ÀfaꞋa 7:35 - Mundani

³⁵ “Musì waa e shua la, wu wòt wu bòt Izəèlȩê e li ntû̧ eyute èngǎ̧ tò la. Bɔ̀ li ngɨ̀ tè ntsìꞋa mbììta atò nê, ‘Wàa yɔꞋɔ àwê nê me saꞋa awa à?’ Wu tòà wu Mbɔ̧ɔ̧mà li ntsaa nê, tà wu àtsəa ya mè ntsì awa a èbem ngoꞋ ta la. Mbɔ̧ɔ̧mà li ngɨ̀ wantu̧ vi laꞋa abua to a èbem abàꞋ wu è le wua ngòꞋà la.

ÀfaꞋa 7:35 ပူးပေါင်းရင်းမြစ်များ

Ntu̧ Ntsɔ̧̀ MAK 12:26

È me wu ànəa mànju̧u̧ma, ko bɨ bakà li mè tɔ a èbem àkatè Musì ànəa abàꞋ wu è li ngua nkòòla la à? Bɔ shɨ a èbèm nê Mbɔ̧ɔ̧mà li shu abua Musì nê, ‘E ngu Mbɔ̧ɔ̧mà Abàlàghâm, ngu Mbɔ̧ɔ̧mà Asàk, mè ngu Mbɔ̧ɔ̧mà Jàkɔ̂b’.

Lûk 19:14

“Bòt àlaꞋ a wòt ngaa e li bɔ̀ ka wua nkɔ̀ŋkà atò, ale bɔ tsàà bɔntu̧ akwèn atò nê, ‘Baà kà kɨ nê mbê waa wu fɔ̧̀ wa.’

Jɔ̌n 18:40

Bɔ ŋȩ nê, “ChaꞋ; à ka sa tò, sà wua Bàlabasì.” (Bàlabasì li ngu kwàꞋ tsɔŋ kèkweelè.)

Jɔ̌n 19:15

Bɔ ŋȩ nê, “Bɔ̀ Bùŋe atò! Bɔ bùŋe atò! Bɔ wu̧u̧te atò a mbɨ̧̀ mbasa.” Pȩlèt bììte awɔb nê, “Bɨa nkɨà nê, è ngu̧u̧te Fɔ̧̀ wɨ̧ a mbɨ̧̀ mbasa à?” Bètǎt bèntsìà mèpɨ̧̀ Mbɔ̧ɔ̧mà bu e nê, “Ba bakà bɔ fɔ̧̀ tsǎ ka nè Sisà.”

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 3:22

Musì tà wu wòt kǒ ane yɔb la li shu nê, ‘Mbɔ̧ɔ̧mà Lefɨ̀Ꞌ wɨ̧ nàa li etsàa ndàꞋàtɔŋ ko abua yɨ̧, wuê mbɨ̀Ꞌɨ̀ tà li ntsàà am la. Ŋut naa li dzəâ ayɔɔ yɨ̧. Bɨ bɔ̂ ndɨ bɨ̀a yute ànəê àgème tà shu awɨ̧ la.

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

ÀfaꞋa 7:30

“ÈngùꞋ èghem yekwì e tsè, wantu̧ Mbɔ̧ɔ̧mà saꞋa a mbì Musì. Tà li saꞋa abàꞋ kǒ è le wua nkòòla àbâ àlaꞋ àyuube yu a ngèt Èbȩ Sinȩ̀ la.

ÀfaꞋa 7:51

Stifèn làꞋ ale mè nê, “Bɨ ghɨ̀ na ka me kweele àtsə anè à? Mèntɨ̧ɨ̧ mɨ̧ ghɨ̀ na ka nkwèèle tè bɨ bê ntû̧ eyute èngǎ̧ Mbɔ̧ɔ̧mà à? Bɨ bê ngu wuê mbɨ̀Ꞌɨ̀ bètǎt nyaꞋ bɨ̧. Bɨ̀a mbɔŋ e taꞋa wua ntu̧a eyute ànəa Fo Kèfə nàa shua la.

Kɔ̀losìà 1:15

Yesò Klistò wu bà le wua ndzèa tò la nàà mbɨ̀Ꞌɨ̀ Mbɔ̧ɔ̧mà wu bàa ka ye atò la. Tà lè wuê ka bɔɔ ghɨ̌ èghɨ ègème, tà mè ngu àtsə àghɨ àgème bɔ li ngɨ̀ la.

Ebùlù 2:2

Èngà̧ wu bɔntu̧ Mbɔ̧ɔ̧mà e li ndàꞋ tê àfɨꞋa Musì la, e li ndâ ngua nkwèèla tè wòt ègème tà tu̧u̧ e ghɨ̀ àghɨa e shua la bɔ ngoꞋ è kuꞋu ane àghɨa tà ghɨ̀ la.

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.