Kɔ̀losìà 2:15 - Mundani

¹⁵ Yesò Klistò li mpfə a mbɨ̧̀ mbasa ale ngɨ̀ fo tu tèa mbà̧aã èlaꞋ mè ntsìta mènəè la tè ka tsi mbɔ̀ mètàŋ. Tà li ntsè awɔb tè nkùùla awɔb ngɨ̀ bɔ tsiꞋa ngȩȩna akwen tò waa waa yea.

Kɔ̀losìà 2:15 ပူးပေါင်းရင်းမြစ်များ

Matìù 12:29

“Wòt me kɨ ebəꞋə lob wòt kèkweelè enyi nɨ èghɨ tò, tà bɔ ndɨ tàa bɨ̌ kuule atò ka bɔ eŋeꞋe èghɨ tò ane ètɨ̧̂ la.

Lûk 10:18

Yesò bɨ̀ɨ̀lè nê, “E ndɨ ndzě ndɨ Satàn lɔ̀Ꞌɔ a ègwet mbɨ̀ŋkê nkwen mbɨꞋɨ̀ èfâŋ la.

Lûk 11:22

Ka è wu àfɨꞋa wòt tà kweele tê ntsè atò la, è kɨꞋɨ̀ ndène atò la, tà fàà èghɨ èbet tò bu tàà wua ndzìà èntɨ̧ɨ̧ vi adù̧ la ègème, mbɔ̂ ngàbtè èghɨ tò.

Jɔ̌n 16:11

Bɔɔ li mě eye èsaꞋa Mbɔ̧ɔ̧mà nkàà nê, Mbɔ̧ɔ̧mà saꞋa wòt wu tà wu àtsəa ngɔ̀ŋ yaa la tè ndɔ̀Ꞌ.

Jɔ̌n 19:30

Yesò sɔɔte tà nê, “A mî”, mbɔ̂ nchùŋe àtsəa zi a si mpfə.

1 Kɔlìn 15:24

Taa li nkɨ̀Ꞌɨ̂ ale ngɔ̀ŋ lìà. Eyaa wu àfɨꞋa Yesò Klistò nàa tsòkè mètàŋ tèwuute fo tègème tèa ntsìta mènəè nè bènàmbəa bu bèa mbà̧aã èlaꞋ la, è bɔ̂ nɨ a kèfɔ̧̀ wu e zǐ tèkitebu Tǎt wa Mbɔ̧ɔ̧mà.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Efesɔ̀s 4:8

Eyaa wu àghɨa Àkata Mbɔ̧ɔ̧mà a shu la, nê, “Tà li me kɔꞋa ngà a ègwet Nɨ bòt nyaŋ tà baãaã la nɨŋ ngà nè bùà Mè ŋà mèghàb abua bòt.”

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Kɔ̀losìà 1:16

Mbɔ̧ɔ̧mà li ntsè ane tò ka ngɨ̀ èghɨ ègème. Tà li ngɨ̀ èghɨ àa a ègwet la, nè èbe àa a sitsǎꞋ la, èbe bɔ̀ɔ ndzea la nè èbe kà bɔ wua ndzea. Tà li ngɨ̀ fɔ̀ɔ̀le fo tu a ègwet te bɔ mètàŋ nyaŋ, ngû àtsəa bòt, mbɔ̀ àtɔŋ, mè ntsìta mènəè la. Mbɔ̧ɔ̧mà li ntsè ane Yesò ngɨ̀ èghɨ ègème, èghɨ ngaa ègème e wu abua to.

Kɔ̀losìà 2:10

Mbɔ̧ɔ̧mà mè ŋa wɨ̧ ngule mèmpème ndɨ̀ wu bɨ tò ba è tsiꞋi àghɨ yeamɔꞋ la. Tà tsě fo tègème tèa mbà̧aã èlaꞋ mè ntsìta mènəè la.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 20:10

Bɔ ghɨ̀ ale, maꞋa Satàn wu tà fɨte awɔb la a èwet ko àa mbɨ̀Ꞌɨ̀ èlemè nkòòla nè èkem adù̧, bɔ zǐ màꞋa nyà̧mɔ̀Ꞌ yu bɔ̂ ndàꞋàtɔŋ fɨ̀te wu a èbèm la. Bɔ̀ɔ me ye ngoꞋ a èbèm, ètsəꞋ nè nèngû̧ ane àlia nè àlia.