Kɔ̀losìà 1:4 - Mundani

⁴ Bàa ngɨ̀ ba wua ngɨ̀à ale nkàà nê ba zə ndɨ bɨ zi èntɨ̧ɨ̧ wɨ̧ ane Yesò Klistò, mè me kɔ̀ŋkè bòt Mbɔ̧ɔ̧mà bàgème la.

Kɔ̀losìà 1:4 ပူးပေါင်းရင်းမြစ်များ

2 Kɔlìn 7:7

È ntsě wuê mènkɨ̀Ꞌɨ̂ Tȩtɔ̀s è li ndzì mèntɨ̧ɨ̧ ma la. Tà li shu awa nê bɨ zǐ èntɨ̧ɨ̧ vi ale, a paà ndzì mèntɨ̧ɨ̧ ma mɨ̧̂. Tà li shu awa nê bɨa ndâ nkɨ eye am, mè nê àghɨ yu a li ngɨ̀ la a li à ka bɔ awɨ̧. Tà li mè shu am ndɨ bɨ lâ mbɔ̌ èntɨ̧ɨ̧ a màngɨa àghɨa mâ shu la. Mènəè maa li ngɨ̀ e paa ngùꞋtè am.

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Efesɔ̀s 1:15

Èghɨ baa ègème Mbɔ̧ɔ̧mà lɔ̀ɔ̀là wa adù̧ la e ghɨ̂ e me tseke àfɨ̀Ꞌ àgeme nkɔ̀ŋkà Mbɔ̧ɔ̧mà ane ànəa yɨ̧, ebùꞋù tê àfɨ̀Ꞌ yu e ndi ndzə nê bɨa ndzìà mèntɨ̧ɨ̧ mɨ̧ ane Yesò Lefɨ̀Ꞌ mè nèètà nkɔ̀ŋkà bòt Mbɔ̧ɔ̧mà la.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Kɔ̀losìà 1:9

Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 3:6

Ka nè àfɨ̀Ꞌ yaa, Tɔ̀màtià è kua àpfəè ayɨ̧ tè shu awa ànəa ntsɔ̧̀ a ghɨ̀ mèntɨ̧ɨ̧ ma me bɔ̀ la. Tà shu awa nê mèntɨ̧ɨ̧ mɨ̧ bele ane Yesò, bɨ mè mbèla nkɔ̀ŋkà bɔnyɨ bɨ̧ mè shu nê bɨà ntsèka mɨ̀ɨ̀tà àwa ntsɔ̧̀, mè nkɨ eye awa wuê mbɨ̀Ꞌɨ̀ bàa nkɨà àwɨ̧ eye mɨ̧̂ la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

Fȩlemùn 1:5

Màa ngɨ̀ e ngua ngɨ ale nkàà nê, mâ zə ndɨ àa nkɔ̀ŋkà bòt Mbɔ̧ɔ̧mà bàgème la, mè ndzə ndɨ à zi èntɨ̧ɨ̧ wê ane Yesò Lefɨ̀Ꞌ la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

1 Jɔ̌n 3:14

Bàa mbɔŋ e ko nê ba dzə a èbem èvə tè mbɔ̀ mèmpème nkàà nê baà nkɔ̀ŋkà bɔnyɨ ba. Waa waa tàa ka kɔ̀ŋkè wanyɨ vi la nàà ntsèka a èbem èvə.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.