Kɔ̀losìà 2:8 - Mundani

⁸ Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

Kɔ̀losìà 2:8 ပူးပေါင်းရင်းမြစ်များ

Matìù 10:17

Bɨ̀ me ko awɨ̧ ane bɔbȩ na bɔ̀ɔ baãaã awɨ̧ enɨ ghǎ a lobte èsaꞋa, e mě shu̧ awɨ̧ a èbem lobte Mbɔ̧ɔ̧mà tɔb la.

Matìù 16:6

Yesò shu abua yɔb nê, “Bɨ̀ me ko awɨ̧ mè mbààba awɨ̧ ane yis Bèfalèsiì bɔ̂ Bèsadùsiì.”

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

ÀfaꞋa 17:18

BènyɨꞋtà Èpikulìa nè èbe Stoik ane àliabȩ. ko e me kàànè bɔ̂ tò ba shua nê, “Àkèghɨ̧̀ mbê waa à shua anè nê ghàà.” Èbeko e nê, “A fəə ngaa mbɨ̀Ꞌɨ̀ tà làꞋ ànəa bènàmbəa ètu̧ ko tsa.” Bɔ̀ me làꞋà mènəè ale ngu ndɨ Pɔ̂l nàa ndàꞋà mèngà̧ ane Yesò mè nè ndɨ bòt àa pfə e mě yu̧u̧me la.

ÀfaꞋa 17:32

ÀfɨꞋa bɔ zə ndɨ Pɔ̂l làꞋa ànəa mànju̧u̧ma la, bòt ko ane yɔb e wȩȩte atò. Ka èbeko e nê, “À bèle li mě làꞋa èngà̧ waa baa zə.”

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

1 Kɔlìn 10:12

È wu ale, wòt tà mɨɨtè nê ye tɨ̧ɨ̧ ntsɔ̧̀ la me ko avi mbɨ̀Ꞌɨ̀ ka tà kwen.

1 Kɔlìn 8:9

Ka bɨ̀ me ko awɨ̧ mbɨ̀Ꞌɨ̀ bɨ bela ngɨ̀à, ngɨ̀ bòt bɔ̀ɔ njùa la e fà̧ ànəê a mbì Mbɔ̧ɔ̧mà.

2 Kɔlìn 10:5

Baa nɨa nkèla mènkwàꞋte kàbɔ̀ŋ ègème, nè àghɨ àgème bòt àa mɨ̀ɨ̀tà nê bɔ ko nyaŋ, a kela wɔb a mànkoa a Mbɔ̧ɔ̧mà la. Mbà̧aã mènkwàꞋte ègème mbɨ̀Ꞌɨ̀ ghɨ̌ bòt bu nè èwuu mènkwàꞋte mbɔŋ la aa me zəa Yesò Klistò.

Gàlashìà 1:14

E ndi ngɨ̀ mènəè mbɨ̧te Bèjuê tèa nkɨà la tè ntɨ̧ a mbì nkàŋè taã ko nyaŋ àlaꞋ a ya. E ndi mbê nge màa nkùŋà mènəè bètǎt nyaꞋ ba la.

Gàlashìà 4:3

Ale, bàambɔŋ e li ngu mbɨ̀Ꞌɨ̀ èbùꞋ, àfɨꞋa ba li mbèle bɔtechɨɨle la, me ghɨ̀ àghɨa èyo̧o̧te fotsə a ègwet te kɨa la.

Gàlashìà 4:9

Ka àfɨ̀Ꞌ yaa bɨ koa Mbɔ̧ɔ̧mà la, kò è shu nê àfɨ̀Ꞌ yaa Mbɔ̧ɔ̧mà ko awɨ̧ la, ngulesi àghɨ yu a ghɨ̂ ka bɨ me kua akwèn nga abua èyo̧o̧te fotsə kà ye àfɨa la wu ghà à? Bɨ chɨɨmè ngɨ̀ nà ka mè me kɨ ewu èbùꞋ a èten tùà à?

