ÀfaꞋa 6:9 - Mundani

⁹ Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

ÀfaꞋa 6:9 ပူးပေါင်းရင်းမြစ်များ

Matìù 10:17

Bɨ̀ me ko awɨ̧ ane bɔbȩ na bɔ̀ɔ baãaã awɨ̧ enɨ ghǎ a lobte èsaꞋa, e mě shu̧ awɨ̧ a èbem lobte Mbɔ̧ɔ̧mà tɔb la.

Matìù 23:34

È wu ale, tsiꞋ è shua wɨ̧ nê maa tsàà bèndàꞋàtɔŋ Mbɔ̧ɔ̧mà a kètsìà wɨ̧ nè bòt èyì, nè bènyɨꞋtà mènəè Mbɔ̧ɔ̧mà, bɨa bùŋè beko, ewu̧u̧te ebeko a mbɨ̧̀ mbasa, e shu̧ beko a èbem lobte Mbɔ̧ɔ̧mà, e mě me nkùŋè àwɔb àpfəè èpfəè, nkɨà àtsəa yɔb enɨ.

Matìù 27:32

Mbɨ̀Ꞌɨ̀ bɔ lɔꞋ me ghà la, bɔ ye wòt Silenè kǒ èlen tò wu Simùn la, mbà̧à̧ atò tà ŋèꞋe mbasa Yesò.

Ntu̧ Ntsɔ̧̀ MAK 13:9

“Bɨ bɔ ndɨ bɨ̀a nɨ àfɨ̀Ꞌ à yɨ̧ ntsɔ̧̀ la. Bɔɔ li baãaã awɨ̧ e ghǎ saꞋa, e lɔ̀Ꞌɔ shu̧u̧ awɨ̧ a èbem lobte Mbɔ̧ɔ̧mà. Bɨa li tɨ̧ɨ̧ a mbì bèfɔ̧̀ nè bɔɔjuŋ àlaꞋ ambo yaã, e tsɔ̀tè Ntu̧ Ntsɔ̧̀ yu abua yɔb.

Lûk 21:12

“Ka èghɨ ngaa aa li me laꞋ nê aa ngɨ̀à, bɔ baãaã awɨ̧, ngɨ̧̀ɨ̧̀nè àwɨ̧, ntsàà àwɨ̧ a lobte Mbɔ̧ɔ̧mà Bèjuê bɔ saꞋa awɨ̧, màꞋà àwɨ̧ a tèfȩ. Bɔɔ li esəèŋnè àwɨ̧ enɨ kɨꞋɨ a mbì bèfɔ̧̀ nè bɔɔjuŋ àlaꞋ, ambo yaã.

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 13:1

BèndàꞋàtɔŋ nè bènyɨꞋtà èngǎ̧ Mbɔ̧ɔ̧mà e li ngu ayɔɔ bòt chɔsì bu àpfəèà nɨ̧ yu è wu Antìɔ̀k la. Bòt ngaa li ngu Bànabasì, nè Simiòn (wu bɔ̀ le wua ntɔ̀ atò nê wòt kèfen la), nè Lusiɔ̀s (wu tà lè dzəa àpfəè yu è wu Silenè la), nè Manèn (wu tà li ntsə àpfəa fɔ̧̀ Elɔ̀d la), nè Sɔ̂l.

ÀfaꞋa 13:45

Mbɨ̀Ꞌɨ̀ Bèjuê e ye ènɔ̧̂ bòt bu la, bɔ tsiꞋi me làꞋa ane ghòꞋnà, shua mènəè kàbɔ̀ŋ, ngèbtâ ànəê àgème Pɔ̂l nàa shua la.

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 15:41

Pɔ̂l ba e lɔ̀Ꞌ ale, ntsè èlaꞋ Silìà nè Sìlisìà me ghȩ̀ȩ̀na ndɔ̀ktà bèchɔsì bu.

ÀfaꞋa 16:6

Bɔ li ngȩ̀ȩ̀nè ntse adzìꞋ yu a kètsìà èlaꞋa Fligìà bɔ̂ Gàlashìà la, nkàà nê Fo Kèfə li è kà sa awɔb nê, bɔ̀ làꞋa èngǎ̧ Yesò àlaꞋ a Esìà.

ÀfaꞋa 18:24

Wòt Juê kǒ li nkɨ̀Ꞌɨ̂ a Efesɔ̀s èlen tò wû Àpolòs la. Bɔ̀ le bi atò a Àlèkzandìà, tà bɔ̂ ntaꞋa ko a màndaꞋa, mè ntaꞋa ko mènəè bɔ shɨ a èbem èdziꞋi èkatè Mbɔ̧ɔ̧mà la.

ÀfaꞋa 19:10

Bɔ li ngɨ̀ àyaa ane èngùꞋebȩ yebe, tè Bèjuê bɔ̂ bòt Glɨ̂k bàgème bɔ̀ɔ ntsèka àbâ àlaꞋ a Esìà la e zə mènəè Yesò.

