Kɔ̀losìà 2:19 - Mundani

¹⁹ Ŋut nàà kà tsi ndzəèa Yesò wu tà wu àtsəa ènyit yu è wu bòt Mbɔ̧ɔ̧mà la. Wu Yesò Klistò ka tàa ngɨ̀à ènyit mbɔŋ e bɔ èghɨjɨ, mè ngɨ̀à èdziꞋ ènyit ègème e tsəꞋnà ngua mbɨ̧̀ yemɔ̀Ꞌ, ale ngɨ̀à è tsəa ndɨ Mbɔ̧ɔ̧mà nàa nkɨà nê è me tsə la.

Kɔ̀losìà 2:19 ပူးပေါင်းရင်းမြစ်များ

Lûk 5:38

ChaꞋ bɔ̀ɔ ndzìà mèlùꞋ fi wuê a èbem ètetuꞋ gùbnyà̧ è fi.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

ÀfaꞋa 4:32

Bòt bu bɔ zì mèntɨ̧ɨ̧ mɔb ane Yesò la e li ngua fɔ̀ta ngɨ̀à àghɨ àgème nè èntɨ̧ɨ̧ wɔb wemɔꞋ. Wòt kǒ ane yɔb li tà kà shuê nê àghɨa ye bɔ la a wu abua zi zìa ndziꞋne. Waa waa li ngua ngàbtà àghɨa ye bɔ la, ŋǎ àyea wanyɨ vi.

Lûm 11:17

Bɔ loote mèntaãaã kǒ ane àyɨt olìf yu bɔ liꞋi la, nɨ mèntaãaã àyɨt olìf èbemebàꞋ nkɨ̀Ꞌɨ̀ ndzì abot. Bɨ̀a bòt kà wu bòt Izəèlȩê aa mbɨ̀Ꞌɨ̀ mèntaãaã àyɨt olìf èbemebàꞋ yu, njɨ̀a àbȩ̀ èghɨ ntsɔ̧̀ bòt Izəèlȩê.

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

1 Kɔlìn 11:3

Maà nkɨà bɨa ko nê Yesò Klistò bɔ àtɔŋ a ègwet mbâ̧, mbâ̧ bɔ̀ àtɔŋ a ègwet àvi, Mbɔ̧ɔ̧mà bɔ̀ àtɔŋ a ègwet Yesò Klistò.

1 Kɔlìn 3:6

E ndi nyɔ̀Ꞌ èsaãaãme, e tu, Àpolòs zì mèleb, ka è lè wu Mbɔ̧ɔ̧mà tà ghɨ̂ e tsə la.

Efesɔ̀s 1:22

Mbɔ̧ɔ̧mà zi èghɨ ègème a èten èka Yesò Klistò. Tà wu a ègwet àghɨ àgème, wuê mbɨ̀Ꞌɨ̀ tà wu àtsəa bòt chɔsì la mɨ̧̂.

Efesɔ̀s 1:23

Chɔsì wu mbɨ̧̀ ènyit Yesò Klistò, ale ngɨ̀ Yesò kùꞋ mbɨ̀Ꞌɨ̀ tà ghɨ̌ èghɨ ègème e kùꞋ àdzìꞋ àgème la.

Efesɔ̀s 2:21

Wu Yesò waa ka tà ghɨ̂ lob ngaa fete nènkèm ntɨ̧̀ɨ̧, ngɨ̀ è me kwèꞋnè tê ntsìꞋi lob kèfə Mbɔ̧ɔ̧mà bɔ nɔ̀ŋè wuê abua tò la.

Efesɔ̀s 4:3

Fo Mbɔ̧ɔ̧mà ghɨ̂ bɨ tsiꞋi ane ètsəê wemɔꞋ, è wu ale bɨ̀ la ndze nê bɨa ntsèka ane àlàŋkè yu a fete awɨ̧ ngɨ̀ bɨ tsiꞋi àghɨ yeamɔꞋ la.

Efesɔ̀s 5:29

Wòt nàà kà paabe mbɨ̧̀ zi zìambɔŋ, ka tàa ngɨ̀ tà me jɨa mè nàŋa yùà, mbɨ̀Ꞌɨ̀ Yesò Klistò nàa ngɨa ane chɔsì la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Kɔ̀losìà 1:18

Tà mè ngu àtsəa chɔsì wu è wu mbɨ̀Ꞌɨ̀ mbɨ̧̀ ènyit Yesò Klistò zìambɔŋ la. Wu tòà tà li ngɨ̀ bɔ bɔ mèmpème la. Tà wu wòt mbì Mbɔ̧ɔ̧mà li njù̧ù̧me mbɨ̀Ꞌɨ̀ e ghɨ̌ taa wu àtsəa èghɨ ègème la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tèsàlonikà 3:12

Ba mè ntsàꞋtà nê Lefɨ̀Ꞌ ghɨa èkɔŋ wɨ̧ ane bɔnyɨ bɨ̧ è me kweela ngà nè mbì, bɨ̀ mèe me nèèta nkɔ̀ŋkà waa waa wuê mbɨ̀Ꞌɨ̀ bàa nkɔ̀ŋkà àwɨ̧ la.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.