Kɔ̀losìà 2:11 - Mundani

¹¹ Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.

Kɔ̀losìà 2:11 ပူးပေါင်းရင်းမြစ်များ

Ntu̧ Ntsɔ̧̀ MAK 14:58

“Ba li ndzə tà nê yea bùù lob nɨ̧ Mbɔ̧ɔ̧mà yaa bɔbȩ e bɔ̧ la, naa mě me wu ane èli betat yea bɔ̧ ye tsǎ ka wu bɔbȩ bɔ bɔ̧ɔ̧ la.”

Lûk 2:21

Èli befà̧aã e le tsê, àfɨꞋa bɔ̀ɔ naŋe wakèfi wu la a kuêꞋ bɔ tsì èlen tò ane Yesò, wuê mbɨ̀Ꞌɨ̀ wantu̧ Mbɔ̧ɔ̧mà lè ŋa ka bɔɔ li ekɔɔle atò la.

ÀfaꞋa 17:24

“Wu tòà tà lè ghɨ ngɔ̀ŋ nè àghɨ àgème àa a èbèm la, è mè ngu tòà tà bɔ ègwet nè sitsǎꞋ la. Tàà kà tseke a èbem mpɨ̀Ꞌnetsə bɔbȩ e ghɨ̀ la.

ÀfaꞋa 7:48

“A batè ngu ale, ka ndàꞋàtɔŋ Mbɔ̧ɔ̧mà bɔ̂ nê, Mbɔ̧ɔ̧mà Àtsèàngɔ̀ŋ nàà kà tseke a èbem lobte bɔbȩ e vəèəè la.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

Lûm 6:6

Baa ko nê mènəè nyaꞋ ma è pfə nè Yesò Klistò a mbɨ̧̀ mbasa, mbɨ̀Ꞌɨ̀ tsòke àghɨ yu àa ŋwèèlà mbɨ̧̀ ta te ghɨa kàbɔ̀ŋ la, mbɨ̀Ꞌɨ̀ baa baka tsi ngu èbùꞋ abua kàbɔ̀ŋ.

Lûm 7:24

Wòt chɨ̀ŋkè mbɨ̀Ꞌɨ̀ mmɔ̌! Wòt wu tàa tsǐ am a èbem mbɨ̧̀ ènyit yaa nàa ŋwèèlà am ntsàà wuê a èbem èvə la wu wàà?

2 Kɔlìn 5:1

Ba ko nê mbɨ̧te ènyit ta tàa te wu mbɨꞋɨ̀ bayò bàa ntsèka a èbèm a sitsǎꞋ ŋàa la. Bɔ bùà bayò mbɔŋ ko baa bɔ lob a ègwet kà vəə bɔbȩ. Lob mbɔŋ wu lob Mbɔ̧ɔ̧mà zìambɔŋ è vəə nàa li ewu ane àlia nè àlia la.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

Ebùlù 9:11

Ka Yesò Klistò li nkɨ̀Ꞌɨ̂ mbɨ̀Ꞌɨ̀ wòt tà wu àtsəa bèntsìà mèpɨ̧̀ Mbɔ̧ɔ̧mà ane èghɨ ntsɔ̧̀ bu adzìꞋ yaa la. Àyò yu tàa faꞋa a èbèm la wu àyea a ghe mè ndâ ngu wu mbɨ̀Ꞌɨ̀ a wu ewu la. Àyò mbɔŋ ka ghɨa wɔ̀bȩ̂, è kà mèe ngu àghɨa bɔ ghɨ̀ mbɨꞋɨ̀ bɔ ghɨ̀ èghɨ ko a sitsǎꞋ la.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.