Kɔ̀losìà 1:21 - Mundani

²¹ È lè wu àfɨ̀Ꞌ àko, bɨ teme kwen tɨ̧ ŋǎ abua Mbɔ̧ɔ̧mà tè ntsìꞋi bɔmbù̧ tò, nkàà mènəè kàbɔ̀ŋ mu bɨ̀ le wua ngɨ̀à mè nkwàꞋtà la.

Kɔ̀losìà 1:21 ပူးပေါင်းရင်းမြစ်များ

Lûm 1:30

Ntsòkà tèlente bòt, mpààbà a Mbɔ̧ɔ̧mà, ntsò̧ò̧tà bòt, ŋèꞋa tèkwȩ tɔb a ègwet, shua nê bɔ ghe. Bɔ mè me ntsèka mɨ̀ɨ̀tà wuê balu̧ fi a màngɨa kàbɔ̀ŋ, bɔ̀ ka wua ndzəa bètǎt bɔb bɔ̂ bènyɨ̌ bɔb.

Efesɔ̀s 2:12

È li ngu àfɨ̀Ꞌ yaa bɨ̀a ntsèka anè la, bɨ̀ ka ko a Yesò Klistò. Bɨ li bɨ̀ ka wu ayɔɔ bòt Izəèlȩê. Bɨ li ngu bègɨ̧̀, bɨ̀ ka bɔ èghab ane mènkàꞋa kèkweelè Mbɔ̧ɔ̧mà mu tà li ngɨ̀ bɔ̂ bòt Izəèlȩê nê wu bòt bi la. Bɨ li ngua ntsèka a sitsǎꞋ ŋàa kà bɔ ntɨ̀ laꞋ nê bɨa li eye a ntsɔ̧̀ àfɨ̀Ꞌ àko, bɨ̀ ka mê nko a Mbɔ̧ɔ̧mà.

Efesɔ̀s 2:15

Èvə Yesò e li ndzòò èghɨ bu ègème mbɨ̧te Bèjuê te li ngua shua nê bɔ̀ me ghɨ̀ la. Tà li ngɨ̀ anè mbɨ̀Ꞌɨ̀ e ghɨ̌ èndà̧ bebe aa tsiꞋi àndà̧ a fi yeamɔꞋ, ale ngɨ̀ wòt ègème tsiꞋi ane àlàŋkè.

Efesɔ̀s 2:19

Ale, bɨ te ntsě bègɨ̧̀, bɨ̀ ka mê ngu bòt ntsea tsě la. Bɨ tsiꞋi bòt àlaꞋ yeamɔꞋ nè bòt Mbɔ̧ɔ̧mà, ntsìꞋi àlo̧ yeamɔꞋ nè bòt Mbɔ̧ɔ̧mà.

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.