Kɔ̀losìà 1:7 - Mundani

⁷ Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.

Kɔ̀losìà 1:7 ပူးပေါင်းရင်းမြစ်များ

Matìù 18:29

“Shu̧ tò wafàꞋ wu teme tènjûŋ ti a si shù̧ù̧te atò nê, ‘Ŋa am àfɨ̀Ꞌ maa tsə njû yu.’

Matìù 24:45

“WafàꞋ ntsɔ̧̀ tà bɔ èyì la wu we ŋaà? Wu wu tǎt àfàꞋ tò zi atò àtsəa beko nê tà me ŋa wɔb èghɨjɨ àfɨꞋa ntsɔ̧̀ la.

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

1 Kɔlìn 4:17

Eyaa wu lə e ntsàa Tɔ̀màtià la. Tà wu waã èkɔŋ am ndɨ̀ wu bà wu bòt Tè Yesò Klistò la. Tàà ngɨ̀à àfàꞋ àzi nè èntɨ̧ɨ̧ vi ègème. E ntsaa tò nê ta kɨꞋɨ nkù̧ù̧te awɨ̧ mènəè mɔ̧ ane Yesò Klistò. Wu mènəè maa nkùŋà mùà mè nyɨ̀Ꞌta a bèchɔsì a èdzìꞋ ègème la.

1 Kɔlìn 4:2

Àghɨa mbì wòt nàa me kɨ ye ane wòt tà zǐ àfàꞋ tèkitebu tò la wu ndɨ ŋut nàà me baãaã àfàꞋa zi ntsɔ̧̀ la.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

2 Kɔlìn 11:23

Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

Efesɔ̀s 5:21

Bɨ̀ me zə bɔnyɨ bɨ̧ nkàà nê bɨa nkùkta Yesò Klistò.

Filìpȩ 2:25

Mâ kwaꞋtè nê, a wu ntsɔ̧̀ nê, è mvəèəè wanyɨ wa Èpaflɔ̀ditùs tà kɨꞋɨ ndzè àwɨ̧ mɨ̧̂. Ba tò aa fàꞋà nɔ̂ mè me fɔta nùà ànəa Yesò nɔ̂. Wu tòà wu bɨ li ntsà nê, tà kɨꞋɨ me tɨŋe am la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Kɔ̀losìà 4:7

Tȩ̀kɨkùs, wanyɨ wa wu ba taꞋa wua nkɔ̀ŋkà tò la naa shua wɨ̧ ànəê am àgème. Tà wu ngule wɔ̀fàꞋ ba tò ba àa fɔ̀ta faꞋa abua Tè Yesò la.

Kɔ̀losìà 4:9

Tà gha ekɨꞋɨ bɔ̂ wanyɨ wa Ònesìmùs wu tà wu wòt kǒ ayɔɔ yɨ̧, mè nèètè ndzì èntɨ̧ɨ̧ vi ane Yesò la. Bɔɔ shu awɨ̧ ànəê àgème àa ntsea a si ŋàa la.

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

Fȩlemùn 1:23

Èpaflàs wu ba tò è wu a tèfȩ ane ànəa Yesò Klistò la laꞋ nê è ntsàꞋtè àwɨ̧.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

Ebùlù 3:2

Tà li ngua ngɨ̀à àghɨ àgème Mbɔ̧ɔ̧mà wu ta lȩ̂ atò la shu nê tà ghɨa la wuê mbɨ̀Ꞌɨ̀ Musì li ngua nèètà ndzəa wuê ànəa àfàꞋ àzi a èbem lob Mbɔ̧ɔ̧mà ègème la.