ÀfaꞋa 8:37 - Mundani

³⁷ [Filìb shu abua tò nê, “À nàŋa tè ndzia èntɨ̧ɨ̧ wê ègème ane Yesò ko betsiꞋa bɔ zì àwê a èdzî.” Tà nê, “Oò mâ bɨ̧̀ɨ̧̀nè nê Yesò Klistò wu Waã Mbɔ̧ɔ̧mà.”]

ÀfaꞋa 8:37 ပူးပေါင်းရင်းမြစ်များ

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Jɔ̌n 11:27

Tà bɨ̀ɨ̀lè nê, “Oò Tè, mâ bɨ̧ɨ̧ne, nê à wu Waã Mbɔ̧ɔ̧mà, à wu Fɔ̧̀ wu tà li ndzɔꞋ etsàà la, ye wu tà bɔ ndɨ tàa kɨꞋa sitsǎꞋ la.”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

Jɔ̌n 9:35

ÀfɨꞋa Yesò zə nê bɔ fəa tò la, tà kɨ atò mbììte atò nê, “À zǐ èntɨ̧ɨ̧ wê ane Waã Wòt?”

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 8:12

Mbɨ̀Ꞌɨ̀ bɔ zə Ntu̧ Ntsɔ̧̀ kèfɔ̧̀ Mbɔ̧ɔ̧mà ane èlen Yesò Klistò lu Filìb làꞋà la, wòt ègème, mbâ̧ nè àvi bɨ̧ɨ̧nè, bɔ zì atò a èdzî.

ÀfaꞋa 8:21

À bakà bɔ ànəê ane àfàꞋ yaa, nkàà nê èntɨ̧ɨ̧ wê e ntsě ndɨŋndɨ̀ŋ e mbì Mbɔ̧ɔ̧mà.

ÀfaꞋa 8:36

Mbɨ̀Ꞌɨ̀ bɔ̀ɔ ngȩ̀ȩ̀nà aa alu̧ və nchua ngà la, bɔ ye àtɨ̀ŋ a mèleb adzìꞋ ako, wɔ̀jûŋ wu shu abua tò nê, “Ye mèleb, e ghǎ àa kele am nê ko mbɨ̀Ꞌɨ̀ bɔ zì am a èdzî à?”

ÀfaꞋa 8:38

Ale, wɔ̀jûŋ wu ghɨ̀ àkàt yu a tɨ̧̂, bɔ̂ Filìb e chu nga a èbem àtɨ̀ŋ yu tà zì atò a èbèm.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

Lûm 10:10

Wòt nàa ngɨ̀ tà bɨ̧ɨ̧ne a èntɨ̧ɨ̧ vi, Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wòt mee tà làꞋa ane ètsəê vi, tà bɔ̀ mèmpème.

1 Kɔlìn 12:3

Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

1 Jɔ̌n 5:5

Wòt betsiꞋa tà tsè ngɔ̀ŋ yaa la wu ndàꞋà wòt tà bɨ̧ɨ̧nè nê Yesò wu Waã Mbɔ̧ɔ̧mà la.