ÀfaꞋa 8:7 - Mundani

⁷ Fote kàbɔ̀ŋ tèa ŋǎ bòt ngoꞋ la te sà bòt nyaŋ, tà mè mbəâ e fɔɔle bòt nyaŋ èba ènyit bɔb e pfəꞋte la, nè èbe èka bɔb e ŋɔꞋte la.

ÀfaꞋa 8:7 ပူးပေါင်းရင်းမြစ်များ

Matìù 10:1

Yesò li ntɔ bɔkatè bi bu ntsɔ̀b babe la àdzìꞋ yeamɔꞋ ŋà àwɔb àtɔŋ ndɨ bɔ̀ɔ nɨ efəâ fote kàbɔ̀ŋ ane bòt e mě bə èghɔ̧ nè èlɔꞋ ègème la.

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 4:24

Àndǎ tò a ghà a èdziꞋ ègème a èbem àlaꞋ və fɔ̀ɔ̀le a èbem Silìà ègème. Bòt e zə ale, nɨ bòt tèwuute èghɔ̧ tègème, nɨŋ nkɨ̀Ꞌɨ̂ abua tò tà bə awɔb. Bòt ènyit saa e li ngu ayɔɔ bòt baa, nè bòt fote kàbɔ̀ŋ, nè èbe èghɔ̧ màkwena, fɔ̀ɔ̀le ne èbe èbâ ènyit bɔb è pfəꞋte la.

Ntu̧ Ntsɔ̧̀ MAK 9:26

Fo kàbɔ̀ŋ yu ŋȩ, àtsəadzə àkekweelè a lɔꞋɔ ane waã wu, fo kàbɔ̀ŋ yu bɔ̂ sa atò. Waã wu tsiꞋi nɔ̀ŋke a si mbɨ̀Ꞌɨ̀ mpfəà tè bòt e me shu nê tà pfə.

Lûk 10:17

Mbɨ̀Ꞌɨ̀ bòt bu èghem yesà̧à̧mbe ntsɔ̀b babe e ghà te nkùà la, bɔ wùꞋtè àwɔb, è shu abua Yesò nê, “Tê, ka wuê fote kàbɔ̀ŋ te wua ŋǎ bòt ngoꞋ la, te zə awa ndzəè ane bòt mbɨ̀Ꞌɨ̀ ba ŋwète a mbɨ̧̀ tɔb shu abua yɔb nê, tè dzəa ane bèŋût ane èlen lê la.”

Jɔ̌n 14:12

Ane nkûŋ, tsiꞋ è shua wɨ̧ nê, wòt tà zǐ èntɨ̧ɨ̧ vi ane yaã la naa me ghɨ̀ mènəè maa e ngɨ̀à la mɨ̧̂, e meè ghɨ̌ fɔɔle me è tsě màa la, nkàà nê e tsiꞋa nga ekwene ane tǎt am.

ÀfaꞋa 5:16

Bòt nyaŋ e li ndɔꞋɔ a èpfəè bu a ngèt àpfəèà nɨ̧ a Jèlusalèm la, ŋèꞋe bòt àghɔ̧ bɔb nè bòt fote kàbɔ̀ŋ tèa ŋǎ awɔb ngoꞋ la, nkɨ̀Ꞌɨ̂ bɔ bə awɔb bàgème.

ÀfaꞋa 8:6

Mbɨ̀Ꞌɨ̀ ènɔ̧̂ bòt bu e zə ànəa Filìb shua la, mè ndzè tèwuute ènəê kà ye fɨ̀Ꞌ tu tà ghɨ̀ la, bɔ nèètè ngàꞋte ètû̧ bɔb njùte èngǎ̧ tò.

Ebùlù 2:4

Mbɔ̧ɔ̧mà zìambɔŋ nɨ èlȩê, nè ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte nê ànəa ngaa wu nkûŋ mɨ̧̂, ndɔ̀Ꞌ mè ngàbtè èghɨ Fo Kèfə nàa ŋǎ la abua bòt. Mbɔ̧ɔ̧mà wu nàà ŋǎ èghɨ bàa abua bòt mbɨ̀Ꞌɨ̀ tà kɔ̀ŋkè la.