Kɔ̀losìà 2:12 - Mundani

¹² Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.

Kɔ̀losìà 2:12 ပူးပေါင်းရင်းမြစ်များ

Lûk 17:5

Bɔntu̧ Yesò e ghɨ̀ ale, shu abua tò nê, “Ghɨa mèntɨ̧ɨ̧ ma me kweele ane yê.”

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

ÀfaꞋa 2:24

Ka Mbɔ̧ɔ̧mà li ngɨ̀ tà yù̧ù̧me. Mbɔ̧ɔ̧mà li mè ngɨ̀ ngoꞋte kekweelè tu tà li ndze ka mpfə la, te sa atò nkàà nê èvə e li è ka wu ko ebaãaã atò ekuule adzìꞋ yu bòt àa mpfəèa ngà la.

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

Lûm 4:24

Bɔ li ngua shɨa abua ya mɨ̧̂, bàa wu bàa li tsiꞋi bòt bɔ̀ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà ndɨ̀ wu bàa zì mèntɨ̧ɨ̧ ma ane tò wu tà yu̧u̧me a Tǎt wa Yesò wu

Lûm 7:4

Bɔnyɨ bɔ̧, eyaa bê ngu ndɨ àa ane yɨ̧ la. Yesò Klistò li mpfəè ale, a wu nè bɨ pfə ayɨ̧ mɨ̧̂ ane ànəa mbɨ̧ mbɨ̀Ꞌɨ̀ bɨ̀a tsiꞋi bòt wòt tsa. Ŋut wu wòt wu Mbɔ̧ɔ̧mà li njù̧ù̧me atò, mbɨ̀Ꞌɨ̀ e ghɨ̌ bɨa tsiꞋi bòt bɔ̀ɔ ntsèka ngɨ̀à àghɨa àa mbɔ̀ a Mbɔ̧ɔ̧mà la.

1 Kɔlìn 12:13

Wu wuê ndɨ bàagème, kò ba wu Bèjuê, kò bòt kà wu Bèjuê, kò èbùꞋ, kò bòt kà wu èbùꞋ leꞋ, bɔ zì àwa a èdzî baa bɔ Fo ngaa yemɔ̀Ꞌ ntsìꞋi mbɨ̧̀ ènyit yemɔ̀Ꞌ la. Mbɔ̧ɔ̧mà mè ndzì Fo ngaa a mèntɨ̧ɨ̧ ma bàagème.

1 Kɔlìn 15:20

Ka ane nkûŋ, Yesò Klistò yu̧u̧me a èbem èsî, mbɨ̀Ꞌɨ̀ wòt mbì tà yu̧u̧me la e nɨ nyɨꞋte nê bòt bu bɔ pfəꞋte la aa li yu̧u̧me.

Gàlashìà 3:27

Bɨ̀a wu bɨ̀agème bɔ li ndzì àwɨ̧ a èdzî la bɨ tsiꞋi àghɨ yeamɔꞋ nè Yesò Klistò, mè ntsìꞋa nkùŋà èka tò.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Efesɔ̀s 3:7

Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Efesɔ̀s 4:5

Lefɨ̀Ꞌ nàà wemɔ̀Ꞌ, alu̧ màndzia èntɨ̧ɨ̧ ane Yesò e wu wemɔꞋ, èlɨ màndzia a èdzî e wu wemɔꞋ.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Filìpȩ 1:29

Aa ale nkàà nê, Mbɔ̧ɔ̧mà è ŋa awɨ̧ èlu̧ a màfaꞋa abua Yesò Klistò nê bɨ̀ ka me zì wuê ndàꞋ mèntɨ̧ɨ̧ mɨ̧ ane tò, tà ŋǎ nê bɨ̀ me ye ngoꞋ ambo ànəa tò mɨ̧̂.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

Kɔ̀losìà 2:13

È lè wu àfɨ̀Ꞌ àko, bɨ wu mbɨ̀Ꞌɨ̀ bòt bɔ pfəꞋte la a mbì Mbɔ̧ɔ̧mà ndɨ̀ wu bɨ̀ le wua ngɨa kàbɔ̀ŋ, mè ngu bòt kà ko a Mbɔ̧ɔ̧mà, bɨ̀ ka ko mbɨ̧te Musì la. Ka Mbɔ̧ɔ̧mà è yu̧u̧me àwɨ̧ àfɨ̀Ꞌ yaa, ŋà wɨ̧ mèmpème bɨ Yesò Klistò ba. Mbɔ̧ɔ̧mà li ngwaꞋa mènəè kàbɔ̀ŋ ma bǎgème.

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Ebùlù 6:2

Bà ka tsi mè me làꞋa wuê ànəa balu̧ a màndzia èbem èdzî nè ànəa mànɔŋa èbu àtsəa bòt Mbɔ̧ɔ̧mà. Bà ka tsi me làꞋà wuê ndɨ bèmpfəà àa li yu̧u̧me la. Bà ka mè me làꞋa wuê ndɨ Mbɔ̧ɔ̧mà nàa li saꞋa bòt la.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.