ÀfaꞋa 9:26 - Mundani

²⁶ Sɔ̂l ghɨ̀ ale, ngwènè a Jèlusalèm me kɨ enyɔ̀Ꞌte enyi ayɔɔ bɔkatè Yesò, ka bɔ̀ ka wua mbɨ̧̀ɨ̧̀nâ nê tà wu bɔ̂ tò ba nɔ̂.

ÀfaꞋa 9:26 ပူးပေါင်းရင်းမြစ်များ

Matìù 24:10

Bòt nyaŋ aa li lùùlà am àfɨꞋa mbɔŋ, e mě me jɨ mènàŋ a ègwet bɔnyɨ bɔb, mè mpààbà àwɔb.

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 4:23

Mbɨ̀Ꞌɨ̀ bɔ bê sà a Pità bɔ̂ Jɔ̌n la, bɔ ghà kwene ane bòt bɔb, shu awɔb ànəa bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ e shu la.

ÀfaꞋa 9:19

Tà jɨ èghɨjɨ tè tà lɔꞋɔ, mètàŋ tò nkuà. Sɔ̂l ghɨ̀ ale, ntsèke èli mbɔ̀ŋè besòꞋà leꞋ a Dàmaskɔ̀s bɔ̂ bɔkatè Yesò bu abot və la.

ÀfaꞋa 9:25

Ka è wu ètsəꞋ ane àli ako, bèshu̧ Sɔ̂l bɔ̂ tò ba e zì mèntɨ̧ɨ̧ mɔb ane Yesò la, e zi atò a èbem ankà̧ ntsaa ane èləèꞋ ko e ghaꞋa a mbɨ̧̀ àkaã yu la, tà me ghǎ.

Gàlashìà 2:4

Ànəa mbɔŋ a li me lɔ̀Ꞌɔ a si ale ngu ndɨ bòt ko bɔ̀ɔ fɨ̀ta nê bɔ wu bòt Yesò la e li ndzɨ̧̀ɨ̧̀ma nyi ayɔɔ ya, me tsɔ ndɨ̀ŋkà mbɨ̀Ꞌɨ̀ eye ndɨ ba zì mèntɨ̧ɨ̧ ma ane Yesò Klistò ale bà ka tsi ngu èbùꞋ la, e mèe ghɨ̌ baa tsiꞋi èbùꞋ.