ÀfaꞋa 19:26

Bɨ̀a mbɔŋ e ye mè ndzəè àghɨa mbê waa bɔ̀ɔ ntɔ atò nê Pɔ̂l la è ghɨ̀ la. Tàà shua nê bèmbɔ̧ɔ̧mà bàa bɔbȩ àa ngɨa ane èbu bɔb la ntsě àghɨ. Tà làꞋà èngǎ̧ vi wu tè nɨŋ ntsòkè àtsəa bòt a Efesɔ̀s ŋaa, nè àbâ àlaꞋ a Esìà ŋaa àgème.

ÀfaꞋa 21:27

Mbɨ̀Ꞌɨ̀ èli bu besà̧à̧mbe e tsiꞋa nkɨ emì la, Bèjuê ko bɔ dzə àbâ àlaꞋ a Esìà la e ye a Pɔ̂l a èbem lob nɨ̧ Mbɔ̧ɔ̧mà a Jèlusalèm. Bɔ ye atò, ntɔ̀te àtsəa ènɔ̧̂ bòt, a zì èbu ane tò.

ÀfaꞋa 21:39

Pɔ̂l bɨ̀ɨ̀lè nê, “E ngu wòt Juê bɔ bi am àpfəèà nɨ̧ yu è wu Tasɔ̀s àbâ àlaꞋ a Sìlisìà la. E ngu waã àpfəèà nɨ̧ àkekweelè àlaꞋ ŋàa. Wɔ̀jûŋ, chɨɨme sà am è ndaꞋa abua bòt baa.”

ÀfaꞋa 22:19

“E bɨ̀ɨ̀lè nê, ‘Tê, bɔ ko ntsɔ̧̀ nê e ndi ngua nga a èbem lobte Mbɔ̧ɔ̧mà tɔb mbà̧aã bòt bu bɔ zì mèntɨ̧ɨ̧ mɔb ane yê la è shù̧a wɔb.

ÀfaꞋa 22:3

Nê “E ngu wòt Juê bɔ bi am Tasɔ̀s àbâ àlaꞋ a Sìlisìà la. Mbɔ̂ e ndi ntsə a Jèlusalèm ŋaa mbɨ̀Ꞌɨ̀ wakatè Gàmalìà. Bɔ li nèètè nyɨ̀Ꞌte am ndɨ màa me kùŋe mbɨ̧te bètǎt nyaꞋ ba la. E mè ŋà ènyit yaã abua Mbɔ̧ɔ̧mà wuê mbɨ̀Ꞌɨ̀ bɨ̀agème wàà bɨ tɨ̧ɨ̧ a si ŋàa laane la.

ÀfaꞋa 23:34

Tà tɔ àkatè yu mbììte a Pɔ̂l àbâ àlaꞋ a tà dzəè ngaa la. ÀfɨꞋa tà zə nê Pɔ̂l è dzəa a Sìlisìà la,

ÀfaꞋa 24:18

È nga è me ghɨ̌ èghɨ bàa ka bɔ ye am a èbem lob nɨ̧ Mbɔ̧ɔ̧mà a Jèlusalèm. Me ye am ale, e ko nê mâ paa tê ntàŋke èpà̧ wu mâ wua ngɨ̀à enɨ nyɨꞋte nê e ntsiꞋi wòt èntɨ̧ɨ̧ kèfə e mbì Mbɔ̧ɔ̧mà la. Ènɔ̧̂ bòt e li è ka wu abot, ngoꞋ ka mê nguê. Ka Bèjuê ko bɔ dzə àbâ àlaꞋ a Esìà la e bɔ̂ ngu abot.

ÀfaꞋa 26:11

E ndi ntàꞋa wua ngɨ̀à bɔ ghɨ̧̀ɨ̧̀nà àwɔb a èbem lobte Mbɔ̧ɔ̧mà Bèjuê tègème. E ngɨ̀ è me ghɨ̀ ale, e ngua nyɔ̀Ꞌtà nkɨ e ghɨ̌ bɔɔ tu̧ a Yesò. E ndi mbê mpààbè àwɔb tè me ghǎ fɔ̀ɔ̀le a èpfəè nɨ̧ ko a èlaꞋ a tsa nkɨ̀a àtsə yɔb enɨ.

ÀfaꞋa 6:10

Fo Mbɔ̧ɔ̧mà li ŋǎ a Stifèn èyì, tè tà ghɨ̀ tà laꞋa, bòt bu è ka tsi nkoê ntsɔ̀Ꞌɔ èngǎ̧ tò.

1 Kɔlìn 1:20

Ale, wòt wu tà bɔ èyì la wu neŋàà? NyɨꞋtà mbɨ̧te Musì naa wa à? Bòt bu bɔ̀ɔ nkàànà mènəè àlia laane la bɔ̀ɔ wa à? Mbɔ̧ɔ̧mà nyɨꞋte nê, èyì ngɔ̀ŋ yaa wu àghɨ̧̀ɨ̧̀nè.

Gàlashìà 1:21

Àfɨ̀Ꞌ a li ntsèke tè me wu, e nga àbâ Silìà bɔ̂ Sìlisìà.