Gàlashìà 5:15

È wu nê bɨa ndù̧a bɔnyɨ bɨ nkwèla, bɨ me ko awɨ̧, mbɨ̀Ꞌɨ̀ ka bɨ bela ngɨ̀à ndììme awɨ̧ bɨ̀ambɔŋ.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 4:20

Èwuu mèntsèke màà ntsě àghɨa bɔ li nyɨ̀Ꞌte awɨ̧ ane ànəa Yesò Klistò la.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

Filìpȩ 3:2

Bɨ̀ me ko awɨ̧ ane bòt kàbɔ̀ŋ bu bɔ̀ wu mbɨꞋɨ̀ babə bɔ̀ɔ ŋwèèla shua nê bɔ naŋe wòt mbɨ̀Ꞌɨ̀ mbɨ̧te Bèjuê tèa shua la, ka tà bɔ̂ ngu wòt Mbɔ̧ɔ̧mà la.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Kɔ̀losìà 2:20

Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,

Kɔ̀losìà 2:22

Mbɨ̧ tàa tègème te wu adù̧ èghɨ bòt àa mbà̧à̧ta ka è ka wua ngù̧ù̧nà la. Wu bɔbȩ ka bɔ ghɨ mbɨ̧te mbɔŋ mè me nyɨꞋte bòt la.

Kɔ̀losìà 2:23

Bòt aa mɨ̀ɨ̀tà nê, ngule èyì ko aa ane èwuu mbɨ̧te mbɔŋ ka è ka lem nguê. Mbɨ̧te mbɔŋ teà nyɨ̀Ꞌta nê, bòt e bɔ ndɨ bɔ̀ɔ me ŋa kènuke wuê abua bɔntu̧ Mbɔ̧ɔ̧mà la, mè nyɨ̀Ꞌta èlu̧ bòt e bɔ ndɨ bɔ̀ɔ me nɨ ènyit yɔb a si, ka è kà wu we ntsɔ̧̀ la. Teà nyɨ̀Ꞌta mɨ̧̂ nê, bòt è me nɔ̀ŋè ènyit yɔb ane ngɨ̧̀ɨ̧̀nè nê bɔ wua nkuŋa Mbɔ̧ɔ̧mà. Ka mbɨ̧te mbɔŋ te bakà lem mbɔ̀ mètàŋ ekale wòt laꞋ nê tà ka ngɨ̀ èbɨꞋte èghɨ bu mbɨ̧̀ ènyit tò nàa nkɨà la.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Ebùlù 3:12

Bɔnyɨ bɔ̧, bɨ̀ me ko awɨ̧ mbɨ̀Ꞌɨ̀ ka wòt kǒ wu ane yɨ̧ nè èntɨ̧ɨ̧ kàbɔ̀ŋ, tè ntù̧u̧ a Mbɔ̧ɔ̧mà yû̧, tà kà tsi ngua nkuŋa tò.

1 Pità 1:18

Bɨ ko àghɨa Mbɔ̧ɔ̧mà li ŋa nɨŋ nchùꞋù àtsəa yɨ̧ ngɨ̀ bɨ peme ane èbɨꞋte ènəê bu bètǎt nyaꞋ bɨ̧ e li sa abua yɨ̧ la. È li è kà wu àghɨa ko mbɨ̀Ꞌɨ̀ silbà kò goêl leꞋ, betsiꞋa a bɨ la.

2 Pità 3:17

Bèshu̧ bɔ̧, ndɨ̀ waa bɨ ko mènəè maa tè ndɔ̀Ꞌ la, bɨ̀ me baabe awɨ̧ mbɨ̀Ꞌɨ̀ ka bòt kàbɔ̀ŋ baa bɔ fà̧à̧tè èka bɔb la, e tsòkè ètsə bɨ̧ ngɨ̀ èka bɨ̧ e lɔŋ, èntɨ̧ɨ̧ wɨ̧ wu bɨ zi ane Mbɔ̧ɔ̧mà la è ka tsi ngua nkwèèla.

2 Jɔ̌n 1:8

È wu ale, bɨ̀ me ko awɨ̧ mbɨ̀Ꞌɨ̀ bɨ bi àghɨa bɨ fàꞋà tê mbɔŋ la. Bɨ bɔ ndɨ bɨ̀a bɔ àghɨ àgème Mbɔ̧ɔ̧mà taŋke abua yɨ̧ la.