ÀfaꞋa 9:39 - Mundani

³⁹ Pità bê ndɔ̀Ꞌ a si ngà bɔ̂ tò ba. AfɨꞋa tà tà nyi abot la, bɔ nɨ atò nkɔꞋ ngà àtsəa lob a ègwet yu bɔ̀ le nɔŋa mpfəà wu a èbèm la. Bènempfə be li ntaꞋa kɨꞋɨ̀ ngààle atò abot, me dɨ̀a nyɨ̀Ꞌta atò ndìte èten tɔb bɔ̂ te ègwet, è wù te Dɔkàs wu le ghɨ àfɨꞋa tà bele ka pfə la.

ÀfaꞋa 9:39 ပူးပေါင်းရင်းမြစ်များ

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Matìù 26:11

Bɨa me bɔ̂ bòt mbuŋ bɨ tò ba àfɨ̀Ꞌ àgème, ka è nka wu ewu ba nɨ̧̀ ba àfɨ̀Ꞌ àgème.

Ntu̧ Ntsɔ̧̀ MAK 14:8

Àvi wàa è ghɨ̀ àghɨa tàa ko ghɨ̀ la. ÀfɨꞋa bɔ̀ɔ tu am la a bele ka zìꞋ nkùꞋ tà bê ndzì mèwet ane yaã nɨŋ ntaŋkè ndɨ bɔ̀ɔ li tu am la.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Jɔ̌n 12:8

Bòt ntseb e wu bɨ tò ba àfɨ̀Ꞌ àgème, è me wu am è ka wu wu ne nɨ̧̀ àfɨ̀Ꞌ àgème.”

Jɔ̌n 17:12

Mâ nɨ mètàŋ mu à ŋa abua am la mbààbe awɔb ane àfɨ̀Ꞌ yu maa wu ba tò ba la. Maa bà̧à̧ wɔb ntsɔ̧̀ tè wòt ane yɔb ka nyɔ̂, tè è bəa wòt wu tà bɔ ndɨ tàa nyɔ la, mbɨ̀Ꞌɨ̀ e ghɨ̌ ànəa bɔ shɨ a èbem Àkata Mbɔ̧ɔ̧mà la aa te.

ÀfaꞋa 1:13

Bɔ ghà ale nkɔꞋ nga àtsəa lob a ègwet yu bɔɔ wua ndìa a èbèm la. Bɔntu̧ baa li ngu Pità, bɔ̂ Jɔ̌n, nè Jimsì nè Andùlù, nè Filìb bɔ̂ Tɔmasì, nè Bàtòlomiò nè Màtìù ndɔ̀Ꞌ nè, Jimsì waã Alfeɔ̀, bɔ̂ Simùn wu tà li ntàꞋa wua nùà mènəè àlaꞋ la, nè Judàs waã Jimsì.

ÀfaꞋa 20:35

Mâ nyɨꞋtè àwɨ̧ ane balu̧ bàgème ndɨ ba bɔ̂ ndɨ bàa me fàꞋà nyaŋ mbɨ̀Ꞌɨ̀ me tɨŋe bòt kà ye ayɔb la, nkwàꞋte ànəa Yesò Lefɨ̀Ꞌ zìambɔŋ li shuê la, nê, ‘MèngùꞋte naa ne màŋa tè ntse a mànɨa.’ ”

ÀfaꞋa 6:1

Àfɨ̀Ꞌ àko a tsè, bɔkatè Yesò e me kwèꞋne, àyɔ̀ŋ a dzə a kètsìà Bèjuê bu bèa ndàꞋà wuê ndɨ̧ Glɨ̂k la, nè Bèjuê bu è wù bèlèkɔꞋasi la. Èbu bèa ndàꞋà wuê ndɨ̧ Glɨ̂k la e me tsoo nê, bɔ̀ɔ ngɨ̀ bɔ̀ me ghàbtè èghɨ àli àgème bɔ̀ ka ŋa be bènempfə bɔb.

ÀfaꞋa 8:2

Stifèn pfə ale, bòt Mbɔ̧ɔ̧mà ko e tu atò mbɔ̂ ndɨ̀ atò kwàꞋ ànyaꞋne.

ÀfaꞋa 9:41

Pità tsàà àbu azi ntɨ̀ŋe atò, tà lɔ̀Ꞌɔ a si. Tà tɔ bòt Mbɔ̧ɔ̧mà nè bènempfə bu ŋa atò tà yu̧u̧me la abua yɔb.

2 Kɔlìn 8:12

Bɨ ŋa nè èntɨ̧ɨ̧ wemɔꞋ ko Mbɔ̧ɔ̧mà naa nɨ nkàà nê, tàà nɨa àghɨ abua wòt ndɨ àbu ŋut a nyɨꞋte la. Mbɔ̧ɔ̧mà nàà ka shu laꞋ nê wòt ŋa àghɨ kà bɔŋ.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 4:13

Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

1 Tɔ̀màtià 5:3

Me baãaã bènempfə bu bɔ̀ wu ndâ bènempfə la ntsɔ̧̀.

1 Tɔ̀màtià 5:5

Àvi wu tà wu ngule nempfə kà ye wòt tàa tɨŋe atò la, nàa ngɨ̀ tà me zì wuê ntɨ̀ zi ane Mbɔ̧ɔ̧mà, ntsèke ntsàꞋtà àli àgème ndò̧a ètɨŋe abua tò.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.