Kɔ̀losìà 1:15 - Mundani

¹⁵ Yesò Klistò wu bà le wua ndzèa tò la nàà mbɨ̀Ꞌɨ̀ Mbɔ̧ɔ̧mà wu bàa ka ye atò la. Tà lè wuê ka bɔɔ ghɨ̌ èghɨ ègème, tà mè ngu àtsə àghɨ àgème bɔ li ngɨ̀ la.

Kɔ̀losìà 1:15 ပူးပေါင်းရင်းမြစ်များ

Jɔ̌n 1:1

Ngɔ̀ŋ li me bùꞋu, Èngǎ̧ wu e yaŋe wu. Èngǎ̧ mbɔŋ e li ngu bɔ̂ Mbɔ̧ɔ̧mà nɔ̂, Èngǎ̧ wu li ngu àzi Mbɔ̧ɔ̧mà.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

Jɔ̌n 14:9

Yesò shu abua tò nê, “Nko nê à bele kà ziꞋ nko am ane àfɨ̀Ꞌ à seè yaa mâ tseke ba nɨ̧̀ ba la a Filìb? Wòt tà ye am la ko nê, ye ye Tǎt am. À ghɨ̀ na ka nê è nyɨꞋte awɨ̧ a Tǎt am à?

Jɔ̌n 15:24

Mâ ghɨ̀ ale, è nka ghɨ èghɨ kà wòt tsa li mè ghɨ̌ a kètsìà wɔb, ko bɔ bakà ko laꞋ nê, bɔ wu bòt mènəè kàbɔ̀ŋ, ka nè àfɨ̀Ꞌ yaa, bɔ ye èghɨ mbɔŋ, mbɔ̂ me pààbè awa ba Tǎt am.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Lûm 8:29

Bòt bu Mbɔ̧ɔ̧mà li mbele àfɨꞋa tsa ndà la, tà li nɔ̀ŋè nê bɔ̀ wu mbɨꞋɨ̀ waã vi nàa la, mbɨ̀Ꞌɨ̀ e ghɨ̌ taa wu waã mbì ayɔɔ bɔnyɨ nyaŋ.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Filìpȩ 2:6

Tà li mbàte ngu àzi Mbɔ̧ɔ̧mà mɨ̧̂, ka tà kà ŋweele laꞋnê yea wu wuê ane akɔ̀Ꞌ wemɔ̀Ꞌ bɔ̂ Mbɔ̧ɔ̧mà.

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

Ebùlù 1:3

Ndɨ ènɨ̧ tò àa la, bê ngu wuê ndɨ ènɨ̧ Mbɔ̧ɔ̧mà àa la, tà bɔ mbê mè ngu mbɨ̀Ꞌɨ̀ Mbɔ̧ɔ̧mà naa la mɨ̧̂. Tà nɨ èngǎ̧ vi wu àa nkwèèla la ka nɨŋ mbà̧aã ngɔ̀ŋ ya. È li ngu àfɨꞋa tà nɨ àlo̧a zi shùù bòt bu bɔ̀ bakà kuꞋu a mbì Mbɔ̧ɔ̧mà la, tà gha a ègwet ntsèke àbâ àbualu̧ a Mbɔ̧ɔ̧mà Àtsèàngɔ̀ŋ.

Ebùlù 1:6

AfɨꞋa Mbɔ̧ɔ̧mà li ngua nkɨ tsàà Waã mbì vi a sitsǎꞋ la, tà mè nê, “Bɔntu̧ Mbɔ̧ɔ̧mà bàgème e bɔ ndɨ bɔ̀ɔ me wùꞋte atò la.”

Ebùlù 11:27

Èntɨ̧ɨ̧ wu tà li ndzi ane Mbɔ̧ɔ̧mà la e li ngɨ̀ tà dzə a Ejìb kà bɔ̀a laꞋnê fɔ̧̀ naa me tsoo ane zi. Tà li nkùùle èntɨ̧ɨ̧ vi ngà, mbɨ̀Ꞌɨ̀ wòt tà ye a Mbɔ̧ɔ̧mà wu kà bɔ wua ndzea tò la.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.