ÀfaꞋa 6:7 - Mundani

⁷ Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

ÀfaꞋa 6:7 ပူးပေါင်းရင်းမြစ်များ

Matìù 19:30

Ka bòt nyaŋ, bɔ̀ wua mbì àfɨ̀Ꞌ yaa la, bɔɔ li tsiꞋa akwèn, èbe bɔ̀ wua akwèn la e tsiꞋa a mbì.”

Lûk 2:34

Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

Jɔ̌n 12:42

A li mbàte ngu anè ale, ka bɔɔjuŋ nyaŋ ayɔɔ Bèjuê bu e bɔ̂ ndzì èntɨ̧ɨ̧ wɔb ane Yesò ka ndɨ̀ wu bɔ̀ɔ mbɔ̀a Bèfalèsiì la, bɔ̀ ka nɨ ètsəê wɔb elàꞋa bòt aa zə, mbɨ̀Ꞌɨ̀ ka bɔ fəè àwɔb a èbem lob Mbɔ̧ɔ̧mà yɔb.

ÀfaꞋa 12:24

Mbɨ̀Ꞌɨ̀ tà pfə la, èngǎ̧ Mbɔ̧ɔ̧mà e me tsəa ngà wuê nè mbì adzìꞋ àgème.

ÀfaꞋa 13:8

Ka wòt tèkàŋ wu bɔ̀ɔ ntɔ atò ane ndɨ̧ Glɨ̂k nê Èlimàs la me kɨ ekele a gɔvanɔ̀ wu nê mbɨ̀Ꞌɨ̀ tà zì èntɨ̧ɨ̧ vi ane Yesò.

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

ÀfaꞋa 19:20

Ànəa kekweelè yaa a li ngɨ̀ bòt nyaŋ e mè ndzì mèntɨ̧ɨ̧ mɔb ane Yesò tè èngǎ̧ tò e me kweela ngà wuê nè mbì.

ÀfaꞋa 2:47

Bɔ li ngua nguꞋta a Mbɔ̧ɔ̧mà tè waa waa ye nê bɔ wu bòt ntsɔ̧̀. Tè Yesò li ngua nkwèꞋnà bòt tà ŋa wɔb ngule mèmpème la ane yɔb àli àgème.

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 6:1

Àfɨ̀Ꞌ àko a tsè, bɔkatè Yesò e me kwèꞋne, àyɔ̀ŋ a dzə a kètsìà Bèjuê bu bèa ndàꞋà wuê ndɨ̧ Glɨ̂k la, nè Bèjuê bu è wù bèlèkɔꞋasi la. Èbu bèa ndàꞋà wuê ndɨ̧ Glɨ̂k la e me tsoo nê, bɔ̀ɔ ngɨ̀ bɔ̀ me ghàbtè èghɨ àli àgème bɔ̀ ka ŋa be bènempfə bɔb.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Gàlashìà 1:23

Bɔ li ndzə wuê nê, “Wòt wu tà li ndâ ngua nkɨa àtsə ya enɨ la è tsiꞋa ndàꞋà sèntà èngǎ̧ Mbɔ̧ɔ̧mà wu tà li ngua nkɨà èlu̧ eliime la.”

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Jûd 1:20

Bèshu̧ bɔ̧, è me wu awɨ̧ ko bɨ̀ baãaã mènəè mu bɨ bɨ̧ɨ̧ne la me kweela ngà nè mbì. Mènəè maa dzə abua Mbɔ̧ɔ̧mà zìambɔŋ. Bɨ̀ me tsàꞋte Mbɔ̧ɔ̧mà ane mètàŋ Fo Kèfə.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.