Kɔ̀losìà 1:3 - Mundani

³ Bàa ngɨ̀ bà me tsàꞋte a Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la ane ànəa yɨ̧ àfɨ̀Ꞌ àgème, ba me kɔ̀ŋke atò.

Kɔ̀losìà 1:3 ပူးပေါင်းရင်းမြစ်များ

Lûm 15:6

À wu ale mbɨ̀Ꞌɨ̀ bɨa me wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa nè ètsəê wemɔꞋ.

1 Kɔlìn 1:4

Maà nkɔ̀ŋkà Mbɔ̧ɔ̧mà àfɨ̀Ꞌ àgème ane àghɨa tà ghɨ ane yɨ̧ la. Tà nyɨꞋte a ntsɔ̧̀ vi abua yɨ̧, ndɨ̀ wu bɨ̀ tsiꞋi àghɨ yeamɔ̀Ꞌ nè Yesò Klistò la.

2 Kɔlìn 1:3

Bà kɔ̀ŋke a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà wu Tǎt tàa nkua tèsȩ la, mè ngu Mbɔ̧ɔ̧mà tàa ndzìà mèntɨ̧ɨ̧ bòt la.

Efesɔ̀s 1:15

Èghɨ baa ègème Mbɔ̧ɔ̧mà lɔ̀ɔ̀là wa adù̧ la e ghɨ̂ e me tseke àfɨ̀Ꞌ àgeme nkɔ̀ŋkà Mbɔ̧ɔ̧mà ane ànəa yɨ̧, ebùꞋù tê àfɨ̀Ꞌ yu e ndi ndzə nê bɨa ndzìà mèntɨ̧ɨ̧ mɨ̧ ane Yesò Lefɨ̀Ꞌ mè nèètà nkɔ̀ŋkà bòt Mbɔ̧ɔ̧mà la.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Filìpȩ 4:6

Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

Kɔ̀losìà 1:9

Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

1 Tèsàlonikà 1:2

Bàa ngɨ̀ bà me tsàꞋte a Tǎt wa Mbɔ̧ɔ̧mà àfɨ̀Ꞌ àgème, ba me ku̧u̧te awɨ̧, mè nkɔ̀ŋka tò ane ànəa yɨ̧ bɨ̀agème.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.