ÀfaꞋa 9:36 - Mundani

³⁶ Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

ÀfaꞋa 9:36 ပူးပေါင်းရင်းမြစ်များ

Matìù 25:17

È wu nè wòt nè bètɔsì babe la ghà ndzì è vi ane èwen mɨ̧̂, àbȩ̀ a nyî a ègwet ane bètɔsì babe.

Jɔ̌n 15:5

“E ngu àyɨt vȩn, bɨ wu mèntaãaã. Wòt tà wu àghɨ yeamɔꞋ nè nà̧, e mè ngu àghɨ yeamɔꞋ nè tò la, wu mbɨ̀Ꞌɨ̀ èntaãaã àyɨt àa nkɔ̀ɔ̀la ntsɔ̧̀ la. Tà bakà wu nè nà̧ tà kà koê ngɨ̀ àghɨ.

Jɔ̌n 15:8

Bɨ me ghɨ̀ èghɨ ntsɔ̧̀ nyaŋ ko bòt aa ye nê bɨ wu bɔkatè bɔ̧ e lɔ̀kè èlen Tǎt am e tsaa ègwet.

ÀfaꞋa 10:23

Pità nê, bɔ̀ nyi a lob bɔ̂ tò ba è li. ÈtsəꞋ e tsi tà tàŋkê ngà bɔ̂ tò ba. ÀbəèꞋ àko ane bɔnyɨ bu bɔ dzəèa a Jopà la e gha bɔ̂ tò ba nɔ̂.

ÀfaꞋa 10:31

nê, ‘Kɔ̀nelìà! Mbɔ̧ɔ̧mà è zə àtsàꞋtè ayê, mè nkù̧ù̧te àfaꞋa ntsɔ̧̀ àyê adù̧ bòt ntseb.

ÀfaꞋa 10:8

Tà tɔ àwɔb shu ànəa a ghɨ̀ la, mbɔ̂ ntù̧ awɔb a Jopà.

ÀfaꞋa 11:13

Tà shu ndɨ yèa lɔ̀Ꞌ ndze wantu̧ Mbɔ̧ɔ̧mà kǒ tà kɨꞋɨ nyi a lob zi la, shu abua zi nê, ‘Tsaa wòt ko a Jopà tà ghǎ ntɔ Simùn wu bɔ̀ɔ ntɔ atò nê Pità la.

ÀfaꞋa 11:5

“E ndi me tsàꞋtè a Mbɔ̧ɔ̧mà àpfəèà nɨ̧ yu è wu Jopà la, ndze àtsə. Àghɨ ako mbɨ̀Ꞌɨ̀ taꞋà ndǐ a me chua a ègwet ngaa mbɨ̀Ꞌɨ̀ bòt e baãaã ane bètɔ̀Ꞌa bakwì me shuke tê a chu nɔ̀ŋkè a ngèt yaã.

ÀfaꞋa 9:38

Èndɨ̌ e li è ka wua saa elɔ̀Ꞌɔ a Jopà eghǎ a Lidà. AfɨꞋa bòt Yesò a Jopà e zə nê Pità wu a Lidà la, bɔ lɔ̀kè bòt babe ntù̧ awɔb nê, bɔ̀ gha shù̧ù̧te atò nê tà kɨꞋɨ kwàla ndzè àwɔb.

ÀfaꞋa 9:42

Ànəê yaa a bùà a èdziꞋ ègème a Jopà. ÀfɨꞋa mbɔŋ bòt nyaŋ e zì mèntɨ̧ɨ̧ mɔb ane Tè Yesò.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 2:7

Àwɔ̀ mbɔŋ, à me ghɨ̀ wuê mènəè ntsɔ̧̀ ane èfàꞋa bê ègème, nɨ̀a nyɨ̀Ꞌta èkaꞋà abua bòt ko. À me nyɨꞋte ànəê, à bê ndzì àtsə nyɨ̀Ꞌte nè èntɨ̧ɨ̧ wê wemɔꞋ.

Tȩtɔ̀s 3:8

Èngà̧ waa mâ laꞋa la wu nkûŋ. Maà nkɨà nê, neeta èsèntè mènəè maa mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Mbɔ̧ɔ̧mà la aa zì àtsə me ghɨ̀ mènəè ntsɔ̧̀. Mènəè maa nàà mbɔ̀ mè ntàꞋa wua ntɨ̀ŋa bòt.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.