - Mundani

⁹ Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

Kɔ̀losìà 2:9 ပူးပေါင်းရင်းမြစ်များ

Matìù 1:23

“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

Lûk 14:22

“WafàꞋ wu kɨ̀Ꞌɨ̂, shu abua tǎt vi nê, ‘Tê, mâ ghà tê ngɨ̀ àghɨa à shu la, ka lob ka lu̧.’

Lûk 3:22

Fo Kèfə chu a ègwet tò mbɨ̀Ꞌɨ̀ baba. Bɔ zə àtɔŋ Mbɔ̧ɔ̧mà a ègwet a nê, “À wu waã èkɔŋ am; èntɨ̧ɨ̧ e taꞋa wua mbɔ̀ ane yê.”

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:16

Tà kɨꞋɨ ale me kɔ̀ŋkè bòt nyaŋ ngɨ̀à ba bɔ mèngùꞋte mu è dzə abua Mbɔ̧ɔ̧mà la a ngo̧ a ngò̧.

Jɔ̌n 10:30

Ba Tǎt am e wu àghɨ yeamɔꞋ.”

Jɔ̌n 10:38

mbə è ngua ngɨ̀a wuê èghɨ e dzə abua tò la, bɨ bɨ̧ɨ̧ne ànəa e shua la nkàà èghɨ bàa e ngɨa la. Bɨ̀ ghɨ ale mbɨ̀Ꞌɨ̀ eko, aa mèe nyi a ètsə bɨ̧ nê, ba Tǎt am e tsəꞋne te mbê tsìꞋi mbɨ̀Ꞌɨ̀ àghɨ yeamɔꞋ.”

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

Jɔ̌n 2:21

Bɔɔ ndàꞋ ale bɔ̀ ka ko nê, lob Mbɔ̧ɔ̧mà yu Yesò shua la wu mbɨ̧̀ tò.

ÀfaꞋa 17:29

“Ndɨ̀ wu bà wu bɔ̧ Mbɔ̧ɔ̧mà la, bàà kà mɨ̀ɨ̀tè laꞋ nê, bɔ̀ kɔ̧ɔ̧ atò mbɨ̀Ꞌɨ̀ wòt nàa ngɨ̀ tà nèètè nkɔ̧̀ kèbaa èti, kò wuê èfe silbà, kò wuê èfe goêl la leꞋ. Bɔ bakà kɔ̧ɔ̧ atò a èlɨ̀ wu wɔ̀bȩ̂ nàa nkɔ̧̀ɔ̧ èghɨ bi la.

2 Kɔlìn 5:19

Ànəa ba shua la wu nê Mbɔ̧ɔ̧mà li nɨ èvə Yesò Klistò nɨŋ ngɨ̀ àlàŋkè bɔ̂ bɔbȩ bàgème. Tà li tà kà tsi ngua mpà̧à̧ bèkàbɔ̀ŋ bɔb nɔ̀ŋà àtsəa yɔb, mbɔ̂ ndzì èngǎ̧ vi a tèkitebu ta nê ba me laꞋa shua nê bòt èkɨꞋɨ ngɨ̀ àlàŋkè nè Mbɔ̧ɔ̧mà.

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

1 Jɔ̌n 5:7

Èghɨ aà betat àa nyɨ̀Ꞌta nkûŋ la: