Kɔ̀losìà 1:9 - Mundani

⁹ Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

Kɔ̀losìà 1:9 ပူးပေါင်းရင်းမြစ်များ

Jɔ̌n 7:17

Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.

ÀfaꞋa 12:5

Mbɨ̀Ꞌɨ̀ Pità wu a tèfȩ la, bòt chɔsì e me ntsàꞋta Mbɔ̧ɔ̧mà àtsə atò kwàꞋ ànyaꞋne.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

1 Kɔlìn 1:5

Maà ndzèa àyaa ane èghɨ ntsɔ̧̀ bu ègème tà ghɨ̂ bɨ bɔŋ la, nè ndɨ̀ wu bɨ ko a màndaꞋa èngǎ̧ tò ane balu̧ bàgème mè nko àghɨ àgème a bɔ ndɨ àa ghɨ̀ nê Fo Mbɔ̧ɔ̧mà la.

Efesɔ̀s 1:8

ka tà li nɨŋ ngɨ̀ èwuu ànəê yaa ane ya la.

Efesɔ̀s 5:10

Bɨ̀ nyɔꞋta nko àghɨa Mbɔ̧ɔ̧mà nàa nkɔ̀ŋkà la, me ghɨ̌ yùà.

Efesɔ̀s 5:17

È wu ale, bɨ̀ ka me ghɨ̀ mènəè mbɨ̀Ꞌɨ̀ èkèghɨ̧̀, ka bɨ̀ nyɔꞋta nko àghɨa Tè Yesò nàa nkɨà nê bɨ̀ me ghɨ̀ la.

Efesɔ̀s 6:6

Bɨ̀ ka me fàꞋa abua yɔb wuê àfɨꞋa bɔ̀ɔ ndzea wɨ̧ la, nɨa nkɨà nê bɔ̀ me kɔ̀ŋkè àwɨ̧. Bɨ̀ me fàꞋà abua yɔb mbɨ̀Ꞌɨ̀ bɔfàꞋ Yesò Klistò, ngɨ̀à àghɨa Mbɔ̧ɔ̧mà nàa nkɨà la nè èntɨ̧ɨ̧ wɨ̧ wemɔꞋ.

Filìpȩ 1:4

Màa ngɨ̀ è me tsàꞋte a Mbɔ̧ɔ̧mà àtsəa yɨ̧ bɨ̀agème, èntɨ̧ɨ̧ am e lu̧u̧ ne kèŋwaŋ,

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Kɔ̀losìà 4:5

Bɨ̀ me ghɨ̀ mènəè mɨ̧ a mbì bòt bu kà zi mèntɨ̧ɨ̧ mɔb ane Yesò la nè èyì. Àfɨ̀Ꞌ àgème èlu̧ e dzəâ a si la, bɨ nyɔ̀Ꞌtè ndze nê, bɨ ghɨ̂ bɔ ko nê bɨ wu bòt Yesò. Àfɨ̀Ꞌ a dzə a si, bɨ nyɔ̀Ꞌtè ndaꞋa abua bòt mbɔŋ.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 5:17

mè ntsàꞋta a Mbɔ̧ɔ̧mà àfɨ̀Ꞌ àgème.

2 Tèsàlonikà 1:11

Eyaa wu lə bàa ntsèka ntsàꞋta Mbɔ̧ɔ̧mà ane ànəa yɨ̧ àfɨ̀Ꞌ àgème la. Baà tsàꞋtà nê Tǎt wa Mbɔ̧ɔ̧mà ghɨa mèntsèke mɨ̧ kùꞋù ndɨ tà tɔ awɨ̧ nê bɨ̀ me tseke la. Maa shù̧ù̧ta Mbɔ̧ɔ̧mà nê tà ghɨa bɨ̀ me ghɨ a ntsɔ̧̀ wu bɨ̀a nkɨ e ghɨ̀ la, nkàà nê tà bɔ mètàŋ a màngɨa ale, mè ngɨ̀ bɨ̀ paa ngɨ̀ èghɨ bu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la.

Fȩlemùn 1:4

Màa ngɨ̀ e me tsàꞋte Mbɔ̧ɔ̧mà am àfɨ̀Ꞌ àgème, è ku̧u̧te awê, e ŋa mènkɔ̀ŋke abua tò.

Fȩlemùn 1:6

Maà ntsàꞋtà nê, mbɨ̀Ꞌɨ̀ àa nèètà ndàꞋà ànəa èntɨ̧ɨ̧ wu à zi ane Yesò la abua bòt la, àà nga enèète ko àghɨa ntsɔ̧̀ àgème èntɨ̧ɨ̧ wu à zi ane Yesò Klistò la, e ghɨ ba bɔŋ la.

Ebùlù 10:36

Bɨ bɔ ndɨ bɨ̀a kuule èntɨ̧ɨ̧ wɨ̧ mbɨ̀Ꞌɨ̀ ghɨ̀ àghɨa Mbɔ̧ɔ̧mà nàa nkɨà la, ebɔ àbȩ̀ yu tà kàꞋà la.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Jimsì 1:5

Wòt bùa èyì, tà lò̧o̧ abua Mbɔ̧ɔ̧mà wu tàa ŋǎ èyì abua wòt ègème la, ko tàa ŋa abua tò. Tàà kà kuꞋte àbu, tà kà wua ŋȩ̀ta.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

1 Pità 2:15

Àghɨa Mbɔ̧ɔ̧mà nàa nkɨà la wu nê bɨ̀ nɨ mènəè ntsɔ̧̀ mu bɨ̀a ngɨ̀a la nɨŋ ndììme mètsəê èkèghɨ̧̀ bòt bu kà ko ànəê la.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

1 Jɔ̌n 2:17

Bɨ̀ ko nê, sitsǎꞋ yàa nè èghɨ bu ègème a èbem bɔbȩ àa nkɔ̀ŋkà la naa li lɔ̀Ꞌɔ etsě. Ka è wu wòt wu tàa ngɨ̀à mènəè Mbɔ̧ɔ̧mà nàa nkɨà la, ko taa li ntèꞋa ane àlia nè àlia.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.