Kɔ̀losìà 1:22 - Mundani

²² Ka àfɨ̀Ꞌ yaa Waã tò kɨꞋɨ ntsìꞋi wɔ̀bȩ̂ mpfə la, Mbɔ̧ɔ̧mà nɨ èvə Waã vi mbɔŋ ngɨ̀ bɨ tsiꞋi bèshu̧ tò, mbɨ̀Ꞌɨ̀ taa nɨ awɨ̧ enɨ kɨꞋɨ a mbì li mbɨ̀Ꞌɨ̀ ngule bòt bi, kà ye àlɔꞋ nè àghɨa ko bɔ̀ɔ fèèlè àwɨ̧ adù̧ la.

Kɔ̀losìà 1:22 ပူးပေါင်းရင်းမြစ်များ

Lûk 1:75

mbɨ̀Ꞌɨ̀ bòt bɔ li tɨ̧ɨ̧ ndɨŋndɨ̀ŋ a mbì li mè mbɔ̀ mèntɨ̧ɨ̧ kèfə ane èli ba a sitsǎꞋ ègème la.

Lûm 7:4

Bɔnyɨ bɔ̧, eyaa bê ngu ndɨ àa ane yɨ̧ la. Yesò Klistò li mpfəè ale, a wu nè bɨ pfə ayɨ̧ mɨ̧̂ ane ànəa mbɨ̧ mbɨ̀Ꞌɨ̀ bɨ̀a tsiꞋi bòt wòt tsa. Ŋut wu wòt wu Mbɔ̧ɔ̧mà li njù̧ù̧me atò, mbɨ̀Ꞌɨ̀ e ghɨ̌ bɨa tsiꞋi bòt bɔ̀ɔ ntsèka ngɨ̀à àghɨa àa mbɔ̀ a Mbɔ̧ɔ̧mà la.

2 Kɔlìn 11:2

Bɨ̀ ko nê, mâ lâ mbɔ èntɨ̧ɨ̧ ane yɨ̧ mbɨ̀Ꞌɨ̀ Mbɔ̧ɔ̧mà bɔ la. Mâ nɨ awɨ̧ mbɨ̀Ꞌɨ̀ waàvi angɔ̧̀ kà ko mbâ̧, e ghɨ̌ bɨa yɔꞋɔ wuê mbâ̧ yemɔ̀Ꞌ. Ŋut wu Yesò Klistò à.

2 Kɔlìn 4:14

Ba ko nê Mbɔ̧ɔ̧mà wu tà li njù̧ù̧me a Yesò Lefɨ̀Ꞌ la naa ŋeꞋe awa wuê mbɨ̀Ꞌɨ̀ tà li ŋèꞋe a Yesò la, fɔɔle awɨ̧ enɨ kɨꞋɨ a mbì li.

2 Kɔlìn 5:18

Mènəè maa ègème ghɨ̀à Mbɔ̧ɔ̧mà. Tà li nɨa Yesò Klistò ngɨ̀ àlàŋkè a wu a kètsìà wa ba tò ba, ŋà àwa àfaꞋa bàa me nɨ bòt nkɨ̀Ꞌa bɔ ghɨ̀à àlàŋkè nè tò la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Efesɔ̀s 5:27

Tà li ngɨ̀ anè mbɨ̀Ꞌɨ̀ enɨ a chɔsì waa ane ndzà zi è ghe nàa mbɔ̀ la, kà ye a kàbɔ̀ŋ adù̧, àghɨ à ka wuê betsiꞋa bɔ fèèle atò adù̧ la. Bɔɔ mbɨ̀Ꞌɨ̀ wòt kà ye àlɔꞋ ane zi, kà ye ka wuê adziꞋi kàbɔ̀ŋ ane zi nè àghɨa ko tsa betsiꞋa a tsòkè wòt la.

Kɔ̀losìà 1:28

Baà shua waa waa ànəa Yesò, nɨa èyì nyɨ̀Ꞌta waa waa, mè səèŋkà ètû̧ bɔb mbɨ̀Ꞌɨ̀ bà me nɨ wòt ègème tà tsiꞋi àghɨ yeamɔꞋ nè Yesò Klistò la nkɨ̀Ꞌa a mbì Mbɔ̧ɔ̧mà, ŋut kuꞋu ane ebà ègème.

1 Tèsàlonikà 4:7

Mbɔ̧ɔ̧mà li tà kà wua ntɔ̂ awa nê wòt me nɔ̀ŋkè ne àvi kà wu we tò. Tà li ngua ntɔ̂ awa nê bà ŋa awa nènkèm abua zi.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 10:10

Ndɨ̀ wu Yesò Klistò li nkɨ̀Ꞌɨ̂ ŋà àtsəa zi ngò̧ yemɔ̀Ꞌ mbɨ̀Ꞌɨ̀ Mbɔ̧ɔ̧mà kɨa la, ba tsiꞋi mbɨ̀Ꞌɨ̀ bòt kà ghɨa kàbɔ̀ŋ.

Ebùlù 10:20

Tà ghaꞋa èlu̧ fi abua ya, è wù èlu̧ mèmpème la. Tà sà̧à̧ taꞋà ndǐ yu, a lob Mbɔ̧ɔ̧mà è kaba àdziꞋa ntsèm a mbì a Mbɔ̧ɔ̧mà la. Tà ghɨ̀ àyaa ane mbɨ̧̀ ènyit zi.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.